ព័ត៌មានជាតិ
ថៃមានបំណងចង់បើកឱ្យពលរដ្ឋឆ្លងកាត់ច្រកទ្វារព្រំដែនអន្តរជាតិដូងធម្មតាឡើងវិញ
លោក សឿម ប៊ុនរិទ្ធិ អភិបាលរង និងជាអ្នកនាំពាក្យសាលាខេត្តបាត់ដំបង បានមានប្រសាសន៍នៅព្រឹកថ្ងៃទី២០ ខែមេសានេះថា អភិបាលខេត្តច័ន្ទបូរី របស់ថៃ មានបំណងចង់បើកឱ្យប្រជាពលរដ្ឋប្រទេសទាំងពីរអាចធ្វើដំណើរឆ្លងកាត់ចេញចូលជាធម្មតាឡើងវិញ តាមច្រកទ្វារអន្តរជាតិដូង ស្ថិតនៅក្នុងស្រុកកំរៀង ខេត្តបាត់ដំបង និងច្រកទ្វារអន្តរជាតិបានឡែម ស្ថិតនៅក្នុងខេត្តច័ន្ទបូរីប្រទេសថៃ។
លោកបានបន្តថា «រឿងនេះខាងអភិបាលខេត្តច័ន្ទបូរីបានប្រាប់មកខាងយើងបានដឹងថា គាត់បានស្នើទៅរាជរដ្ឋាភិបាលថៃដើម្បីសុំបើកឱ្យពលរដ្ឋប្រទេសទាំងពីរអាចធ្វើដំណើរចេញចូលដូចធម្មតាឡើងវិញដូចនៅមុនពេលមានការរាតត្បាតជំងឺកូវីដ១៩»។
លោកបានបន្តទៀតថា ពាក់ព័ន្ធការបើកឱ្យប្រជាជនដែលមានប៉ាស្ព័រអាចធ្វើដំណើរបានឡើងវិញនេះ ខាងអាជ្ញាធរខេត្តបាត់ដំបងស្វាគមន៍ និងរីករាយសហការជាមួយភាគីថៃព្រោះកន្លងមកកម្ពុជាមិនដែលបានបិទព្រំដែនទេគឺមានតែភាគីថៃទេជាអ្នកបិទដោយសារមានការរាតត្បាតធ្ងន់ធ្ងរនៃជំងឺកូវីដ១៩។
លោកអភិបាលរងខេត្តបានបន្ថែមថា បច្ចុប្បន្ននេះច្រកទ្វារអន្តរជាតិដូង និងច្រកទ្វារអន្តរជាតិគីឡូ១៣(ភ្នំដី)ស្ថិតតក្នុងស្រុកសំពៅលូន ច្រកទ្វារអន្តរជាតិខៅឌីន ស្ថិតនៅឃុំខ្លងហាត ស្រុកខ្លងហាត ខេត្តស្រះកែវ ប្រទេសថៃ អនុញ្ញាតឱ្យមានការធ្វើចរាចរណ៍ដឹកជញ្ជូនចេញចូលនូវទំនិញប៉ុណ្ណោះដោយឱ្យមានអ្នកគ្រប់គ្រងរថយន្ត និងអ្នកនៅប្រចាំក្នុងរថយន្តដឹកជញ្ជូនទំនិញមិនឲ្យលើស២នាក់ចាប់ពីម៉ោង០៦និង០០នាទីដល់ម៉ោង១៨និង០០នាទីជារៀងរាល់ថ្ងៃដោយត្រូវអនុវត្តតាមវិធានការនៃការការពាររោគឆ្លងកូវីដ១៩។
លោកអភិបាលរងខេត្តបានបន្តឱ្យដឹងទៀតថា ប្រសិនបើច្រកទ្វារព្រំដែនអន្តរជាតិដូងបើកឱ្យប្រជាពលរដ្ឋចេញចូលបានមែននោះ វានឹងជួយសម្រួលដល់ប្រជាពលរដ្ឋប្រទេសទាំងពីរអាចធ្វើដំណើរទៅធ្វើការទៅវិញទៅមកបានងាយស្រួលពិសេសប្រជាពលរដ្ឋដែលមានបំណងទៅពិនិត្យសុខភាព និងព្យាបាលជំងឺនៅប្រទេសថៃ ខណៈបច្ចុប្បន្ននេះមានតែការធ្វើដំណើរតាមផ្លូវអាកាសប៉ុណ្ណោះ ព្រោះតាមផ្លូវគោកត្រូវបានបិទទាំងស្រុង៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ