ព័ត៌មានជាតិ
គ្រូពេទ្យច្រើនជំនាន់បង្កើតក្លិបសិក្សាជំនាញ គិលានុបដ្ឋាក ចែករំលែកសិស្សពេទ្យជំនាន់ក្រោយ
ការសិក្សាជំនាញពេទ្យទាមទារការតស៊ូ និងអត់ធ្មត់។ ទន្ទឹមនោះ ក្រុមគ្រូពេទ្យផ្នែកគិលានុបដ្ឋាកច្រើនជំនាន់ បានរួមគ្នាបង្កើតក្លិបសិក្សាដើម្បីចែករំលែកចំណេះ លើការសិក្សាជំនាញពេទ្យដល់សិស្សជំនាន់ក្រោយៗ។
លោកគ្រូពេទ្យ ពា វុទ្ធី បានឲ្យកម្ពុជាថ្មីដឹង ថ្នាក់បង្រៀនបន្ថែមគិលានុបដ្ឋាកនេះបើកមានរយៈពេល ៤ ឆ្នាំមកហើយ ចាប់តាំងពីឆ្នាំ ២០១៧។ ក្លឹបសិក្សានេះបង្កើតឡើងដោយសារតែមើលឃើញបទពិសោធន៍របស់លោកផ្ទាល់ ហើយចង់បន្តចែករំលែកទៅដល់សិស្សជំនាន់ក្រោយ ព្រោះជាគិលានុបដ្ឋាកពាក់ព័ន្ធការថែទាំអ្នកជំងឺ ដែលត្រូវយល់ច្បាស់ពីតួនាទីខ្លួនឯង មានជំហររឹងមាំ ដឹងខុសត្រូវ ឥរិយាបថសម ឬមិនសម ពេលអនុវត្តថែទាំអ្នកជំងឺ។
លោកគ្រូពេទ្យបានបន្ថែមថា ក្លិបសិក្សានេះបែងចែកជា ៣ កម្រិត សម្រាបប់សិស្សឆ្នាំទី១ ទី២ និងទី៣។ ជាទូទៅសិស្សគិលានុបដ្ឋាក ដែលចូលរួមមានប្រហែល ១៥នាក់ ទៅ២០នាក់ ក្នុងមួយជំនាន់។ គ្រូពេទ្យវុទ្ធី បានគូសបញ្ជាក់ថា ការចាប់ផ្តើមដំបូង បានត្រឹមអង្គុយរៀនក្រោមដើមឈើប៉ុណ្ណោះ ប៉ុន្តែការតស៊ូរយៈពេលប៉ុន្មានឆ្នាំនេះ អាចមានថ្នាក់រៀនមួយច្បាស់លាស់ ហើយចែកជា ៣ ថ្នាក់ ព្រឹក និងថ្ងៃដែលត្រូវរៀនផ្ទាល់។ សម្រាប់ថ្នាក់ពេលយប់រៀនតាមអនឡាញ ដែលមានសិស្សច្បង និងលោកផ្ទាល់ចាំជួយចែករំលែក។
«ជាធម្មតា នៅសាលាពេទ្យសិស្សរៀនរយៈពេល ៤ឆ្នាំ តែសម្រាប់ក្លឹបសិក្សាបន្ថែមរៀនតែ ៣ ឆ្នាំទេ មានន័យថាពេលសិស្សរៀននៅសាលាដល់ឆ្នាំទី៤ សិស្សពេទ្យអាចរៀនខ្លួនឯងបាន ហើយសម្រាប់ក្លិបសិក្សាពេល ៣ ឆ្នាំនេះ យើងនឹងជួយគាត់បានច្រើន ព្រោះនៅសាលាគាត់អាចនឹងមិនហ៊ានសួរគ្រូ តែពេលនៅថ្នាក់រៀនបន្ថែមមានសិស្សច្បង ចឹងគាត់អាចហ៊ានសួរសំនួរច្រើន នឹងមានពេលច្រើន អាចសាកសួរគ្នាបាន។ ណាមួយយើងផ្ដល់យោបល់ផ្នែក ផ្នត់គំនិត អោយពួកគាត់ថាធ្វើយ៉ាងណាទើបក្លាយជាគិលានុបដ្ឋាលល្អ ចេះយល់ពីអ្នកជំងឺ ចេះចែករំលែកចំណេះដឹងគ្នា នេះជាចំណុចពិសេសរបស់យើង»។ នេះជាការបន្ថែមរបស់គ្រូពេទ្យវុទ្ធី។
ពេទ្យ វុទ្ធី លើកឡើងបន្តថា សម្រាប់សិស្សដែលបានរៀនចប់ ក៏មានការជ្រើសរើសយកអ្នកពូកែ ក្នុងចំណោមសិស្សទាំងអស់ ដើម្បីបន្តចែករំលែកទៅដល់អ្នកជំនាន់ក្រោយៗទៀត។
ក្នុងឆ្នាំសិក្សា២០២០ និងឆ្នាំ២០២១ ក្នុងអំឡុងកូវីដ១៩ ក្លិបសិក្សាមិនបានរៀនផ្ទាល់នោះទេ ដូច្នេះត្រូវការសិក្សាតាមអនឡាញសុទ្ធ តែមកដល់ពេលនេះ ក្លិបបើកធម្មតាឡើងវិញ និងមានឈ្មោះថា «My Care» ដែលមានទីតាំងនៅជាប់ស្ពានអាកាសចោមចៅបច្ចុប្បន្ននេះ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ