ព័ត៌មានជាតិ

ពងទាខេត្តព្រៃវែងលក់ចេញមួយគ្រាប់ ៤០០ រៀល មួយថ្ងៃផលិតបាន ១ លានគ្រាប់

បានផុស

៣ years មុន

នៅ

ថ្ងៃព្រហស្បតិ៍ ២៣ មីនា ២០២៣

ដោយ

លោក អ៊ុក សំណាង ប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រៃវែងបានអះអាងថា បច្ចុប្បន្ននេះទិន្នផលនៃការចិញ្ចឹមទាយកពងរបស់ប្រជាជនក្នុងភូមិសាស្រ្តខេត្តព្រៃវែ មានការកើនឡើងគួរឱ្យកត់សម្គាល់ ដោយក្នុងមួយថ្ងៃមានលទ្ធភាពអាចផលិតបានដល់ ១លានគ្រាប់។ ការលើកឡើងនេះ ក្នុងសន្និសីទសារព័ត៌មានស្តីពី«ភាពជោគជ័យរយៈពេល ៥របស់ខេត្តព្រៃវែង» នាថ្ងៃទី២២ ខែមីនា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុក សំណាង មានប្រសាសន៍ថា ការចិញ្ចឹមទានៅក្នុងខេត្តព្រៃវែង មុនបរិបទនៃការរាលដាលនៃជំងឺកូវីដ ១៩ មានចំនួនច្រើន មានរហូតដល់ជាង ២លាន ៥សែនក្បាល។ ប៉ុន្តែដោយសារមានការរាល់ដាលនៃជំងឺកូវីដ ១៩ ដែលធ្វើឱ្យមានផលពិបាកសម្រាប់ការនាំចេញទៅកាន់ទីផ្សារពីខេត្តមួយទៅខេត្តមួយ ទើបមានការថមថយទៅវិញ។

ក្រោយកូវីដ ១៩ ថមថយទៅវិញ ព្រមទាំងការបើកឱ្យចរាចរណ៍ឡើងវិញរបស់រាជរដ្ឋាភិបាល លោកប្រធានមន្ទីរ កសិកម្ម បានឲ្យដឹងថា ពលរដ្ឋចាប់ផ្ដើមចិញ្ចឹមឡើងវិញជាបណ្ដើរៗឡើងវិញ ដោយគិតមកដល់បច្ចុប្បន្ននេះ មានសត្វទាប្រមាណ ១លាន ៥សែនក្បាល ដែលមានសមត្ថភាពអាចផលិតពងបានជាង ១ លានគ្រាប់ក្នុងមួយថ្ងៃ និងលក់ចេញ ១ គ្រាប់ ក្នុងតម្លៃ ៤០០ រៀល។

ជាមួយគ្នានេះ លោកបានគូសបញ្ជាក់ថា តាមរយៈកម្រៃដែលទទួលបាននៃការចិញ្ចឹមសត្វទាយកពង អាចជួយផ្គត់ផ្គង់ដល់ជីវភាពរបស់ប្រជាពលរដ្ឋឱ្យមានភាពលក្ខណៈល្អប្រសើរ៕

Related Topics:Featured លោក អ៊ុក សំណាង

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា