ព័ត៌មានជាតិ
បណ្ឌិត សាយ បូរី ៖ សម្តេច ហ៊ុន សែន ជាអ្នកប្រាជ្ញខ្មែរដ៏ឆ្នើមក្នុងទស្សនវិជ្ជានយោបាយ និងរដ្ឋបាលសាធារណៈ
លោកបណ្ឌិត សាយ បូរី ដែលជាសាស្រ្តាចារ្យផ្នែកច្បាប់ដ៏ល្បីឈ្មោះមួយរូបនៅកម្ពុជា បានកោតសរសើរសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាថា សម្តេចតេជោ មិនត្រឹមតែជាអ្នកនយោបាយទេ គឺជាអ្នកប្រាជ្ញខ្មែរមួយរូបដ៏ឆ្នើមក្នុងទស្សនវិជ្ជានយោបាយ និងរដ្ឋបាលសាធារណ:។ លោកកត់សម្គាល់ថា នៅក្នុងប្រវត្តិសាស្រ្តកម្ពុជា លោកដូចជាទើបនឹងឃើញមានសម្តេចតេជោ ហ៊ុន សែន តែម្នាក់គត់។
(រូបភាព៖ Samdech Hun Sen, Cambodian Prime Minister)
ក្រៅពីកោតសរសើរទាំងនេះ គឺតាមរយៈគណនីហ្វេសប៊ុកកាលពីថ្ងៃពុធ លោកបណ្ឌិត សាយ បូរី បានសរសេរបង្ហាញពីឲ្យដឹងពីសម្តេចតេជោ ហ៊ុន សែន បន្ថែមទៀតថា៖ «ពួកសត្រូវ ខំពន្លិច ឬបន្ថោកលោកយ៉ាងណា ក៏ការពិតនៅតែជាការពិត។ បញ្ញវ័ន្តខ្មែរ គួរតែសិក្សាស្រាវជ្រាវអំពីមនោគមវិជ្ជានយោបាយរបស់លោក សម្រាប់បង្រៀនផងដែរ»។ បើតាមលោកបណ្ឌិត សាយ បូរី សព្វថ្ងៃនេះ ពលរដ្ឋខ្មែរស្គាល់តែអ្នកប្រាជ្ញបរទេស មិនដឹងថា មានអ្នកប្រាជ្ញរបស់ខ្លួនដែរទេ ពោល គឺសម្រាប់រូបលោក កម្ពុជាមានភ័ព្វសំណាងធំក្រៃលែងដែលមានអ្នកប្រាជ្ញក្នុងតួអង្គសម្តេចតេជា។ លោក គឺជាមោទនភាពជាតិខ្មែរ ហើយចំណុចនេះ ក៏គួរក្លាយជាកត្តានៃការបង្រួបបង្រួមជាតិដ៏សំខាន់មួយដែរ។
លោក សាយ បូរី (ឆ្វេង) និងលោក លី ច័ន្ទតុលា ប្រធានគណៈមេធាវីកម្ពុជា (រូបភាព៖ គណៈមេធាវីកម្ពុជា)
លោកបណ្ឌិត សាយ បូរី បានលើកសរសើរ និងបកស្រាយពីការពិតនៃសម្តេចតេជោ ហ៊ុន សែន នេះ នៅក្នុងជំនួបជាមួយក្រុមបញ្ញវន្តខ្មែរមួយក្រុមកាលពីថ្មីៗនេះ។ ក្រុមបញ្ញវន្តខ្មែរទាំងនេះ រួមមានជាអាទិ៍ លោក កើត រិទ្ធ រដ្ឋមន្រ្តីក្រសួងយុត្តិធម៌ លោក គី តិច ប្រធានក្រុមមេធាវីរបស់រាជរដ្ឋាភិបាលកម្ពុជា លោក លី ច័ន្ទតុលា ប្រធានគណៈមេធាវីកម្ពុជា និងបញ្ញវន្តខ្មែរចំនួន២រូបទៀត។
លោក សាយ បូរី ជួបជាមួយក្រុមបញ្ញវន្តខ្មែរ (រូបភាព៖ ហ្វេសប៊ុក គី តិច )
ក្រោយជំនួបនេះ លោក គី តិច តាមរយៈគណនីហ្វេសប៊ុករបស់ខ្លួនកាលពីថ្ងៃពុធ បានលើកឡើងថា លោក និងបញ្ញវន្តដទៃទៀត បានចូលរួមពិសារអាហារជាមួយលោកបណ្ឌិត សាយ បូរី ដើម្បីជាការគោរពដឹងគុណដល់ព្រឹទ្ធបុរសស្ថាបនិកគណ:មេធាវីកម្ពុជា។ លោកមេធាវី គី តិច ក៏បានថ្លែងអរគុណដល់លោកបណ្ឌិត សាយ បូរី ចំពោះការទទួលស្គាល់ការពិត និងវាយតម្លៃខ្ពស់ចំពោះ« សម្តេចអគ្គមហាសេនាបតីតេជោសែន»៕
ដោយ៖វណ្ណ សុគន្ធា
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»