ព័ត៌មានជាតិ

នាយករដ្ឋមន្ត្រីបញ្ជាឱ្យមានវិធានការលើអ្នកផលិតមាតិកាអនាធិបតេយ្យលើបណ្ដាញសង្គមដែលធ្វើឱ្យប៉ះពាល់ដល់សីលធម៌សង្គម

បានផុស

២ ខែ មុន

នៅ

ថ្ងៃសៅរ៍ ២៣ ឧសភា ២០២៦

ដោយ

នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានបញ្ជាឱ្យមានវិធានការបច្ចេកទេស និងវិធានការអប់រំស៊ីជម្រៅដើម្បីទប់ស្កាត់នូវការធ្លាក់ចុះសីលធម៌សង្គម ពិសេសអ្នកផលិតមាតិកាអនាធិបតេយ្យលើបណ្ដាញសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងនេះគឺក្នុងពេលដែលសម្ដេចធិបតី ដឹកនាំប្រជុំគណៈរដ្ឋមន្ត្រីកាលពីថ្ងៃទី២២ ខែឧសភា ម្សិលមិញដោយបានណែនាំ ក្រសួងស្ថាប័នពាក់ព័ន្ទ ជាពិសេសក្រសួងកិច្ចការនារី និងក្រសួងវប្បធម៌ត្រូវជំរុញដោះស្រាយបញ្ហានេះ។

សម្ដេចក៏បានណែនាំឱ្យមានការទទួលយកការណ៍រាយការណ៍ពីពលរដ្ឋដើម្បីដោះស្រាយបញ្ហាដែលពាក់ព័ន្ធនឹងសីលធម៌សង្គមនេះផងដែរ។

រយៈចុងក្រោយនេះសកម្មភាពថតបង្ហោះបង្ហាញភាពស៊ិចស៊ី សកម្មភាពស្រើបស្រាល ការជេរប្រទេច ការប្រើប្រាស់ភាសាអាសអាភាសជាច្រើនបានកើតឡើងលើបណ្ដាញសង្គមហាក់ដូចគ្នាការគ្រប់គ្រងបើទោះបីកន្លងទៅក្រសួងអាជ្ញាធរបានចេញសេចក្ដីណែនាំជាបន្តបន្ទាប់ក៏ដោយ៕

អត្ថបទដោយ ហ៊ុន សិរីវឌ្ឍន៍