KPT+
ចេះរស់នៅដោយសប្បាយចិត្ត ចាត់ទុកថាជីវិតជោគជ័យហើយ!
មនុស្សស្ទើរគ្រប់គ្នាតែងគិតអំពីភាពជោគជ័យទៅលើតែសមិទ្ធិផលធំៗ។ មិនដូច្នោះទេ! តាមពិតភាពជោគជ័យមានច្រើននិយមន័យណាស់ ហើយបើអ្នកអាននៅទីនេះ ចេះរស់នៅដោយសប្បាយចិត្ត នោះចាត់ថាជីវិតជោគជ័យហើយ។
១. រកពេលវេលាខ្លះដើម្បីស្វែងយល់ពីខ្លួនឯង
មនុស្សយើងរមែងតែលតោលនៅពេលណាមួយ ដែលមូលហេតុនោះអាចមកពីយើងខ្លួនឯងមិនស្គាល់ខ្លួនឯង។ ដូច្នេះការទុកចន្លោះពេលដើម្បីស្វែងរកគោលបំណងពិតប្រាកដរបស់ខ្លួនគឺជារឿងសំខាន់។ សួរខ្លួនឯងមើល៍! តើយើងចូលចិត្តអ្វី? មានក្តីស្រមៃអ្វីខ្លះ? ចម្លើយនៃសំណួរនេះអាចបង្ហាញពន្លឺខ្លះៗមិនខានអំពីខ្លួនយើង ហើយក៏អាចនឹងលែងសូវឱ្យយើងវិលវល់។
២. រៀនជឿជាក់និងឲ្យតម្លៃលើខ្លួនឯង
គុណតម្លៃនិងភាពជឿជាក់តែងមានជាប់ខ្លួនរបស់យើងម្នាក់ៗតាំងតែពីកុមារភាពមកម្ល៉េះ គ្រាន់តែពេលខ្លះយើងដឹង និងពេលខ្លះមិនដឹង។ ដូច្នេះត្រូវស្វែងយល់មកម្ដងទៀតពីតម្លៃនៃខ្លួនឯង ហើយផ្ដល់ទំនុកចិត្តដល់ខ្លួនជានិច្ច ដើម្បីរស់ថ្ងៃនេះឱ្យបានល្អបំផុត។
៣. គួរតែមានកំណត់ហេតុប្រចាំថ្ងៃ
បើសិនមិនទាន់ស្វែងយល់ពីខ្លួនឯងច្បាស់ យើងគួរតែកត់ត្រានូវសកម្មភាពប្រចាំថ្ងៃរបស់ខ្លួន ដើម្បីឲ្យដឹងថាយើងធ្វើអ្វីបានខ្លះ? មិនទាន់សម្រេចអ្វី? ហើយគួរធ្វើយ៉ាងណាដើម្បីជីវិតនេះ ចេះតែដើរទៅមុខប្រកបដោយជោគជ័យ។ កំណត់ហេតុ មិនគួរសរសេរតែរឿងកើតទុក្ខ ឬបញ្ហា តែគួរបញ្ជូលនូវរឿងតូចតាចល្អៗដែលយើងជួបរាល់ថ្ងៃផងដែរ ព្រោះរឿងនេះអាចជំរុញទឹកចិត្តបានច្រើន។
៤. ទទួលស្គាល់អ្វីដែលយើងមិនអាចប្តូរ
យើងជាយើង គួរស្រលាញ់អ្វីដែលយើងស្រលាញ់។ មានរឿងខ្លះយើងអាចផ្លាស់ប្តូរវាបាន ប៉ុន្តែក៏មានរឿងខ្លះយើងក៏មិនអាចផ្លាស់ប្តូរបានទេ ដូចនេះគួរតែរៀនទទួលយក ព្រោះទោះយ៉ាងណា វាគឺជាខ្លួនយើង។
៥. ផ្លាស់ប្តូរអ្វីដែលយើងគួរតែផ្លាស់ប្តូរ
មិនប្រាកដថាការផ្លាស់ប្តូរទាំងអស់សុទ្ធតែល្អ។ រឿងខ្លះយើងកែប្រែហើយ ក៏អាចក្លាយទៅជាអាក្រក់ បែបនេះយើងគួរតែជ្រើសរើសកែប្រែនៅអ្វីដែលមានប្រយោជន៍សម្រាប់ខ្លួនឯងនិងមនុស្សជុំវិញខ្លួន។ ការទទួលយកនិងទទួលស្គាល់ខ្លួនឯង វាពិតជារឿងអស្ចារ្យ ប៉ុន្តែត្រូវចាំថា យើងមិនមែនជាឧបករណ៍សម្រាប់បំពេញចិត្តមនុស្សគ្រប់គ្នានោះទេ។ អ្វីដែលយើងមិនអាចផ្លាស់ប្តូរបាន យើងគួរតែផ្តល់ឱកាសឲ្យវាកន្លងទៅ កុំឱបក្រសោបពេក!
អត្ថបទ៖ មួង ពិសី
ចុចអាន៖ រឿង ៧ យ៉ាងដែលបុគ្គលជោគជ័យម្នាក់ៗមានលក្ខណៈដូចគ្នា
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ