ព័ត៌មានជាតិ
អភិបាលខេត្តកំពត៖ ការប្រឡងបេក្ខជនជ្រើសរើសមន្ដ្រីរាជការ ប្រព្រឹត្តទៅដោយសុក្រឹត ដើម្បី រើសយកអ្នកដែលមានសមត្ថភាព
កាលពីថ្ងៃទី២១ ខែឧសភា ឆ្នាំ២០២៣ នេះឯកឧត្តម ម៉ៅ ធនិន អភិបាលខេត្តកំពត បានដឹកនាំមន្ត្រីរាជការពាក់ព័ន្ធក្រោមឱវាទចូលរួមបើកវិញ្ញាសាប្រឡងជ្រើសរើសមន្ត្រីបម្រើការងារនៅរដ្ឋបាលខេត្ត និងក្រុងបូកគោ នៅសាលាវិទ្យាល័យមិត្តភាពកម្ពុជា-ជប៉ុន កំពតក្រុង ស្ថិតក្នុងសង្កាត់កំពុងកណ្ដាល ក្រុងកំពត ខេត្តកំពត។

ឯកឧត្តម ម៉ៅ ធនិន អភិបាលខេត្តកំពត បានផ្ដាំផ្ញើដល់បេក្ខជនឲ្យខិតខំប្រឹងប្រែងបញ្ចេញសមត្ថភាព ដែលខ្លួនបានរៀនចេះចាំឲ្យបានល្អប្រសើរ ព្រោះអ្នកដែលទទួលបានពិន្ទុខ្ពស់ជាងគេនឹងជាប់។
ឯកឧត្តម ម៉ៅ ធនិនអភិបាលខេត្តកំពត បានអះអាងថា ការប្រឡងនេះមានភាពសុក្រឹតណាស់ គឺធ្វើយ៉ាងណាដើម្បីជ្រើសរើសមន្ត្រីដែលមានសមត្ថភាពមកបម្រើការងារជូនប្រជាពលរដ្ឋ ពោលបេក្ខជនប្រឡង អ្នកចេះ គឺជាប់។

គួរជម្រាបថា រដ្ឋបាលខេត្តកំពត បានរៀបចំការប្រឡងជ្រើសរើសសិស្ស និស្សិត ដើម្បីឲ្យបម្រើការងារនៅក្នុងក្របខណ្ឌមន្ត្រីរាជការស៊ីវិល នៃក្រសួងមហាផ្ទៃ នៅរដ្ឋបាលខេត្តកំពត និងរដ្ឋបាលក្រុងបូកគោ ចំនួន១៤នាក់ ក្នុងនោះមានមន្ត្រីក្របខ័ណ្ឌ (ក) ២នាក់ ដើម្បីបម្រើការងារនៅរដ្ឋបាលខេត្តកំពត និងក្របខ័ណ្ឌ (ក) ៥នាក់ (ខ) ៤នាក់ និង(គ) ៣នាក់ ដើម្បីមប្រើការងារនៅរដ្ឋបាលក្រុងបូកគោ។ សរុបបេក្ខជនមកប្រឡងចំនួន៤៤៤នាក់ ស្រី២៧៧នាក់។

ការប្រឡងមានរយៈពេលពីរម៉ោង ចាប់ពីម៉ោង៧កន្លះ ដល់៩កន្លះ ក្រោមការយាមកាមពីកម្លាំងសមត្ថកិច្ចមច្រុះ និងការត្រួតពិនិត្យ ពីមន្ត្រីគណៈកម្មការរៀបចំការប្រឡងខេត្តកំពត ដើម្បីធានាថាការប្រឡងប្រកបដោយតម្លាភាព និងគ្មានការលាក់លួចមើលប្រ៊ីយ៉ុងនោះទេ៕
អត្ថបទ៖ សឹង រ៉ាត់





-
ព័ត៌មានអន្ដរជាតិ២១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ