Connect with us

ព័ត៌មានជាតិ

សម្ដេចតេជោ ហ៊ុន សែន ថ្លែងអំណរគុណរដ្ឋសភា ដែលតែងតែផ្ដល់ការគាំទ្រគ្រប់បែបយ៉ាងដល់រាជរដ្ឋាភិបាល

បានផុស

នៅ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងអំណរគុណ និងកោតសរសើរដល់រដ្ឋសភា ដែលតែងតែបង្ហាញការប្ដេជ្ញាចិត្តខ្ពស់ក្នុងកិច្ចការបម្រើប្រទេសជាតិ និងផ្ដល់ការគាំទ្រគ្រប់បែបយ៉ាងដល់រាជរដ្ឋាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការថ្លែងនេះ​ គ្រាដែលសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអញ្ជើញចូលរួមសម័យប្រជុំលើកទី ៨​ នីតិកាលទី ៦ ក្រោមអធិបតីភាពសម្ដេចអគ្គមហាពញាចក្រី ហេង សំរិន ប្រធានរដ្ឋសភា នាព្រឹកថ្ងៃទី ១៤ ខែតុលា ឆ្នាំ ២០២២ ដោយមានវត្តមានសមាជិក-សមាជិការដ្ឋសភាចំនួន ១១១រូប។របៀបវារៈ សម្រាប់អង្គប្រជុំរដ្ឋសភានាព្រឹកនេះ គឺបោះឆ្នោតផ្តល់សេចក្តីទុកចិត្ត លើការបំពេញបន្ថែមសមាសភាពសមាជិក នៃរាជរដ្ឋាភិបាលដល់លោក ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ។ ​

សម្ដេចតេជោ ហ៊ុន សែន បានថ្លែងថា ក្នុងនាមរាជរដ្ឋាភិបាល និងក្នុងនាមរូបសម្ដេចផ្ទាល់ សូមសម្ដែងនូវការកោតសរសើរ និងថ្លែងអំណរគុណចំពោះអង្គរដ្ឋសភា ដែលជានិច្ចកាលក្នុងនាមជាស្ថាប័ននីតិបញ្ញត្តិ ដោយទទួលបានសេចក្ដីទុកចិត្តពីប្រជាពលរដ្ឋ តែងតែបង្ហាញការប្ដេជ្ញាចិត្តខ្ពស់ក្នុងកិច្ចការបម្រើប្រទេសជាតិ និងផ្ដល់ការគាំទ្រគ្រប់បែបយ៉ាងដល់រាជរដ្ឋាភិបាល នៅក្នុងការខិតខំជំរុញការអភិវឌ្ឍលើគ្រប់វិស័យ ដើម្បីបុព្វហេតុជាតិ និងប្រជាជន។

សម្ដេចតេជោ ហ៊ុន សែន បានថ្លែងបន្តថា អនុលោមតាមរដ្ឋធម្មនុញ្ញ នៃព្រះរាជាណាចក្រកម្ពុជា, ព្រះរាជក្រម ដែលប្រកាសឲ្យប្រើច្បាប់ ស្ដីពី ការរៀបចំ និងប្រព្រឹត្តទៅនៃគណៈរដ្ឋមន្ត្រី, ព្រះរាជក្រឹត្យ ស្ដីពី ការចាត់តាំងនាយករដ្ឋមន្ត្រី នៃព្រះរាជាណាចក្រកម្ពុជា, ព្រះរាជក្រឹត្យ ស្ដីពី ការតែងតាំងរាជរដ្ឋាភិបាល នៃព្រះរាជាណាចក្រកម្ពុជា, ព្រះរាជក្រឹត្យ ស្ដីពី ការតែងតាំង និងកែសម្រួលសមាសភាពរាជរដ្ឋាភិបាល នៃព្រះរាជាណាចក្រកម្ពុជា, និងយោងតាមតម្រូវការចាំបាច់ ក្នុងការជំរុញអនុវត្តកម្មវិធីនយោ​បាយរបស់រាជរដ្ឋាភិបាល ឲ្យកាន់តែមានប្រសិទ្ធភាពថែមទៀត, ក្នុងនាមជានាយករដ្ឋមន្ត្រី សម្ដេចតេជោ ហ៊ុន សែន បានស្នើរដ្ឋសភាពិនិត្យ និងបោះឆ្នោតផ្ដល់សេចក្ដីទុកចិត្តរបស់រដ្ឋសភា លើការបំពេញបន្ថែមសមាជិករាជរដ្ឋាភិបាលដល់ លោក ឌិត ទីណា ជារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។

សូមជម្រាបថា លោក ឌិត ទីណា ជាអតីតរដ្ឋលេខាធិការក្រសួងរ៉ែ និងថាមពល ត្រូវបានរាជរដ្ឋាភិបាលស្នើសុំរដ្ឋសភា បោះឆ្នោតផ្តល់សេចក្តីទុកចិត្ត ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ជំនួសលោក វេង សាខុន ដែលត្រូវបានបញ្ចប់មុខតំណែង ហើយត្រូវបានតែងតាំងរដ្ឋមន្ត្រីប្រតិភូអមនាយករដ្ឋមន្ត្រី៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ នាទី មុន

ទូតអង់គ្លេស៖ ការអប់រំថ្នាក់ខ្ពស់មានសារៈសំខាន់ណាស់ក្នុងការអភិវឌ្ឍប្រទេសកម្ពុជាឱ្យកាន់តែរីកចំរើន

សន្តិសុខសង្គម៨ ម៉ោង មុន

ចាប់ខ្លួន​មេ​តុងទីន​ម្នាក់​បញ្ជូន​ទៅ​តុលាការ ករណីឆបោក និង​ចាយ​សែក​ស្អុយ​រាប់​សិប​ម៉ឺន​ដុល្លារ​អាមេរិក

ជីវិតកម្សាន្ដ១១ ម៉ោង មុន

លោក ណាវ៉ាត់ បញ្ជាក់ច្បាស់ៗ MGT 2023 ត្រូវតែជាបវរកញ្ញាដែលមិនធ្លាប់កាត់ការប្រកួតសោះ

ព័ត៌មានជាតិ១២ ម៉ោង មុន

មន្ត្រីជាន់ខ្ពស់​គណបក្ស​ភ្លើងទៀន​៩​រូប ​នៅ​ខេត្តកំពង់ធំ​ចូលរួម​រស់​ជា​ផ្លូវការ​ជាមួយ​គណបក្ស​ប្រជាជន​

វប្បធម៌ ជំនឿ១២ ម៉ោង មុន

“ម្សាញ់” ឆ្នាំ២០២៣ ទាំងអាជីព និងទ្រព្យសម្បត្តិ សុទ្ធតែរីកចម្រើន

Sokha Hotels

ព័ត៌មានពេញនិយម