Connect with us

ព័ត៌មានជាតិ

លើក​​កម្រិត​អនុវិទ្យាល័យ ហ៊ុន សែន ​ក្អម​សំណ ទៅ​កម្រិត​វិទ្យាល័យ​ហ៊ុន សែន​ក្អម​សំណ

បានផុស

នៅ

ប្រធាន​មន្ទីរ​អប់រំ យុវជន​និង​កីឡា​ខេត្ត​កណ្តាល​បាន​ឲ្យ​ដឹង​ថា ​អនុវិទ្យាល័យ​ ហ៊ុន សែន ក្អម​សំណ ត្រូវ​បាន​លើក​កម្រិត​ទៅ​ជា​វិទ្យាល័យ​​ក្អមសំណ​វិញ ដើម្បី​ពង្រីក​ការ​អប់រំដល់​ពលរដ្ឋ​ក្នុង​មូលដ្ឋាន។

លោក ចេង សំអុល ប្រធាន​មន្ទីរ​អប់រំ យុវជន​និង​កីឡា​ខេត្ត​កណ្ដាល បាន​ឲ្យ​កម្ពុជា​ថ្មី​ដឹង​ថា ឆ្នាំសិក្សា២០២១-២០២២ អនុវិទ្យាល័យ ហ៊ុន សែន​ ក្អមសំណ ត្រូវ​បាន​លើក​កម្រិត​ទៅ​ថ្នាក់​វិទ្យាល័យ​ហ៊ុន សែន ​ក្អមសំណ​​ដែលមាន​រហូត​ដល់​ថ្នាក់ទី ១២ ដើម្បីបង្ខិតការ​ផ្តល់​ចំណេះ​ដឹង​ទូទៅ​ជា​មូលដ្ឋាន​​ឲ្យ​កាន់​តែ​នៅ​ជិត​ប្រជាពលរដ្ឋ ដែល​​ងាយស្រួលនិង​មិន​មាន​ការ​បារម្ភ​របស់​ឪពុក​ម្តាយ ពេល​កូន​ធ្វើដំណើរ​ឆ្ងាយ​មក​សិក្សា​ទៀត​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​ចេង សំអុល​បាន​បន្ត​ថា បច្ចុប្បន្ន​នេះ​ទូទាំង​ខេត្ត​កណ្ដាល​មាន​ថ្នាក់​កម្រិត​អនុវិទ្យាល័យ ១០០ កន្លែង វិទ្យាល័យ​ចំណេះដឹង​ទូទៅ ៤០ កន្លែង និង​វិទ្យាល័យ​អប់រំ​ពិសេស ០១ កន្លែង។

ដោយឡែក​បើ​តាម​លោក​ប្រធាន​មន្ទីរ ឃុំ​ខ្លះ​មាន​កម្រិត​អនុវិទ្យាល័យ​​ដល់​ទៅ ៣ កន្លែង ហើយ​ថ្នាក់​វិទ្យាល័យ​មាន​គ្រប់​ស្រុក​ទាំង​អស់។

លោក ចេង សំអុល ​បាន​ឲ្យ​ដឹង​បន្ត​ថា ការ​ផ្តល់​ការ​បណ្តុះបណ្តាលធនធាន​មនុស្ស​នៅថ្នាក់​មូលដ្ឋាន ជា​តម្រូវការ​ចាំបាច់​របស់​ប្រជាពលរដ្ឋ ហើយ​ក៏​ជា​គោលនយោបាយ​របស់​ប្រមុខរាជរដ្ឋាភិបាល ក្នុងការកាត់​បន្ថយ​អត្រា​បោះ​បង់ចោល​ការសិក្សា​របស់សិស្ស​ដែល​មាន​ជីវភាពក្រីក្រ ក្នុងការ​បង្កើនចំណេះដឹង​ដល់ពួកគេនៅថ្នាក់មូលដ្ឋាន។

លោក​ប្រធានមន្ទីរ​បាន​បន្ត​ថា ​ប្រមុខ​រដ្ឋាភិបាល​ក៏​បាន​យកចិត្តទុកដាក់​តាម​រយៈការ​ផ្តល់​​អគារសិក្សា​​ថ្មីៗ​រាប់​រយ​អគារ។ មក​ដល់​ពេលនេះ​សម្តេច​តេជោ​ ហ៊ុន សែន បាន​ផ្តល់​អគារ​សិក្សា​ចំនួន ៦២៤ អគារ ស្មើ​ជាង ៣ ពាន់​បន្ទប់ ដែល​បាន​ចូលរួម​ក្នុង​ការ​លើក​កម្ពស់​លើ​វិស័យ​អប់រំ​ បង្កើត​ធនធាន​មនុស្ស​ចូលរួម​អភិវឌ្ឍ​ប្រទេស​ជាតិ​៕

អត្ថបទ៖ ប៊ុណ្ណារ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

វប្បធម៌ ជំនឿ៧ ម៉ោង មុន

សុបិនឃើញ “កូនទា” ជីវិតគ្រួសារភ័ព្វប្រសព្វតែភាពរីករាយ

ព័ត៌មានជាតិ៧ ម៉ោង មុន

សមាគម​កាយឫទ្ធិ​នារី​កម្ពុជា សាខា​ខេត្តកំពត រៀបចំ​កម្មវិធី​  “​ជួបនឹង​បងស្រី​ឆ្នើម​”​ក្រោម​ប្រធានបទ “​ការចូលរួម​ការងារ​សង្គម​” ដែល​ធ្វើ​បទ​ឧទ្ទិស​នាម​ដោយ​លោកជំទាវ​បណ្ឌិត ពេ​ជ ចន្ទ​មុន្នី

ជីវិតកម្សាន្ដ៨ ម៉ោង មុន

និស្សិតចិនម្នាក់ ទទួលការចាប់អារម្មណ៍ខ្លាំង ដោយសារមានមុខមាត់ស្រដៀង Jisoo សឹងបេះបិទ

ជីវិតកម្សាន្ដ៩ ម៉ោង មុន

បើមិនក្លាយជាតារាចម្រៀងទេ Jennie នឹងចាប់អាជីពមួយនេះ

ព័ត៌មានជាតិ៩ ម៉ោង មុន

លោកជំទាវ​បណ្ឌិតពេជ ចន្ទមុន្នី បង្ហាញមោទនភាព កុមារី យុវតី ដែល​មានឱកាសទទួលបានការបណ្ដុះបណ្ដាលកិច្ចការសង្គម​ទាំងក្នុងនិងក្រៅប្រទេស

Sokha Hotels

ព័ត៌មានពេញនិយម