ព័ត៌មានជាតិ
កងកម្លាំងស្រុកភ្នំព្រឹក ចុះជួយប្រជាពលរដ្ឋ ៣ ស្រុក រកទីសុវត្ថិភាព ខណៈជំនន់ទឹកភ្លៀងវាយលុកខ្លាំង
ជំនន់ទឹកភ្លៀងកំពុងវាយលុកលើស្រុក ៣ នៅជាប់ព្រំប្រទល់ថៃ បានបង្កផលប៉ះពាល់ដល់ផលដំណាំ ផ្លូវថ្នល់ និងសាលារៀនមួយចំនួនក៏ត្រូវផ្អាកបង្រៀនជាបណ្តោះអាសន្ន ខណៈជំនន់នេះក្រៅពីទឹកភ្លៀងក៏បានធ្លាក់មកពីប្រទេសថៃផងដែរ ដែលបានបង្កឡើងចាប់ពីថ្ងៃទី ២៨ ខែកញ្ញាម្សិលមិញនៅក្នុង ស្រុកកំរៀង ស្រុកភ្នំព្រឹក និងស្រុកសំពៅលូន។
បើតាមប្រភពពីអាជ្ញាធរក្នុងមូលដ្ឋានបានបញ្ជាក់ថា ជំនន់ទឹកភ្លៀងនេះ បានបង្កឲ្យលិច ចម្ការមៀន ដំឡូង និងពោត រួមនឹងសាលារៀនមួយចំនួនក្នុងស្រុកកំរៀង ចំណែកផ្លូវប្រវែងជិត ៥០ ម៉ែត្រ នៅត្រង់ចំណុច ភូមិកំពង់ចម្លងលើ ក្នុងឃុំតាក្រី ក៏ត្រូវបានទឹកហូរផ្តាច់បណ្តាលឲ្យខូចខាតទាំងស្រុង ។
ចំណែកស្រុកពីរទៀត គឺទឹកជំនន់ទឹកភ្លៀង បានបំផ្លាញផលដំណាំនៅក្នុងចម្ការយ៉ាងធ្ងន់ធ្ងរ ដូចជានៅចំណុចចម្ការ ១០០ ចំណុចបឹងត្រកួន ស្ថិតក្នុងឃុំបួរ និងឃុំគនរបេង និងសាលាបឋមសិក្សាមួយចំនួនក៏ត្រូវបានលិចលង់ផងដែរ មានដូចជា សាលាបឋមសិក្សា ស្រះកំប្លោក និងសាលាបឋមសិក្សា បឹងត្រកួន ជាដើម ដែលបង្ខំឲ្យសិស្សផ្អាករៀនជាបណ្ដោះអាសន្ន។
ជំនន់ទឹកភ្លៀងនេះ ក៏មិនទាន់បានថមថយនៅឡើយ ខណៈដែលភ្លៀងនៅតែបន្តធ្លាក់រហូតដល់ព្រឹកថ្ងៃទី ២៩ កញ្ញានេះ ហើ យអាចបន្តជន់លិចទៅកាន់តំបន់ក្នុងស្រុកផ្សេងទៀតបើសិនជាទឹកភ្លៀងនៅតែហូសបន្លាយរយះពេលប៉ុន្មានថ្ងៃជាប់គ្នាខាងមុខនេះ បើយោងតាមក្តីបារម្មណ៍របស់អាជ្ញាធរមូលដ្ឋានដែលបានលើកឡើង ហើយនៅក្នុងភូមិអន្លង់ស្តី ឃុំបួរ ស្រុកភ្នំព្រឹក នៅថ្ងៃទី ២៩ ខែកញ្ញានេះ កម្លាំងឯកភាពស្រុកកំពុងចុះអន្តរាគមន៍ ដើម្បីជួយបញ្ជូនពលរដ្ឋមួយចំនួនទៅរកទីទួលសុវត្ថិភាពផងដែរ៕
អត្ថបទ៖ សៅ សារិទ្ធ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore