ឈ្វេងយល់ របៀបមានសុវត្ថិភាព ពេលដឹកទំនិញសំពីងសំពោង

ក្រសួងសាធារណការ និងដឹកជញ្ជូន នៅថ្ងៃទី៩ ខែសីហា ឆ្នាំ២០២៣នេះ បានប្រាប់ពីរបៀបដែលនាំមកនូវសុវត្ថិភាព និងមិនបង្កផលប៉ះពាល់ដល់អ្នកដទៃ នៅពេលដឹកជញ្ជូនទំនិញសំពីងសំពោង ក្នុងពេលបើកបរ។

ក្រសួងសារធារណការ និងដឹកជញ្ជូន បានបញ្ជាក់ថា ការដឹកទំនិញសំពីងសំពោង យោងតាម មាត្រាច្បាប់ស្តីពីចរាចរណ៍ផ្លូវគោក ចុះថ្ងៃទី៩ ខែមករា ឆ្នាំ២០១៥ បង្ហាញថា៖

– ត្រូវយកចិត្តទុកដាក់ខ្ពស់ ដោយបើកបរក្នុងល្បឿនយឺត ជាពិសេសនៅពេលទៅដល់ផ្លូវកោង និងនៅពេលធ្វើការបត់ខ្លាំង។

– ការផ្ទុកទំនិញដែលមានបណ្តោយវែង បន្ទុកនោះមិនត្រូវឱ្យលូតហួសពីគែមខាងមុខ នៃរថយន្ត និងមិនត្រូវឱ្យហួសពី​គែមខាងក្រោយ នៃរថយន្តប្រវែង ៣ម៉ែត្រ ឬធ្លាក់អូសដី។

– ប្រសិនបើបន្ទុកត្រូវលូតហួស ១ម៉ែត្រ ពីគែមខាងក្រោយ នៃរថយន្ត ពេលថ្ងៃ ត្រូវចងក្រណាត់ពណ៌ក្រហម ពេលយប់ត្រូវដាក់កញ្ចក់ចាំងពន្លឺពណ៌ក្រហមនៅចុងបន្ទុក និងទទឹងបន្ទុកមិនត្រូវឱ្យលើសហួសពីគែមទទឹងរថយន្តឡើយ៕