ព័ត៌មានជាតិ

Metfone ជាស្លាកយីហោក្រុមហ៊ុនទូរសព្ទដំបូងគេក្នុងប្រទេសកម្ពុជាដែលទទួលបាន Gold Play Button ពី YouTube

បានផុស

៣ years មុន

នៅ

ថ្ងៃពុធ ២៨ ធ្នូ ២០២២

ដោយ

បន្ទាប់ពីបង្កើតបានរយៈពេល ៩ ឆ្នាំ ឆានល YouTube របស់ក្រុមហ៊ុនវៀតធេល ខេមបូឌា (មិត្តហ្វូន) ទទួលបាន Subscriber កើនឡើងដល់ជាង ១ លាននាក់ និងទទួលបាន Gold Play Button ពីក្រុមហ៊ុន YouTube។

នៅក្នុងប្រទេសកម្ពុជា ឆានល YouTube របស់មិត្តហ្វូន គឺជាឆានលមួយក្នុងចំណោមឆានលនៃម៉ាកយីហោផ្សេងទៀត ដែលជាឆានែលប្រភេទកម្សាន្តបែបចម្រុះ និងមានចំនួនអ្នកតាមដានច្រើនជាងគេ។ សមិទ្ធផលនេះគឺបានមកពីការខិតខំប្រឹងប្រែងផលិតមាតិកាស៊ីជម្រៅដើម្បីទៅដល់ទស្សនិកជន និងជាពិសេសសមស្របនឹងវប្បធម៌ និងរបៀបរស់នៅរបស់ប្រជាជនផងដែរ។

ជាពិសេស ពានរង្វាន់នេះត្រូវបានគេចាត់ទុកជាសញ្ញាសម្គាល់ពិសេសសម្រាប់ការទំនាក់ទំនងនិងការផ្សព្វផ្សាយរូបភាពនៃម៉ាកយីហោរបស់ក្រុមហ៊ុនមិត្តហ្វូន។ ព្រឹត្តិការណ៍ដ៏សំខាន់នេះ គឺជាសក្ខីភាពបញ្ជាក់ពីភាពពេញនិយមនៃឆានែល YouTube របស់ក្រុមហ៊ុនមិត្តហ្វូន និងភាពរស់រវើកនៃមាតិកាដែលមិត្តហ្វូនបានផលិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមនោះ អ្វីដែលពិសេសនោះគឺខ្សែវីដេអូគំនូរជីវចលដ៏ល្បី ក្រោមចំណងជើង «មាគ៌ាព្រះធម៌» ជាកម្មវិធីដែលមានខ្លឹមសារព្រះពុទ្ធសាសនា ដែលជួយផ្សព្វផ្សាយអំពើល្អ និងជំរុញចិត្តមនុស្សឲ្យធ្វើអំពើល្អ។ សម្រាប់ខ្សែវីដេអូដែលពេញនិយមមួយទៀតនៅលើ YouTube Channel របស់ក្រុមហ៊ុនមិត្តហ្វូននោះគឺវីដេអូគំនូរជីវចល «ក្រដាសស» ដែលជាកម្មវិធីអប់រំប្រចាំសប្តាហ៍ដែលផលិតដោយ ក្រុមហ៊ុនមិត្តហ្វូនដែលមានអ្នកទស្សនាដ៏ច្រើនលើសលប់។

ពីសេវាកម្ម និងមាតិកាឌីជីថល នៅឆ្នាំ២០២១ មិត្តហ្វូនបានឈ្នះពានរង្វាន់មាសសម្រាប់ការផលិតខ្សែវីដេអូអប់រំនិងមានការបណ្តុះបណ្តាលល្អបំផុតប្រចាំឆ្នាំពីកម្មវិធី Globee Awards សម្រាប់ខ្សែវីដេអូ មាគ៌ាព្រះធម៌។

ដោយឡែកនៅក្នុងឆ្នាំ ២០២២ ក្រុមហ៊ុនមិត្តហ្វូនក៏បានឈ្នះពានរង្វាន់សម្រាប់កម្មវិធីទំនួលខុសត្រូវសង្គមល្អបំផុតប្រចាំឆ្នាំសម្រាប់កម្មវិធីទូរទស្សន៍ «នេះមិនមែនជាសុបិន» ពីកម្មវិធី Globee Awards ជាកម្មវិធីស្វែងរកសាច់ញាតិដែលបាត់បង់ក្នុងសម័យសង្គ្រាម។

យោងតាមការវិភាគរបស់ Channel’s analysis មកទល់ពេលនេះ ចំនួនអ្នកទស្សនាសរុបឈានដល់ជាង 332.6 លានដង និងម៉ោងទស្សនាកើនសរុបបានដល់ 16.6 លានម៉ោង។

បច្ចុប្បន្ននេះ ក្រុមហ៊ុនមិត្តហ្វូន បាននិងកំពុងផលិតមាតិកាកម្សាន្តជាច្រើនផ្សេងទៀតនៅលើ YouTube Shorts សម្រាប់ការផលិតវីដេអូខ្លីៗ ដែលជាយុទ្ធសាស្ត្រមួយក្នុងការផលិតមាតិកាចម្រុះនិងធ្វើឱ្យឆានលកាន់តែមានភាពទាក់ទាញ និងទទួលបានអ្នកទស្សនាកាន់ច្រើន។

ក្រៅពីនេះ មិនត្រឹមតែជាការកម្សាន្តប៉ុណ្ណោះទេ មិត្តហ្វូន ក៏ផ្ដោតលើការកសាង បង្កើតថ្មី និងបង្កើត ឆានល YouTube របស់ខ្លួនក្នុងទិសដៅបម្រើសង្គម និងបម្រើសហគមន៍ និងព្យាយាមនាំយកខ្លឹមសារសំខាន់ៗនៃវប្បធម៌ដ៏ល្អរបស់កម្ពុជាផ្សារភ្ជាប់ជាមួយប្រជាជនដើម្បីជាប្រយោជន៍វិជ្ជមានពីម្នាក់ទៅម្នាក់៕

Related Topics:ក្រុមហ៊ុន Metfone

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា