Metfone ដាក់ចេញជាផ្លូវការនូវគម្រោងដាតាអ៊ីនធឺណិត 5G ល្បឿនលឿនថ្មី ដ៏ទាក់ទាញ

បន្ទាប់ពីការសាកល្បងបច្ចេកទេសរយៈពេលបីខែ និងលទ្ធផលដ៏ជោគជ័យ Metfone បានប្រកាសជាផ្លូវការនូវការដាក់ឱ្យដំណើរការពាណិជ្ជកម្មនៃគម្រោងដាតា 5G ថ្មី របស់ខ្លួនចាប់ពីថ្ងៃទី 1 ខែមេសា ឆ្នាំ 2026 តទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងអំឡុងពេលដំណាក់កាលសាកល្បងចាប់ពីខែមករាដល់ខែមីនា ឆ្នាំ 2026 បណ្តាញ 5G របស់ Metfone បានបង្ហាញពីដំណើរការដែលមានស្ថេរភាព រួមជាមួយនឹងសមត្ថភាពបញ្ជូនទិន្នន័យល្បឿនលឿន។ ដោយផ្អែកលើមតិប្រតិកម្មវិជ្ជមានរបស់អ្នកប្រើប្រាស់ Metfone បានដាក់ចេញជាផ្លូវការជាមួយគម្រោងឈ្មោះថា “Met5G” ថ្មី ដែលផ្តល់នូវគុណសម្បត្តិសំខាន់ៗក្នុងបរិមាណទិន្នន័យដ៏គួរឱ្យទាក់ទាញ។

ដើម្បីបំពេញតម្រូវការអតិថិជនចម្រុះ Metfone ផ្តល់ជូននូវ 5 គម្រោងដែលបត់បែនចាប់ពីជម្រើសរយៈពេលខ្លីរហូតដល់រយៈពេលវែង។ សម្រាប់ការប្រើប្រាស់ប្រចាំសប្តាហ៍ គម្រោង Met5G 1 និង Met5G 2 មានចាប់ពីតម្លៃត្រឹមតែ 1.5 ដុល្លារប៉ុននោះ ដែលសមស្របសម្រាប់ការចូលប្រើដែលមានតម្លៃសមរម្យ និងងាយស្រួល។ សម្រាប់អ្នកប្រើប្រាស់ដែលមានតម្រូវការច្រើន គម្រោងប្រចាំខែដូចជា Met5G 6 Met5G 10 និង Met5G 15 ផ្តល់ជូនទិន្នន័យរហូតដល់ 250GB រួមជាមួយនឹងនាទី សារ SMS ឥតគិតថ្លៃជាច្រើន។ ជាពិសេស គម្រោងទាំងអស់នេះ ក៏អាចប្រើប្រាស់បានជាមួយបណ្តាញ 4G ដែលធានាបាននូវការប្រើប្រាស់ដ៏រលូននៅទូទាំងតំបន់គ្របដណ្តប់។

ជាមួយគម្រោង Met5G ថ្មី អ្នកប្រើប្រាស់មិនត្រឹមតែទទួលបានជម្រើសកាន់តែច្រើនប៉ុននោះទេ ប៉ុន្តែថែមទាំងរីករាយនឹងបទពិសោធន៍ឌីជីថលកាន់តែប្រសើរឡើងផងដែរ។ រាប់ចាប់ពីការចាក់វីដេអូ ការផ្សាយបន្តផ្ទាល់ និងការកម្សាន្ត រហូតដល់ការរៀនតាមអ៊ីនធឺណិត និងការងារពីចម្ងាយ សកម្មភាពទាំងអស់កាន់តែរលូន និងមានស្ថេរភាពជាងមុន។ ការផ្តល់ជូននូវទិន្នន័យធំៗទាំងនេះធានានូវការតភ្ជាប់ជាបន្តបន្ទាប់ ខណៈពេលដែលល្បឿនលឿនផ្តល់នូវបទពិសោធន៍ដ៏រលូន និងគ្មានការរំខាន។ សម្រាប់ព័ត៌មានបន្ថែមអំពីគម្រោង Met5G និងតំបន់គ្របដណ្តប់សេវា 5G អតិថិជនអាចចូលទៅកាន់៖ https://metfone.com.kh/met5G ឬហាង Metfone ណាមួយនៅទូទាំងប្រទេស៕