ពលករ​ពីរ​នាក់​​បាន​​លួច​​រត់​​ចេញ​ពីមណ្ឌលចត្តាឡីស័ក​ ដោយ​ម្នាក់​​បាន​វិល​ត្រឡប់​វិញ​ និង​ម្នាក់​ទៀត​កំពុង​បន្ត​គេច​ខ្លួន​

ពលករ​ខ្មែរ​ពីរ​នាក់​ ដែល​វិល​ត្រឡប់​ពី​ប្រទេស​ថៃ​​បាន​លួច​រត់​ចេញ​ពី​មណ្ឌលចត្តាឡីស័ក ហើយ​ម្នាក់​ទៀត​បាន​វិល​ត្រឡប់​មក​វិញ​ហើយ​។​ ​ចំណែក​ម្នាក់​ទៀត​អាជ្ញាធរ​ និង​សមត្ថកិច្ច​កំពុង​បន្ត​ស្វែង​រក​ចាប់​ខ្លួន​​។​បើ​តាម​ការ​អះអាង​របស់​លោក​ រ័ត្ន ដាណង់ អភិបាលស្រុកមង្គលបូរីបានឲ្យដឹងថា នៅថ្ងៃទី២៣ ខែ​មករា ឆ្នាំ២០២១។​

មាន​ពលករខ្មែរ​ ដែល​ទើបនឹងវិលត្រឡប់មកពីប្រទេសថៃចំនួនពីរនាក់ហើយម្នាក់អាជ្ញាធរ និង​សមត្ថកិច្ច​បាន​យក​មក​ដាក់​នៅ​មណ្ឌល​ចត្តាឡីស័ក​ ក្នុង​វិទ្យាល័យ​មង្គលបូរី ​និង​ម្នាក់​ទៀត​អាជ្ញាធរ​ និង​សមត្ថកិច្ច​យក​មក​ដាក់​មណ្ឌល​ចត្តាឡី​ស័ក​វិទ្យាល័យជប់វារី ក្នុងស្រុកព្រះនេត្រព្រះ ខេត្ត​បន្ទាយមានជ័យម្នាក់បានលួចរត់ចេញពីមណ្ឌលចត្តាឡីស័ក នៃវិទ្យាល័យមង្គលបូរី ។

លោក រ័ត្ន ដាស៊ីណង់ បានឲ្យដឹងបន្តទៀតថា ពលករខ្មែរ​ដែល​លួច​រត់​ចេញ​ពី​មណ្ឌលចត្តាឡីស័ក​វិទ្យាល័យមង្គលបូរីនោះ មានឈ្មោះ ខា រិន អាយុ ២៣ឆ្នាំ នៅភូមិអូរសឿ ឃុំសឿ ស្រុកមង្គលបូរី ខេត្តបន្ទាយមានជ័យ បានត្រឡប់មកពីប្រទេសថៃ មកដល់ប្រទេសកម្ពុជានៅថ្ងៃទី២១ ខែមករា ឆ្នាំ២០២១ ហើយនៅថ្ងៃដដែលនោះ បានរត់ចេញភ្លាមៗក្រោយ​បញ្ជូនដល់​មណ្ឌល​ធ្វើចត្តាឡីស័ក​នៃ​វិទ្យាល័យមង្គលបូរី។​ជនរូបនោះសមត្ថកិច្ចបាន និងកំពុងស្វែងរកនាំខ្លួនទៅធ្វើចត្តាឡីស័កវិញ។ដោយឡែក​ពលករខ្មែរម្នាក់ទៀតដែលមាន ឈ្មោះ ទ្បម ទ្បាយូ ភេទប្រុស អាយុ ២៧ឆ្នាំ ដោយ​ប្រើ​គណនីយហ្វេសប៊ុក បក្សីតូច ឆ្លងដែន និង ឈ្មោះ កូនខ្លា ឆ្លងដែន នៅភូមិដូនច្រែង ឃុំព្រះនេត្រព្រះ ស្រុកព្រះនេត្រព្រះ ក៏បានលួចរត់ពីមណ្ឌលចត្តាទ្បីស័ក វិទ្យាល័យជប់វារីផងដែរ កាល​ពី​វេលា​ម៉ោង​៤​ល្ងាច ​ថ្ងៃទី២៣ ​ខែ​មករា ឆ្នាំ២០២១ ពេល​ទើប​មក​ពី​ខេត្ត​ឈុនបូរី ប្រទេសថៃ។

ទាក់ទងនឹងករណីនេះ លោក លី សារី អភិបាលរងខេត្តបន្ទាយមានជ័យ ក៏បានឲ្យដឹងផងដែរថា ពលករ​ចំនួន​២​រូប​នោះ​សុទ្ធ​តែ​បាន​ត្រឡប់​មក​ពី​ប្រទេស​ថៃ ​មក​ដល់​ប្រទេសកម្ពុជា ហើយ​អាជ្ញាធរ​ខេត្ត​បាន​បញ្ជូនពួកគេឲ្យចូលក្នុងមណ្ឌល​ចត្តាឡីស័កទាំង២ទីតាំងខាងលើ។

ក្រោយ​មក​នៅ​ថ្ងៃ​ដដែល​បាន​គេច​ខ្លួនបាត់ម្នាក់រហូតមកទល់ពេលនេះ នៅមិនទាន់ទទួលដំណឹងថា កំពុង​ស្ថិតនៅទីណានៅឡើយទេ។​ចំពោះពលករម្នាក់ឈ្មោះ ទ្បម ទ្បាយូ ភេទប្រុស អាយុ ២៧ឆ្នាំ ប្រើគណនីយហ្វេសប៊ុក បក្សីតូចឆ្លងដែន និង ឈ្មោះ កូនខ្លា ឆ្លងដែន​ដែល​បាន​គេច​ខ្លួន​បាត់​កាល​ពី​ព្រលប់​ថ្ងៃទី២៣ ខែមករា នៅមណ្ឌលវិទ្យាល័យជប់វារី បាន​វិល​ត្រឡប់មកវិញហើយ៕

វ៉ាន់ ណាង