​លោក សុខ ទូច វះកាត់ដៃឆ្វេង ប្រើពេល ៦ ខែទើបជាសះស្បើយ​

លោកបណ្ឌិត សុខ ទូច ប្រធានរាជបណ្ឌិត្យសភាកម្ពុជា បានឱ្យដឹងនៅថ្ងៃទី ៦ ខែមេសា ឆ្នាំ ២០២៣នេះថា គ្រូពេទ្យពេទ្យបានប្រាប់លោកថា ស្ថានភាពដៃរបស់លោក ត្រូវការពេល ៦ ទើបជាសះស្បើយ ក្រោយការវះកាត់។

​លោក សុខ ទូច បានដួល ដោយសារមានជនសង្ស័យលួចធាក់ពីក្រោយ ពេលលោកចូលបន្ទប់ទឹក​អំឡុងពេលដែលចុះ​បេសកកម្មត្រួតពិនិត្យ និងស្វែងរកបទល្មើសនៅជុំវិញបឹងទន្លេសាប។ ការដួលភ្លាមៗនោះ លោកពុំបានចាប់អារម្មណ៍ថា មានអាការឈឺធ្ងន់ធ្ងរទេ។

លោក សុខ ទូច ចាប់ផ្ដើមមានអាការឈឺដៃ នៅពេលបំពេញបេស​កកម្ម​នៅប្រទេសកូរ៉េ ដែលមានអាកាសធាតុត្រជាក់ ទើបធ្វើឱ្យដៃរបស់លោក ពុំអាចលើក​រួចដូច​មុន។  

​លោក បណ្ឌិត សុខ ទូច បានប្រាប់ថា៖ «អត់អីទេ ២ អាទិត្យទៀត កាត់ចេស តាមការប្រាប់ពីគ្រូពេទ្យ រយៈពេល ៦ ខែ បានលើកដៃផុត​ក្បាលបាន ក្រោមហ្នឹងអត់បានទេ ត្រឹមក្រោមចង្កាបាន ព្រោះយូរ​ខ្ញុំទុក​យូរពេក រហូតជិត១ ឆ្នាំ រហូតលើកដៃលែងរួច ក្រោយពីទៅស្រុកគេ លុះស្កេនមើលទើបដឹងថា ដាច់សរសៃ ៣»។

ទោះយ៉ាងណាលោក សុខ ទូច បញ្ជាក់ថា លោក មិនប្ដឹងទេ ដោយសារលោក ចាំពុំបាន​អត្តសញ្ញាណ​ជនសង្ស័យ៕