ព័ត៌មានជាតិ

ផ្តល់អំណោយពលរដ្ឋ៧០នាក់ ដែលកំពុងធ្វើចត្តាឡីស័ក នៅមណ្ឌលចត្តាឡីស័កនៅស្រុកសំរោង

បានផុស

៥ years មុន

នៅ

ថ្ងៃសុក្រ ៤ មិថុនា ២០២១

ដោយ

នាំយកអំណោយលោកនាយឧត្តមសេនីយ៍ បណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល និងជាប្រធានក្រុមការងាររាជរដ្ឋាភិបាលចុះជួយមូលដ្ឋានស្រុកសំរោងទទួលបន្ទុក៩ឃុំ និងសប្បុរសជននានា ជូនដល់កម្លាំងប្រជាការពារ និងបងប្អូនប្រជាពលរដ្ឋ៧០នាក់ ដែលបានកំពុងធ្វើចត្តាឡីស័ក នៅមណ្ឌលចត្តាឡីស័កសាលាបឋមសិក្សាអង្គក្តី នៃស្រុកសំរោង ខេត្តតាកែវ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃទី៤ ខែមិថុនា ឆ្នាំ២០២១ លោក កេត ម៉ៅ អភិបាលស្រុកសំរោង និងជាប្រធានគណៈកម្មាធិការប្រយុទ្ធប្រឆាំងនឹងជំងឺ កូវីដ-១៩ រួមដំណើរដោយលោក ស្វាយ ឧត្ថោ អភិបាលរងស្រុក សមាជិកក្រុមការងារថ្នាក់ស្រុកទទួលបន្ទុកឃុំសិង្ហ ដោយមានការចូលរួមពី លោកមេឃុំ លោក លោកស្រីសមាជិកក្រុមប្រឹក្សាឃុំ ស្មៀនឃុំ នាយ នាយរង និងមន្ត្រីប៉ុស្តិ៍នគររដ្ឋបាលឃុំសិង្ហ បានចុះសួរសុខទុក្ខ និងនាំយកអំណោយរបស់លោកនាយឧត្តមសេនីយ៍ បណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល និងជាប្រធានក្រុម ការងាររាជរដ្ឋាភិបាលចុះជួយមូលដ្ឋានស្រុកសំរោងទទួលបន្ទុក៩ឃុំ និងសប្បុរសជននានា ជូនដល់កម្លាំងប្រជាការពារ និងបងប្អូនប្រជាពលរដ្ឋប្រមាណ៧០នាក់ ដែលបានកំពុងធ្វើចត្តាឡីស័ក នៅមណ្ឌលចត្តាឡីស័កសាលាបឋម សិក្សាអង្គក្តី ។

នាឪកាសនោះដែរ លោក កេត ម៉ៅ អភិបាលស្រុកសំរោង និងក្រុមការងារ បានណែនាំឲ្យបងប្អូនត្រូវថែរក្សាសុខភាព មានអនាម័យល្អក្នុងការហូបចុក និងធ្វើលំហាត់ប្រាណឲ្យបានជាប្រចាំ ក្នុងអំឡុងពេលធ្វើចត្តាឡីស័កនេះ ជាពិសេសត្រូវអនុវត្តតាមការ ណែនាំរបស់ក្រសួងសុខាភិបាល និងវិធានការ ៣ការពារ និង ៣កុំ ដើម្បីចូលរួមទប់ស្កាត់ការឆ្លងរីករាលដាលជំងឺកូវីដ- ១៩ នេះមិនឲ្យចូលក្នុងសហគមន៍បន្តទៀត ៕

អត្ថបទ ៖ រ៉ាវុទ្ធ