ព័ត៌មានជាតិ
មន្ត្រីជាន់ខ្ពស់មហាផ្ទៃ ៖ ឆ្នាំ២០២១បទល្មើសព្រហ្មទណ្ឌថយចុះ៦%បណ្តាលឱ្យមនុស្សស្លាប់និងរងគ្រោះជិត៣ពាន់នាក់
មន្ត្រីជាន់ខ្ពស់ក្រសួងមហាផ្ទៃបានអះអាងថា ក្នុងឆ្នាំ២០២១កន្លងទៅសមត្ថកិច្ចបានបង្ក្រាបសមត្ថកិច្ចបើកកិច្ចប្រតិបត្តិការបង្ក្រាប បទលើ្មសព្រហ្មទណ្ឌជារួមកើតឡើងជាង៣ពាន់លើកថយចុះ៦%បណ្តាលឱ្យមានមនុស្សស្លាប់ របួសនិងរងគ្រោះជិត៣ពាន់នាក់។
ថ្លែងក្នុងឱកាសនៃកម្មវិធីបើកសន្និបាតត្រួតពិនិត្យលទ្ធផលការងារប្រចាំឆ្នាំ២០២១ និងលើកទិសដៅការងារឆ្នាំ២០២២ របស់ក្រសួងមហាផ្ទៃ និងលទ្ធផលការងារប្រឡងប្រណាំងអនុវត្តគោលនយោបាយ«ភូមិ-ឃុំ-សង្កាត់ មានសុវត្ថិភាព» នាព្រឹកទី២២កុម្ភៈនេះ នៅសណ្ឋាគាររ៉េស៊ីដង់សុខាភ្នំពេញនាយឧត្តមសេនីយ៍ ប៉ោ ភក្តិ អគ្គលេខាធិការ នៃអគ្គលេខាធិការដ្ឋាន ក្រសួងមហាផ្ទៃ បានឱ្យដឹងថា សមត្ថកិច្ចបើកកិច្ចប្រតិបត្តិការបង្ក្រាប បទលើ្មសព្រហ្មទណ្ឌជារួមកើតឡើង ៣.០៥៥ លើ៣.២៥៤លើក ថយ១៩៩លើក ស្មើនឹង៦% បទឧក្រិដ្ឋ ៥៨៩លើ៦៨២លើក ថយចុះ៩៣លើក ស្មើ១៤% និងបទមជ្ឈឹម ២.៤៦៦លើ២.៥៧២លើក ថយ១០៦លើក ស្មើ៤% បណ្តាលឱ្យមានមនុស្សស្លាប់ ២១៣នាក់ របួស៩៨០នាក់ និងរងគ្រោះ ១.៥៨២នាក់។
នាយឧត្តមសេនីយ៍ ប៉ោ ភក្តិ បានបានឱ្យដឹងបន្ថែមទៀតថា បទល្មើសដែលមានការថយចុះរួមមាន ៖លួចមានស្ថានទម្ងន់ ឃាតកម្ម រំលោភសេពសន្ថវៈ បង្ខាំងមនុស្សជំរិតទាប្រាក់ បង្ខាំងមនុស្សខុសច្បាប់ ជះទឹកអាស៊ីត បោក និងបង្កៃគ្រាប់បែក លួច ឆក់ ឆបោក រំលោភទំនុកចិត្ត បំពានខាងផ្លូវភេទដទៃទៀត ប្រើអាវុធខុសច្បាប់ និងក្លែងឯកសារសាធារណៈ។
នាយឧត្តមសេនីយ៍ ប៉ោ ភក្តិ បានលើកឡើងទៀតថាសម្រាប់បទល្មើសគ្រឿងញៀនខុសច្បាប់វិញ កម្លាំងសមត្ថកិច្ចបានបើកកិច្ចប្រតិបត្តិការបង្ក្រាបបាន ៥.៩៧ ៤ ករណី ឃាត់ខ្លួន១២.៦៧២នាក់, បទល្មើសជួញដូរមនុស្ស និងអាជីវកម្មផ្លូវភេទ ៣០០ករណី ឃាត់ខ្លួន ៤៤០នាក់, បង្ក្រាបក្មេងទំនើង ១.០៤៧លើក ថយ៤៤៨លើក ឃាត់ខ្លួន ២.៣៨៧នាក់, បង្ក្រាបល្បែងស៊ីសង ១.៣៨៨ករណី ឃាត់ខ្លួន ៣.៩៦០នាក់ ព្រមទាំងបទល្មើសសេដ្ឋកិច្ចបាន ៤១៤លើក ក្នុងនោះបង្ក្រាប់ជាក់ស្តែង ៣១៧ករណី និងដោយស៊ើបអង្កេតស្រាវជ្រាវ ៩៧ករណី៕
ដោយ ៖ សំអឿន
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៣ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន