ព័ត៌មានជាតិ
សម្តេចតេជោ ប្រកាសថា នឹងសរសេរសៀវភៅរៀបរាប់ពីជីវិតជានាយករដ្ឋមន្រ្តី ពេលសម្តេចចូលនិវត្តន៍
សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅព្រឹកថ្ងៃទី១៥ ខែធ្នូ ឆ្នាំ២០២១នេះ បានប្រកាសឱ្យដឹងថា សម្តេច នឹងសរសេរសៀវភៅរៀបរាប់ពីជីវិតជានាយករដ្ឋមន្រ្តីរបស់សម្តេច បន្ទាប់ពីសម្តេចចូលនិវត្តន៍ពីដំណែងជានាយករដ្ឋមន្រ្តីកម្ពុជា។ សម្តេចតេជោ ប្រកាសបែបនេះ ក្នុងពេលអញ្ជើញជាអធិបតីសម្ពោធដាក់ឲ្យប្រើប្រាស់ជាផ្លូវការសណ្ឋាគារ «ហាយ៉ាត់ រីជិនស៊ី ភ្នំពេញ»។
សម្តេចតេជោ នាយករដ្ឋមន្រ្តី ហ៊ុន សែន បានអះអាងថា ខ្លឹមសារនៃសៀវភៅដែលសម្តេចគ្រោងសរសេរនេះ គឺទាក់ទងអំពី តើរសជាតិជីវិតជានាយករដ្ឋមន្រ្តីយ៉ាងម៉េច? តើជីវិតជានាយករដ្ឋមន្រ្តីបែបណា? សម្តេច ក៏បានគូសបញ្ជាក់ថា សម្តេច នឹងសរសេររ៉ាយរាប់ពីប្រវត្តិជីវិតកាលនៅជាកូនទាហាន ជានាយទាហាន ជារដ្ឋមន្រ្តីការបរទេស និងជីវិតជានាយករដ្ឋមន្រ្តីកម្ពុជា។ ជាមួយគ្នានេះ សម្តេច ក៏នឹងសរសេរពីព្រឹត្តិការណ៍ចរចារកសន្តិភាពផង និងប៉ះទង្គិចប្រដាប់អាវុធផង ព្រមទាំងសរសេរពីជីវិតនាយករដ្ឋមន្រ្តីក្នុងសម័យសង្រ្គាម ក្នុងសម័យសន្តិភាព និង ក្នុងពេលប្រឈមនឹងជំងឺកូវីដ១៩ និងគ្រោះធម្មជាតិនានា។
បើតាមសម្តេចតេជោ គឺថា កន្លងមក សម្តេចធ្លាប់បានសរសេរជីវិតជាអ្នកស្រែ អ្នកចំការ ដោយសរសេរជាបទចម្រៀង។ ប៉ុន្តែ ចំពោះជីវិតជានាយករដ្ឋមន្រ្តីនេះ គឺមិនអាចសរសេរត្រឹមជាបទចម្រៀងបានទេ តែត្រូវសរសេរជាសៀវភៅតែម្តង។ សម្តេចតេជោ បានគូសបញ្ជាក់ថា សម្តេចនឹងសរសេរសៀវភៅពីជីវិតជានាយករដ្ឋមន្រ្តីនេះ ដោយខ្លួនឯង ដោយមិនឱ្យអ្នកនិពន្ធណាសរសេរឡើយ៕
អត្ថបទ ៖ វណ្ណ សុគន្ធា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)