ព័ត៌មានជាតិ

បិទខ្ទប់ខេត្តសៀមរាបជាច្រើនថ្ងៃ បន្តរកឃើញអ្នកភូមិ មន្រ្តីសុខាភិបាលឆ្លងកូវីដមេរោគបំប្លែងខ្លួនថ្មីបន្តបន្ទាប់

បានផុស

៥ years មុន

នៅ

ថ្ងៃពុធ ៤ សីហា ២០២១

ដោយ

ខេត្តសៀមរាប បានរកឃើញមានអ្នកឆ្លងវីរុសកូវីដបំប្លែងខ្លួនដែលតា លើអ្នកភូមិជាច្រើននាក់ រួមទាំងបុគ្គលិកសុខាភិបាលម្នាក់ផងដែរ។

អ្នកភូមិនៅខេត្តសៀមរាបដែលរកឃើញឆ្លងកូវីដដែលតា (Delta) មាននៅឃុំអូរសោម ស្រុកអង្គរជុំ ចំនួន ២ នាក់ នៅឃុំចារឈូក ស្រុកអង្គរជុំចំនួន ០៣ នាក់ នៅឃុំកំពង់ឃ្លាំង ស្រុកសូត្រនិគមចំនួន ០៣ នាក់ នៅឃុំទឹកវិលស្រុកសៀមរាបចំនួន ០១ នាក់ នៅឃុំសាលាកម្រើក ស្រុកសៀមរាបចំនួន ០៥ នាក់ និងនៅឃុំស្វាយដង្គំស្រុកសៀមរាបចំនួន ០៣ នាក់។ ក្រៅពីនេះមានមន្រ្តីសុខាភិបាល ០១ នាក់ផងដែរនៅខេត្តសៀមរាបបានឆ្លងកូវីដដែលតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃ ០៣ ខែសីហា យោងតាមលទ្ធផលវិភាគពីវិទ្យាស្ថានប៉ាស្ទ័រ បានរកឃើញករណីអ្នកឆ្លងកូវីដបំប្លែងខ្លួនដែលតាចំនួន ៣៦ នាក់។ ក្នុងនោះរាជធានីភ្នំពេញចំនួន ៥ នាក់ ខេត្តសៀមរាប ចំនួន ១៨ នាក់ ឧត្តរមានជ័យ ចំនួន ៩ នាក់ និងកំពង់ធំ ចំនួន ៤ នាក់។

ខេត្តសៀមរាបដែលត្រូវបានរដ្ឋាភិបាលដាក់ជាតំបន់បិទខ្ទប់ ជាមួយខេត្តទាំង ៧ ជាប់ព្រំដែនថៃមានខេត្តកោះកុង ខេត្តពោធិ៍សាត់ ខេត្តបាត់ដំបង ខេត្តប៉ៃលិន បន្ទាយមានជ័យ ខេត្តឧត្ដរមានជ័យ និងខេត្តព្រះវិហារ ដើម្បីទប់ស្កាត់ការឆ្លងរាលដាលក្នុងសហគមន៍នៃមេរោគកូវីដ ១៩ ប្រភេទដែលតា (Delta) ។

នៅក្នុងភូមិសាស្ត្រខេត្តសៀមរាបមានការកើនឡើង ករណីឆ្លងរាលដាលជាបន្តបន្ទាប់មេរោគបំប្លែងថ្មីដែលតា ពាក់ព័ន្ធពលរដ្ឋ និងមន្រ្តីសុខាភិបាលជាច្រើននាក់ ហើយរដ្ឋបាលខេត្តសៀមរាបបានសម្រេចបិទខ្ទប់ភូមសាស្ត្រសង្កាត់ចំនួន៤ ក្នុងក្រុងសៀមរាប កំណត់ជាតំបន់លឿងទុំ មានសង្កាត់ស្វាយដង្គំ ,សង្កាត់សាលាកំរើក , សង្កាត់ស្លក្រាម និង សង្កាត់គោកចក ព្រមទាំងឃុំចំនួន៣ ក្នុងស្រុកសូទ្រនិគម ក្នុងនោះឃុំកំពង់ឃ្លាំង កំណត់ជាតំបន់ក្រហម និង ឃុំដានរុន ,ឃុំកៀនសង្កែរ កំណត់ជាតំបន់លឿងទុំ៕

Related Topics: