ព័ត៌មានជាតិ
មេព្រៃបញ្ចេញសាច់ដុំ បង្ក្រាបរថយន្តយីឌុប ដឹកអង្កាមពីលើដាក់ឈើខុសច្បាប់ពីក្រោម
សៀមរាប៖ រថយន្តយីឌុបខ្នាតយក្សមួយគ្រឿង ដឹកអង្កាមពីលើឈើពីក្រោម ត្រូវកម្លាំងរដ្ឋបាលព្រៃឈើសង្កាត់ខ្វាវសហការគ្នាបង្ក្រាប។
លោក ម៉ុង ប៊ុនលីម នាយខណ្ឌរដ្ឋបាលព្រៃឈើសៀមរាប បានប្រាប់ “កម្ពុជាថ្មី” នៅរសៀល ថ្ងៃទី១៧ ខែមីនានេះថា កម្លាំងរដ្ឋបាលព្រៃឈើខ្វាវ សង្កាត់រដ្ឋបាលព្រៃឈើជីក្រែង និងមន្រ្តីខណ្ឌរដ្ឋបាលព្រៃឈើសៀមរាប បានសហការគ្នាធ្វើការឃាត់រថយន្ត០១គ្រឿង ម៉ាកហ៊ីយ៉ាន់ដាយ កាច់ចង្កេះ (v១) ពាក់ស្លាកលេខ កំពង់ធំ ៣AO:0232 ដឹកឈើអារប្រភេទលេខ ១ (ឈ្លីក) ចំនួន ២០៤ ដុំស្មើនឹង ២០ ម៉ែត្រត្រីគុណ ត្រង់ចំណុចផ្លូវជាតិលេខ៦៦ ភូមិគំរូ ឃុំពង្រលើ ស្រុកជីក្រែង ខេត្តសៀមរាប។
លោក ម៉ុង ប៊ុនលីម បានបញ្ជាក់ថា នៅយប់ ថ្ងៃទី១៦ ខែមីនា ឆ្នាំ២០២២ ពេលក្រុមការងាររបស់ខណ្ឌរដ្ឋបាលព្រៃឈើសៀមរាប ធ្វើការហៅរថយន្តឱ្យឈប់ នៅពេលនោះតៃកុងរថយន្តបានបើកទ្វាររថយន្តរត់គេចខ្លួនបាត់ ហើយកម្លាំងជំនាញបាននាំយករថយន្តដែលផ្ទុកវត្ថុតាងបទល្មើសនោះ មករក្សាទុកនៅទីស្នាក់ការផ្នែក រដ្ឋបាលព្រៃឈើជីក្រែង នៅភូមិកកោះ ឃុំគោកធ្លកក្រោយ ស្រុកជីក្រែង និងបានធ្វើការវាស់វែង។
លោកបញ្ជាក់ទៀតថា រថយន្តដឹកឈើដែលបង្កប់អង្កាមពីលើនេះ សមត្ថកិច្ចពិបាកក្នុងការបង្ក្រាបយ៉ាងខ្លាំង ប៉ុន្តែពេលនេះកម្លាំងជំនាញបានចាប់បានហើយ។
គួររំលឹកថា កាលពីថ្ងៃទី៧ ខែមីនា ឆ្នាំ២០២២ កន្លងទៅថ្មីៗនេះ រដ្ឋបាលខេត្តសៀមរាប បានប្រារព្វពិធីប្រជុំសន្និបាតបូកសរុបការងារឆ្នាំ២០២១ និងលើកទិសដៅឆ្នាំ២០២២។ ក្នុងឱកាសនោះ ថ្នាក់ដឹកនាំនៃអង្គប្រជុំបានជំរុញឱ្យមន្ត្រីរដ្ឋបាលព្រៃឈើបង្កើនការចុះបង្ក្រាបបទល្មើសឲ្យបានល្អប្រសើរ ដើម្បីឱ្យព្រៃឈើនៅគង់វង្សបានយូរអង្វែង៕
អត្ថបទ៖ កុសល
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន