ព័ត៌មានជាតិ
មន្ត្រី៖ ក្រសួងវប្បធម៌ ផ្សព្វផ្សាយពីវប្បធម៌ខ្មែរច្រើនណាស់ តែយុវជនហាក់មិនសូវអើពើ
លោក ហ៊ឺ វីរៈ រដ្ឋលេខាធិការក្រសួងវប្បធម៌ និងវិចិត្រសិល្បៈ បានលើកឡើងថា ក្រសួងព្យាយាមផ្សព្វផ្សាយអំពីវប្បធម៌ខ្មែរច្រើនណាស់ទៅក្នុងកម្មវិធីជាច្រើន ប៉ុន្តែហាក់មានការគាំទ្រតិចតួចបំផុតពីសំណាក់យុវជនខ្មែរ និងប្រព័ន្ធផ្សព្វផ្សាយ ខុសប្លែកពីការប្រគុំតន្ត្រីផ្សេងៗដែលមានមនុស្សចូលរួមច្រើន។
នៅក្នុងវេទិកាជជែកពិភាក្សាពិសេសរបស់កម្ពុជាថ្មី លោកបានអះអាងថា ក្រសួងបានរៀបចំកម្មវិធីជាច្រើនដែលទាក់ទងជាមួយនឹងវប្បធម៌ខ្មែរ ធ្វើយ៉ាងណាឱ្យប្រជាជនខ្មែរ ជាពិសេស យុវជនតែម្តង ឱ្យបានដឹងពីវប្បធម៌ខ្មែរឱ្យបានច្រើន។ ផ្ទុយទៅវិញ លោកសង្កេតឃើញថា យុវជនហាក់មុនសូវមានការចាប់អារម្មណ៍ជាមួយនឹងវប្បធម៌ខ្មែរ ដែលក្រសួងខិតខំផ្សព្វផ្សាយ បែរជាចាប់អារម្មណ៍ និងចូលរួមជាមួយនឹងការប្រគុំតន្រ្តីផ្សេងៗច្រើនជាង។
លោករដ្ឋលេខាធិការ បានដាស់តឿនថា៖ “កុំចាំទាល់តែបាត់ ទើបនាំគ្នាសោកស្តាយ។ ក្រសួងវប្បធម៌ យើងបានប្រឹងប្រែង យើងបានបញ្ចូលនូវសម្បត្តិបេតិកភណ្ឌទាំងរូបិយ និងអរូបិយចូលនៅក្នុងបេតិកភណ្ឌពិភពលោក។ យើងបានចងក្រងនូវមរតកមនុស្សរស់ដែលទើបតែចេញព្រះរាជក្រឹត្យថ្មីៗនេះ គឺយើងបានធ្វើច្រើន”។
ជាមួយគ្នានេះ លោកបានលើកឡើងថា ចំពោះការដាក់បញ្ចូលទម្រង់សិល្បៈខ្មែរ មិនចាំបាច់តែរៀបចំជាលក្ខណៈខ្នាតធំឡើយ ត្រឹមបញ្ចូលរបាំមួយដែលរាំដោយសិស្សសាលានៅក្នុងកម្មវិធីក៏ចាត់ទុកថាជាការបញ្ចូលទម្រង់សិល្បៈផងដែរ។ កន្លងមក មានសាលារៀន សាកលវិទ្យាល័យ និងគ្រឹះស្ថានសិក្សាមួយចំនួន រៀបចំសម្តែងល្ខានខ្លីមួយ ក៏បានស្នើសុំកិច្ចសហការជាមួយក្រសួង។
ជាការឆ្លើយតប ក្រសួងបានបញ្ចូនគ្រូបង្ហាត់បង្រៀនពីទម្រង់សិល្បៈក្នុងទម្រង់ខ្លីមួយដើម្បីជាការចាប់ផ្តើម និងជួយដល់ពួកគេដើម្បីលើកស្ទួយវប្បធម៌ខ្មែរ។ ជាទូទៅ ក្រសួងវប្បធម៌ និងមន្ទីរនៅទូទាំងប្រទេសក៏មានការសហការជាមួយសាលាផ្សេងៗក្នុងការស្នើសុំ ប៉ុន្តែ ដោយសារខាងក្រសួង គឺចំនួនធនធានមនុស្សមានកំណត់ ដូច្នេះ ការចូលរួមជួយអភិរក្សក៏មានទៅតាមនោះ។ ដោយឡែក ការដែលមិនមានការសម្តែងយីកេ ឬ ល្ខោនខោល គឺដោយសារតែក្រសួងមានធនធានតិច ប៉ុន្តែក្រសួងក៏បានបញ្ជូនគ្រូសម្រាប់ជួយបង្ហាត់បង្រៀន តាមការស្នើសុំផងដែរ។ នេះបើតាមការបញ្ជាក់របស់លោក ហ៊ឺ វីរៈ៕
ដោយ៖ អុន ស្រីមាន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ