ព័ត៌មានជាតិ

កិច្ចប្រជុំវាយតម្លៃចំណុចខ្លាំង ចំណុចខ្សោយ លើការងារចាក់វ៉ាក់សាំងកូវីដ-១៩ ខេត្តកំពង់ធំ

បានផុស

៥ years មុន

នៅ

ថ្ងៃអាទិត្យ ១៨ កក្កដា ២០២១

ដោយ

ឧត្ដមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានបើកកិច្ចប្រជុំ ប្រជុំត្រួតពិនិត្យវាយតម្លៃចំណុចខ្លាំង ចំណុចខ្សោយ នូវបទពិសោធន៍ និងលើកទឹកចិត្តដល់ក្រុមការងារចាក់វ៉ាក់សាំងការពារជំងឺកូវីដ១៩ របស់បញ្ជាការតំបន់ប្រតិបត្តិការសឹករងកំពង់ធំ ដែលបានកំពុងតែធ្វើសកម្មភាព ចាក់វ៉ាក់សាំងបង្ការជូនបងប្អូនប្រជាពលរដ្ឋនៅស្រុកប្រាសាទបាគង ខេត្តសៀមរាប នៅព្រឹកថ្ងៃអាទិត្យទី១៨ ខែកក្កដា ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុទ្ធនាការចាក់វ៉ាកសាំងបង្ការជំងឺកូវិ១៩ ក្នុងរយះពេល៣ថ្ងៃ ក្នុងឃុំត្រពាំងធំ និងឃុំមានជ័យ របស់ស្រុកប្រាសាទបាគង ខេត្តសៀមរាប បានបញ្ចូលទិន្នន័យ និងចាក់វ៉ាក់សាំងជូនប្រជាពលរដ្ឋបានចំនួន៥,៥៨៥ នាក់ ស្រី២,៨៨៧នាក់ ប្រកបដោយសុវត្ថិភាព និងបន្តចាក់នៅថ្ងៃអាទិត្យនេះ ជូនប្រជាពលរដ្ឋប្រមាណជាង មួយពាន់នាក់បន្ថែមទៀត។

ឧត្ដមសេនីយ៍ទោ សោម ស៊ុន បានវាយតម្លៃខ្ពស់នូវការខិតខំប្រឹងប្រែង យកចិត្តទុកដាក់របស់ក្រុមកាងារ ដែលប្រកបដោយបទពិសោធន៍ និងការអនុវត្តន៍ភារកិច្ចកន្លងមក និងបានកោតសរសើរ នូវស្មារតីទទួលខុសត្រូវ ក្នុង កិច្ចសហការ ជាមួយអជ្ញាធរដែនដី ដើម្បីបម្រើប្រជាជន ដោយអនុវត្តតាមបទបញ្ជា របស់មេបញ្ជាការដ្ឋានយោធភូមិភាគទី៤ ទទួលបានលទ្ធផលជោគជ័យគួរជាទីមោទនៈ។

ឧត្ដមសេនីយ៍ ទោ សោម ស៊ុន បានអំពាវនាបតាមរយះ អាជ្ញាធរដែនដី ប្រជាពលរដ្ឋឲ្យក្មេងអាយុ ចាប់ពី១៨ឆ្នាំ ឡើងទៅ មកចាក់វ៉ាក់សាំងការពារជំងឺកូវីដ១៩ ឲ្យបានគ្រប់ៗគ្នាកុំបីអាក់ខានឡើយ ក្រុមការងាររងចាំបម្រើប្រជាជនដោយស្មោះត្រង់និងដោយឥតលក្ខខណ្ឌ និងត្រូវចូលរួម អនុវត្តន៍ឲ្យបានត្រឹមត្រូវតាមវិធានការ៣កុំ និង៣ការពារ របស់សម្តេចតេជោហ៊ុន សែន ឲ្យបានត្រឹមត្រូវ។

ប្រជាពលរដ្ឋដែលបាន មកចាក់វ៉ាក់សាំងការពារជំងឺកូវីដ១៩ បានអគុណសម្តេចតេជោហ៊ុន សែន និងសម្តេច កិត្តិព្រឹទ្ឋបណ្ឌិត និងសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ដែលបាន ជួយសង្គ្រោះអាយុជីវិតរបស់ពួកគាត់សារជាថ្មី ឲ្យរួចផុតពីជំងឺកូវីដ១៩ និងសូមគោរពជូនពរ សម្តេចមានសុខភាពល្អ បន្តដឹកនាំនាវាកម្ពុជា ក្នុងសុខសន្តិភាព និងការអភិវឌ្ឍន៍ថ្មីៗបន្ថែមទៀត ។

អត្ថបទ ៖ ប៊ុន រដ្ឋា

Related Topics:ខេត្តកំពង់ធំ