​ស្ថានភាពកម្ពស់ទឹក​ភ្លៀង​ឆ្នាំ​នេះ​មានលក្ខណៈ​ល្អប្រសើរ​ច្រើន​បើប្រៀបធៀប​នឹងឆ្នាំមុន​

មន្ត្រីក្រសួងធនធានទឹក និងឧតុនិយម​ បានអះអាងថា ស្ថានភាពអាកាសធាតុ និងការធ្លាក់ភ្លៀង​នៅកម្ពុជាឆ្នាំនេះ មានលក្ខណៈល្អប្រសើរជាងឆ្នាំមុនបើប្រៀបធៀបរយៈពេលដូចគ្នា។

​លោក កែវ វ័យ ​ប្រធានមន្ទីរធនធានទឹក ​និងឧតុនិយម ខេត្តពោធិ៍សាត់ បានឱ្យដឹងថា រយៈពេល​ធ្លាក់​ភ្លៀង​គិតត្រឹថ្ងៃទី ២៥ ឆ្នាំ ២០២២នេះ ​ខេត្តពោធិ៍សាត់​មានកម្ពស់ទឹកភ្លៀង ៩៣៨.៨ មម ​ប្រៀបធៀប​ឆ្នាំ​មុនរយៈពេលដូចគ្នា មានត្រឹមតែ ៦៦៩.៧ មម ដែលឆ្នាំនេះធំជាងឆ្នាំមុន។

ខេត្តពោធិ៍សាត់​មានប្រព័ន្ធធារាសាស្ត្រ ៥១ កន្លែង ខ្នាតធំចំនួន ៥ កន្លែង ខ្នាតមធ្យម ៣៩ កន្លែង និងខ្នាតតូច ៥ កន្លែង និងអាងទឹកខ្នាតយក្ស ២ កន្លែងដែលជាអាងទឹកទំនប់ ទី ៣ និងទំនប់ទី ៥ ដែលអាចរក្សាទឹករហូតដល់ ៥០ លានម៉ែត្រ​គូបនៅផ្នែកខាងលើស្ទឹងពោធិ៍សាត់។

លោក យឹម ប៊ុនរ៉ុម ប្រធានមន្ទីរធនធានទឹក និងឧតុនិយមក៏បានឱ្យដឹងដែរថា ស្ថានភាពទឹកភ្លៀង​តាំងពីដើមវស្សា​ឆ្នាំនេះមានកម្ពស់ ៨៩២ មម ធៀបឆ្នាំមុន​ខុសគ្នា ២២០ មម។ ស្ថានភាពទឹកភ្លៀងរដូវនេះគឺ​ល្អប្រសើរបំផុត​ដែលធ្វើ​ឱ្យដំណាំកសិកម្ម​ទទួលអំណោយផលល្អ៕