ព័ត៌មានជាតិ
អគារមន្ទីរពេទ្យទំនើបកម្ពស់៧ជាន់តម្លៃជាង៧៦លានដុល្លារនឹងចាប់ផ្តើមសាងសង់នៅចុងឆ្នាំនេះ
អគារមន្ទីរពេទ្យសាកលវិទ្យាល័យសុខាភិបាលដ៏ទំនើបមានកម្ពស់៧ជាន់តម្លៃជាង៧៦លានដុល្លារនឹងចាប់ផ្តើមសាងសង់នៅចុងឆ្នាំ២០២៣ខាងមុខនេះ ។
លោកសាស្ត្រាចារ្យ សាផុន វឌ្ឍនៈ សាកលវិទ្យាធិការនៃសាកលវិទ្យាល័យវិទ្យាសាស្ត្រសុខាភិបាលបានមានប្រសាសន៍នៅព្រឹកថ្ងៃទី០៦មិថុនានេះថា តាមគម្រោងអគារមន្ទីរពេទ្យនៃសាកលវិទ្យាល័យសុខាភិបាលកម្ពស់៧ជាន់នេះគ្រោងនឹងសាងសង់នៅចុងឆ្នាំនេះហើយគ្រោងនឹងបញ្ចប់ការសាងសង់នៅឆ្នាំ២០២៦ខាងមុខនេះ ដែលស្ថិតនៅទីតាំងទី៣នៃសាកលវិទ្យាល័យវិទ្យាសាស្ត្រសុខាភិបាលស្ថិតនៅតាមបណ្តាយផ្លូវហាយណូយរាជធានីភ្នំពេញ ជិតដល់ក្រវ៉ាត់ផ្លូវក្រុងទី៣។
លោកសាស្ត្រាចារ្យបានបន្តថា អគារមន្ទីរពេទ្យទំនើបនេះ គ្រោងនឹងចំណាយថវិកាសាងសង់ប្រមាណជាង៧៦លានដុល្លារ ក្នុងនោះថវិការបស់រាជរដ្ឋាភិបាលមានចំនួន១០លានដុល្លារ និងជាង៦០លានដុល្លារទៀតជាកម្ចីពីរដ្ឋាភិបាលកូរ៉េខាងត្បូង ហើយអគារមន្ទីរពេទ្យនេះ គឺជាការបំពេញបន្ថែមនូវការប្រើប្រាស់បច្ចេកវិទ្យាទំនើបដែលឈានទៅនឹងត្រដមត្រសងជាមួយសាកលវិទ្យាល័យនៅបណ្តាប្រទេសនៅក្នុងតំបន់ដែលមាននិយាមខ្ពស់ និងលក្ខណៈអន្តរជាតិ។
លោកសាស្ត្រាចារ្យបានបន្តទៀតថា មន្ទីរពេទ្យនៃសាកលវិទ្យាល័យសុខាភិបាលនេះសាងសង់ឡើងតាមរចនាតាមសហសម័យទំនើបដោយច្រកចូល និងដំបូលអគារឆ្លុះបញ្ចាំងពីផ្លូវចូលប្រាសាទបុរាណបែបព្រះពុទ្ធសាសនា និងរចនាបទខ្មែរ។ លោកសាស្ត្រាចារ្យបានបន្ថែមថា អគារមន្ទីរពេទ្យនេះបានបង្កើតឡើងក្នុងគោលបំណងដើម្បីផ្តល់សេវាព្យាបាលជំងឺជួនដល់ប្រជាពលរដ្ឋទូទៅផ្តល់ការបណ្តុះបណ្តាលដល់និស្សិតពេទ្យ និងជាកន្លែងស្រាវជ្រាវផ្នែកវេជ្ជសាស្ត្រផងដែរពិសេសដើម្បីសម្រេចឱ្យបាននូវបរិមាណឱ្យកាន់តែប្រសើរឡើងនូវធនធាននិងគុណភាពនៃផ្នែកវេជ្ជសាស្ត្រសំដៅចូលរួមលើកកម្ពស់សិខភាពសាធារណៈរបស់ប្រទេសកម្ពុជា។
លោកសាស្ត្រាចារ្យរំពឹងថា នៅពេលមន្ទីរពេទ្យនេះសាងសង់និងដាក់ឲ្យដំណើរការនោះនឹងជួយចូលរួមចំណែកយ៉ាងសំខាន់ក្នុងការលើកកម្ពស់ការបណ្តុះបណ្តាលធនធានមនុស្សផ្នែកសុខាភិបាលឲ្យកាន់តែមានជំនាញខ្ពស់ថែមទៀត
ផ្តល់និងពង្រឹងសេវាសុខាភិបាលដល់ប្រជាពលរដ្ឋកាន់តែមានគុណភាពនិងមានប្រសិទ្ធភាពខ្ពស់តាមរយៈការសិក្សាស្រាវជ្រាវទៅលើគ្លីនិកដែលមន្ទីរពេទ្យបានរកឃើញ ខណៈជំហានដំបូងអគារមន្ទីរដាក់គ្រែចំនួន២០០គ្រែហើយ
នឹងពង្រីកបន្ថែមឱ្យបាន៤០០គ្រែទៅថ្ងៃអនាគត៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៩ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)