ព័ត៌មានជាតិ
ខេត្តព្រះសីហនុមានកាស៊ីណូ ៩៧ កន្លែង ខណៈ ៦០ កន្លែង កំពុងធ្វើអាជីវកម្ម
ខេត្តព្រះសីហនុមានកាស៊ីណូចំនួន ៩៧ កន្លែង ក្នុងនោះកាស៊ីណូ ៦០ កន្លែង កំពុងដំណើរការអាជីវកម្ម។
លោក គួច ចំរើន អភិបាលនៃគណៈអភិបាលខេត្តព្រះសីហនុបានបញ្ជាក់នៅក្នុងសន្និសីទរបស់រដ្ឋបាលខេត្តកន្លងទៅនេះថា ខេត្តព្រះសីហនុទទួលបានគម្រោងវិនិយោគជាច្រើន ខណៈខេត្តជាប់ឆ្នេរនេះក៏ជាគោលដៅទេសចរណ៍ដ៏មានសក្តានុពលសម្រាប់ភ្ញៀវជាតិនិងអន្តរជាតិមកកម្សាន្ត។
ទាក់ទងការវិនិយោគក្នុងខេត្តព្រះសីហនុ លោកគួច ចំរើន បានបញ្ជាក់ថា បច្ចុប្បន្នខេត្តព្រះសីហនុក៏មានការវិនិយោគអាជីវកម្មកាស៊ីណូជាច្រើនកន្លែងផងដែរ។ លោកបន្តថា កាស៊ីណូទូទាំងខេត្តមានចំនួន ៩៧ កន្លែង ខណៈ ៦០ កន្លែងកំពុងធ្វើអាជីវកម្ម។
ជុំវិញការគ្រប់គ្រងអាជីវកម្មកាស៊ីណូ លោក គួច ចំរើន បានឲ្យដឹងថា អាជ្ញាធរខេត្តកំពុងរៀបចំកសាងផែនទីដើម្បីគ្រប់គ្រងអាជីវកម្មកាស៊ីណូ ចៀសវាងកើតមានបទល្មើសដែលបង្កបញ្ហាអសន្តិសុខដល់សង្គម។
បើតាមលោកអភិបាលខេត្ត កន្លងទៅធ្លាប់មានជនឧក្រិដ្ឋមួយចំនួនយកទីតាំងកាស៊ីណូប្រព្រឹត្តិបទល្មើស ដែលធ្វើឲ្យអាជ្ញាធរឈឺក្បាលមិនតិចនោះទេ។ យ៉ាងណាតាមរយៈការកសាងផែនទីនេះ នឹងធ្វើឲ្យអាជ្ញាធរងាយស្រួលគ្រប់គ្រងបទល្មើសតាមទីតាំងកាស៊ីណូឲ្យមានប្រសិទ្ធភាព។
«យើងកំពុងរៀបចំកសាងផែនទីគ្រប់គ្រងឲ្យច្បាស់លាស់ ដើម្បីពិនិត្យកាស៊ីណូពី ១ ទៅ ៩៧ កន្លែងហ្នឹង តើកន្លែងមួយៗមានអីខ្លះ មានថៅកែគ្រប់គ្រងណាខ្លះ?។ ពីមុនដោយសារមានការចន្លោះប្រហោង ទើបមានបទល្មើសជ្រាបបាន។ ដូច្នេះការរៀបចំផែនទីនេះ អាចរកឃើញអ្នកបង្កប់ អ្នកប្រព្រឹត្តិបទល្មើស កន្លែងណាត្រូវបិទ ផ្តន្ទាទោស ឬផាកពិន័យតាមបទល្មើសដែលមាន»។
កន្លងទៅអាជ្ញាធរខេត្តព្រះសីហនុ បានទទួលពាក្យបណ្ដឹងលើការបង្ខាំងមនុស្សនៅទីតាំងកាស៊ីណូ ដោយបានចុះធ្វើអន្តរាគមន៍ ហើយជនល្មើសក៏ត្រូវយកទៅអនុវត្តវិធានការតាមផ្លូវច្បាប់។
លោកគួច ចំរើន បានអះអាងថា តាមរយៈការកសាងផែនទីនេះ នឹងអាចបង្កើនប្រសិទ្ធភាពលើការគ្រប់គ្រងអាជីវកម្មកាស៊ីណូ និងអាចឆ្លើយតបចាត់វិធានការទប់ស្កាត់បទល្មើសបានទាន់ពេលវេលា៕
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម