ព័ត៌មានជាតិ

ជិត ៣០ ឆ្នាំនេះ មាននិស្សិតខ្មែរជាង ១ ពាន់នាក់ បញ្ចប់ការសិក្សាជំនាញពេទ្យពីប្រទេសបារាំង

បានផុស

២ years មុន

នៅ

ថ្ងៃពុធ ២៤ មករា ២០២៤

ដោយ

បើតាមការបញ្ជាក់ពីឯកអគ្គរដ្ឋទូតបារាំងប្រចាំនៅកម្ពុជាបានឲ្យដឹងថា មានសិស្សនិស្សិតខ្មែរប្រមាណជាង ១ ពាន់នាក់បានទទួលការបណ្តុះបណ្តាលជំនាញសុខាភិបាលពីប្រទេសបារាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងសន្និសីទសារព័ត៌មាននៅស្ថានទូតបារាំងកាលពីពេលថ្មីៗកន្លងមកនេះ លោក ហ្សាក់ ប៉ឺឡេ ឯកអគ្គរដ្ឋទូតបារាំងប្រចាំនៅប្រទេសកម្ពុជាបានគូសបញ្ជាក់ថា ពាក់ព័ន្ធនឹងវិស័យអប់រំ ភាគីបារាំងមើលឃើញគឺជាកូនសោមួយនៃអនាគតរបស់ប្រទេសកម្ពុជា ហើយបារាំងតែងតែផ្តល់អាហារូបករណ៍ដល់សិស្សនិស្សិតកម្ពុជាទទួលការបណ្តុះបណ្តាលនៅប្រទេសបារាំង ដោយអាហារូបករណ៍ខ្លះជាហិរញ្ញប្បទានដែលផ្តល់ឲ្យរវាងប្រទេសទាំងពីរកម្ពុជា-បារាំង។

ដោយឡែកទាក់ទងកិច្ចសហការលើវិស័យអប់រំ បើតាមលោក ហ្សាក់ ប៉ឺឡេ ចាប់តាំងពីឆ្នាំ ១៩៩៦ មក មាននិស្សិតខ្មែរជាង ១ ពាន់នាក់បានបញ្ចប់ការសិក្សាជំនាញសុខាភិបាលពីប្រទេសបារាំង។ បច្ចុប្បន្ននេះក៏មាននិស្សិតកម្ពុជាប្រមាណជា ៧២ នាក់ កំពុងសិក្សាផ្នែកសុខាភិបាលក្នុងប្រទេសបារាំង។

ការអប់រំជាចំណុចសំខាន់មួយនៃសកម្មភាពគាំទ្ររបស់បារាំងមកលើប្រទេសកម្ពុជាក្នុងរយៈពេល ៣០ ឆ្នាំមកនេះ ខណៈដែលបច្ចុប្បន្នមានស្ថាប័នប្រមាណ ១០ ប្រើប្រាស់ភាសាបារាំងនៅកម្ពុជា។

បើតាមមន្រ្តីទូតបារាំង ដោយសារមើលឃើញបែបនេះទើបភាគីបារាំង តែងតែផ្តល់អាហារូបករណ៍ដល់សិស្សនិស្សិតកម្ពុជាដែលមានបំណងចង់បន្តសិក្សានៅប្រទេសបារំាង អាចដាក់ពាក្យស្នើសុំអាហារូបករណ៍បានផងដែរ៕