ព័ត៌មានជាតិ
លោកជំទាវម៉ែន សំអន៖ ជំនួយរបស់អង្គការទាំងអស់ពិតជាបានរួមចំណែកអភិវឌ្ឍនិងជួយសម្រាលបន្ទុកដល់រាជរដ្ឋាភិបាល
លោកជំទាវ ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានថ្លែងថា ជំនួយរបស់អង្គការទាំងអស់ពិតជាបានរួមចំណែក អភិវឌ្ឍ និងជួយសម្រាលបន្ទុកដល់រាជរដ្ឋាភិបាលដែលកំពុងកសាងប្រទេសជាតិ លើមុខព្រួញអាទិភាពជាច្រើនផងដែរ។
លោកជំទាវថ្លែងបែបនេះខណៈបានអនុញ្ញាតិឲ្យ លោក សិក្ខា មេត្តា Shekhar Mehta ប្រធានអង្គការរ៉ូតែរីអន្តរជាតិ Rotary International និងគណៈប្រតិភូចូលជួបសំដែងការគួរសម និងពិភាក្សាការងារ នៅទីស្តីការក្រសួង នាព្រឹកថ្ងៃងៃទី៧ ខែឧសភា ឆ្នាំ២០២២។
ក្នុងជំនួបពិភាក្សានោះ លោក សិក្ខា មេត្តា បានលើកឡើងថា អង្គការរ៉ូតែរីអន្តរជាតិ ជាបណ្តាញសកលលោកមួយ ដែលបានបង្កើតឡើងនៅទីក្រុងឈីកាហ្គូ កាលពីឆ្នាំ ១៩០៥ (អាយុ ១១៧ឆ្នាំ) មានសមាជិក ១.៤លាននាក់ រួមមាន ឥស្សរជន មន្ត្រី ថ្នាក់ដឹកនាំក្រុមហ៊ុន នៅបណ្តាប្រទេសជាច្រើន។
អង្គការបានរ៉ៃអង្គាសថវិកា ជាមូលនិធិជួយដល់គម្រោងជាច្រើនក្នុងប្រទេសកំពុងអភិវឌ្ឍន៍ជាច្រើន រួមមាន គម្រោងអភិវឌ្ឍប្រកបដោយនិរន្តរភាព មនុស្សធម៌ សុខាភិបាល សុខភាព អប់រំ និងជំនួយបន្ទាន់ ។ ចំណែកឯប្រទេសកម្ពុជា រ៉ូតែរីក្លឹប ក៏ត្រូវបានបង្កើតឡើងតាំងពីឆ្នាំ២០០៤។
លោក សិក្ខា មេត្តា ក៏មានគោលបំណងជួយដល់កម្ពុជា ក្នុងគម្រោងជាច្រើន ដូចជា វះកាត់បេះដូងជូនកុមារដោយឥតគិតថ្លៃនៅប្រទេសឥណ្ឌាចំនួន ៥០នាក់ ក្នុងមួយឆ្នាំៗ នឹងបង្កើតមន្ទីរពេទ្យព្យាបាលភ្នែក តាមដានជំងឺមហារីកជូនស្ត្រី ជម្រុញកម្មវិធីទឹកស្អាត និងបណ្តុះបណ្តាលស្រ្តី ជាដើម។
ជាការឆ្លើយតប ក្នុងនាមរាជរដ្ឋាភិបាលកម្ពុជា និងក្នុងនាមក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច លោកជំទាវមានសេចក្តីរីករាយ សូមស្វាគមន៍ លោក សិក្ខា មេត្តា និងគណៈប្រតិភូ ដែលបានមកបំពេញស្សនៈកិច្ចជាផ្លូវការនៅកម្ពុជា និងឆ្លៀតពេលមកជួបសម្តែងការគួរសម និងសំណេះសំណាលការងារ។
លោកជំទាវបានបន្តទៀតថា រាជរដ្ឋាភិបាលកម្ពុជា តែងតែស្វាគមន៍សង្គមស៊ីវិល និងអង្គការអន្តរជាតិនានាដែលមានបំណងជួយដល់ប្រជាពលរដ្ឋកម្ពុជា។ ជំនួយរបស់អង្គការទាំងអស់ពិតជាបានរួមចំណែកអភិវឌ្ឍ និងជួយសម្រាលបន្ទុកដល់រាជរដ្ឋាភិបាលដែលកំពុងកសាងប្រទេសជាតិ លើមុខព្រួញអាទិភាពជាច្រើន។
លោកជំទាវកិត្តិសង្គហបណ្ឌិត ក៏បានជូនពរឲ្យ លោក សិក្ខា មេត្តា និងគណៈប្រតិភូ ដែលបានមកបំពេញស្សនៈកិច្ចនៅព្រះរាជាណាចក្រកម្ពុជា សូមការស្នាក់នៅ និងការនិវត្តន៍ត្រលប់ទៅមាតុប្រទេសវិញ ប្រកបដោយសុខសុវត្ថិភាពនិងទទួលជោគជ័យ៕
អត្ថបទ៖ វិមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ