ព័ត៌មានជាតិ
ក្រុមអ្នកសម្អាតឆ្នេរ ១៣៥នាក់ ទទួលបានប្រាក់លើកទឹកចិត្តពីសម្តេចតេជោ ហ៊ុន សែន
លោក គួច ចំរើន អភិបាល នៃគណៈអភិបាលខេត្តព្រះសីហនុ បានដឹកនាំមន្ត្រីក្រោមឱវាទចុះសួរសុខទុក្ខសំណេះសំណាលនិងនាំយកថវិការបស់សម្តេចតេជោ ហ៊ុន សែន លើកទឹកចិត្តដល់ បុគ្គលិកសម្អាតឆ្នេរនិងឆ្មាំឆ្នេររួមនិងកម្លាំងប្រជាការពារចំនួនសរុបចំនួន១៣៥នាក់ ដែលកំពុងបំពេញការងារសម្អាតឆ្នេរតំបន់ សង្កាត់លេខ៤ ខេត្តព្រះសីហនុ កាលពីថ្ងៃទី១០ ខែមករា ឆ្នាំ២០២១នេះ។
លោក អ៊ី សុខឡេង អភិបាលក្រុងព្រះសីហនុ បានឲ្យដឹងថា ការងារសម្អាតឆ្នេរ ក្នុងតំបន់បណ្ដោយ ឆ្នេរអូរត្រេះ១ អូរត្រេះ២ និងឆ្នេរអូរឈើទាល២ ស្ថិតនៅភូមិ៦ សង្កាត់លេខ៤ ក្រុងព្រះសីហនុ មានរយ:ពេល៥ថ្ងៃ ចាប់ពីថ្ងៃទី៥ ដល់ថ្ងៃទី៩ ខែមករា ឆ្នាំ ២០២១ សរុប ប្រមូលគល់ឈើ ដើមឈើងាប់ៗ និងសម្អាតដុំថ្មនៅតាមឆ្នេរ បានចំនួន ៤២ជើង (ឡាន) ស្មើនឹង ៥០២តោន ប្រើកម្លាំងសរុបជាង១០០ នាក់។
លោក គួច ចំរើន អភិបាលខេត្តព្រះសីហនុ បានកោតសរសើរដល់បងប្អូនក្រុមអ្នកសម្អាតឆ្នេរ ដែលបានខំប្រឹងយកចិត្តទុកដាក់រួមគ្នាធ្វើការសម្អាតឆ្នេររបស់យើង ក្នុងស្មារតីទទួលខុសត្រូវជាអ្នកមើលថែទាំសំអាតឆ្នេរឲ្យមានភាពស្រស់ស្អាតនិងមានអនាម័យ បរិស្ថានល្អ ដោយក្នុងរយៈពេល ៥ថ្ងៃនេះ បងប្អូនពិតជាលំបាកខ្លាំងហើយ ជាមួយនិងសំរាម គល់ឈើ ឬដុំថ្ម ចំនួនប្រមាណ៥០០តោន ដែលនៅរាយប៉ាយតាម បណ្តោយឆ្នេរ។ នេះមិនមែនជាលើកដំបូង ដែលយើងចាប់ផ្ដើមសម្អាតឆ្នេរដែរ កាលពីមុននៅតំបន់នេះ មានការលំបាកដោយសារមានសំរាមនិងផលប៉ះពាល់ជាច្រើនដែលមិនមានលំហសាធារណៈយើងបានរួមគ្នាប្រឹងប្រែង ដើម្បីរៀបចំកែលម្អបន្តិចម្ដងៗរហូតក្លាយជាលំហសាធារណៈមានឆ្នេរ មានកន្លែងដើរកម្សាន្ត ទោះបីថ្ងៃនេះយើងបានដឹកសំរាមចេញមានគល់ ឈើ ដើមឈើងាប់ និងដុំថ្មជាង ៥០០តោនក៏ដោយ ក៏សំរាមនៅមិនទាន់អស់ទេ ម្យ៉ាងទៀតភាពស្អាត ដែលយើងមើលឃើញថ្ងៃនេះ ទទួលយកបានក៏ប៉ុន្តែនៅពេលខាងមុខយើងនឹងបន្តកែលម្អរឲ្យមានភាពស្រស់ស្អាតបន្ថែមទៀត ដើម្បីធានាថា អ្នកទេសចរទាំងឡាយមកកម្សាន្តនៅទីនេះ មិនរំខានដោយសារដុំថ្ម កម្ទេចឈើ ឬសំរាម ហើយ នៅមានកិច្ចការជាច្រើនទៀត ដែលយើងត្រូវរួមគ្នាធ្វើបន្តទៅទៀត។
លោក គួច ចំរើន បានបន្តទៀតថា សំរាមកើតចេញមកដោយសារមនុស្សអ្នកទេសចរខ្លះដែលយកមកប្រើប្រាស់ មិនបានយកត្រឡប់ទៅវិញ បន្សល់ទុកនូវសំរាមបង្កផលប៉ះពាល់គ្មាន អនាម័យ និងបរិស្ថាន ដូចនេះ យើងត្រូវចូលរូមគ្នាទាំងអស់គ្នាថែរក្សាឆ្នេរសមុទ្រដ៏ស្រស់ស្អាតរបស់យើងដើម្បីទាក់ទាញភ្ញៀវទេសចរមកកាន់កាន់តែច្រើន ពីព្រោះខេត្តព្រះសីហនុ ត្រូវបានរាជរដ្ឋាភិបាលចាត់ទុកជា “តារារះនាទិសនិរតី” ដោយផ្អែក លើ សក្តានុពលឆ្នេរសមុទ្រ ។
ក្នុងឱកាសនោះ លោក គួច ចំរើន នាំយកថវិកាសម្តេចអគ្គមហាសេនាបតីតេជោ ហ៊ុន សែន នាយក រដ្ឋមន្ត្រី នៃព្រះ រាជាណាចក្រកម្ពុជា ផ្តល់ជូនប្រជាការពារ បុគ្គលិកសំអាតអនាម័យឆ្នេរ ឆ្នាំឆ្នេរ និងបុគ្គលិក ក្រុមហ៊ុន ពិស្ណុការ ចំនួន ១៣៥ នាក់ ក្នុងម្នាក់ទទួលបានថវិកា ២០០,០០០រៀល៕
អត្ថបទ៖ កោះពស់
-
ព័ត៌មានអន្ដរជាតិ១២ ម៉ោង agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៥ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៤ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៦ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ៦ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ២ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម
-
ព័ត៌មានអន្ដរជាតិ៥ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៣ ថ្ងៃ agoពូទីន៖ រុស្ស៊ីតែម្នាក់ឯង ត្រូវប្រយុទ្ធជាមួយ លោកខាងលិចទាំងមូល ក្នុងសង្គ្រាមនៅ អ៊ុយក្រែន