ព័ត៌មានជាតិ
រៀបចំតុបតែងលម្អតាមទីសាធារណៈ និងអង្គភាពនានារួចរាល់ហើយ ដើម្បីត្រៀមទទួលទេវតា ឆ្នាំថ្មី ឆ្នាំខាល ចត្វាស័ក ព.ស ២៥៦៥
រតនគិរី ៖ បុណ្យចូលឆ្នាំខ្មែរ ជាបុណ្យប្រពៃណីជាតិ ដែលប្រជាជននៅក្នុងប្រទេសកម្ពុជា តែងតែប្រារព្ធធ្វើជារៀងរាល់ឆ្នាំ។ នៅក្នុងពិធីបុណ្យចូលឆ្នាំខ្មែរ ប្រព្រឹត្ដទៅ៣ថ្ងៃ គឺនៅថ្ងៃទី១៤-១៥-១៦ ខែមេសា ព្រោះជារដូវកាល ដែលប្រជាជនខ្មែរ មានពេលទំនេរពីការប្រមូលផលស្រូវ និងដំណាំកសិកម្មផ្សេងៗ។ មុនពេលប្រារព្ធពិធីបុណ្យចូលឆ្នាំ ២ឬ៣ថ្ងៃ ប្រជាជនខ្មែរតែងតែនាំគ្នា សំអាត តុបតែងផ្ទះសម្បែង និងរៀបចំគ្រឿងសម្ភារៈផ្សេងៗ ដើម្បីត្រៀមទទួលទេវតាឆ្នាំថ្មី។
ជាក់ស្តែងខេត្តរតនគិរី មិនខុសគ្នានឹងបណ្តាខេត្តផ្សេងៗនៅទូទាំងប្រទេសនោះទេ គិតត្រឹមថ្ងៃទី១០ ខែមេសា ឆ្នាំ២០២២នេះ នៅតាមទីសាធារណៈ និងតាមដងវិថីធំៗក្នុងក្រុងបានលុង ព្រមទាំងតាមមន្ទីរអង្គភាពនានា បានរៀបចំតុបតែងលម្អរួចជាស្រេច មានដូចជា៖ ការសម្អាតបរិស្ថាន, ការដោតទង់ជាតិ, ទង់ជ្វាលា, ទង់សាសនា, ការរៀបចំដាក់ភ្លើងពណ៌លម្អ តាមមន្ទីរអង្គភាពរៀងខ្លួន និងតាមបណ្តាយ និងទទឹងវិថីធំៗជាដើម។
សូមបញ្ជាក់ថា ដើម្បីអបអរសារទរនៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំខាល ចត្វាស័ក ព.ស២៥៦៥ ដែលនឹងឈានចូលមកដល់នាពេលដ៏ខ្លីខាងមុខនេះ រដ្ឋបាលខេត្តរតនគិរី នឹងរៀបចំសង្ក្រាន្តរតនគិរី រយៈពេល៣ថ្ងៃ ចាប់ពីថ្ងៃទី១៤-១៥-១៦ ខែមេសា ឆ្នាំ២០២២ នៅបរិវេណមន្ទីរវប្បធម៌ និងវិចិត្រសិល្បៈ ខេត្តរតនគិរី។
កម្មវិធីសង្ក្រាន្តរយៈពេល៣ថ្ងៃនេៈមានដូចជា៖
ថ្ងៃទី១៤ វេលាម៉ោង៧.០០ព្រឹក ជួបជុំគ្នា ដើម្បីដង្ហែរក្បួនមហាសង្ក្រាន្តចេញពី វត្តឥសាន្តរតនារាមឆ្ពោះទៅមន្ទីរវប្បធម៌ និងវិចិត្រសិល្បៈ ដែលជាកន្លែងប្រារព្ធពិធី។ ម៉ោង៩:០០ រៀបចំពិធីក្រុងពាលី ម៉ោង១០ ទទួលទេវតាឆ្នាំថ្មី ហើយនៅពេលយប់មានការប្រគុំតន្ត្រីសម័យ និងរាំលេងកំសាន្តសប្បាយ! ព្រមទាំងមានបាញ់កាំជ្រួច ដើម្បីអបអរសាទរបុណ្យចូលឆ្នាំថ្មីផងដែរ។ថ្ងៃទី១៥-ទី១៦ វេលាម៉ោង ម៉ោង ៩:០០ តទៅ មានកម្មវិធីល្បែងប្រជាប្រិយ និងល្បែងកំសាន្តប្រពៃណីខ្មែរ ដូចជាចោលឈូង, បោះអង្គញ់, ចាប់កូនខ្លែង, ទាញព្រ័ត្រ, លោតបាវ វាយក្អម និងនៅពេលរសៀលមានការប្រគុំតន្ត្រីបុរាណ សម័យ រាំលេងកំសាន្ត និងបាញ់កាំជ្រួច។
អាស្រ័យហេតុនេះ សូមពុកម៉ែបងប្អូនប្រជាពលរដ្ឋក្នុងខេត្តរតនគិរី ក៏ដូចជាភ្ញៀវទេសចរជាតិ-អន្ដរជាតិ ចូលរួមលេងកំសាន្តសប្បាយក្នុងសង្ក្រាន្ត រយៈពេល៣ថ្ងៃនេះអោយបានច្រើនកុះករ៕
ដោយ ៖ វុទ្ធឦសាន
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៧ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៤ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៧ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៣ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន