ក្រុមប្រឹក្សាខេត្ត ស្វាយរៀង បើកកិច្ចប្រជុំសាមញ្ញ លើកទី៥១ ឆ្នាំទី៥ អាណត្តិទី៣

ក្រុមប្រឹក្សាខេត្តស្វាយរៀង កាលពីថ្ងៃទី៣១ ខែសីហា ឆ្នាំ២០២៣ បានបើកកិច្ចប្រជុំសាមញ្ញ លើកទី៥១ ឆ្នាំទី៥ អាណត្តិទី៣ ក្រោមអធិបតីភាពលោក ជុំ ហាត ប្រធានក្រុមប្រឹក្សាខេត្ត និងមានការអញ្ជើញចូលរួមពីលោក ប៉េង ពោធិ៍សា អភិបាលនៃគណៈអភិបាលខេត្តស្វាយរៀង ព្រមទាំងភាគីពាក់ព័ន្ធផ្សេងទៀត។

របៀបវារៈនៃកិច្ចប្រជុំនេះ គឺ១- ពិនិត្យ និងអនុម័ត សេចក្តីព្រាងកំណត់ហេតុនៃកិច្ចប្រជុំសាមញ្ញលើកទី៥០។ ២. ពិនិត្យ និងអនុម័ត របាយការណ៍បូកសរុបលទ្ធផលការងារប្រចាំខែសីហា និងទិសដៅការងារបន្តខែកញ្ញាឆ្នាំ២០២៣ របស់រដ្ឋបាលខេត្ត។ ៣.ពិនិត្យ និងអនុម័តសេចក្តីព្រាងសេចក្តីសម្រេច ស្តីពីការកែសម្រួលសមាសភាពគណៈកម្មាធិការរៀបចំដែនដី និងនគរូបនីយកម្មខេត្តស្វាយរៀង។ ពិនិត្យ និងអនុម័តសេចក្តីព្រាងសេចក្តីសម្រេច ស្តីពីការកែសម្រួលសមាសភាពគណៈកម្មាធិការលទ្ធកម្មរបស់ រដ្ឋបាលខេត្តស្វាយរៀង។

៤. ពិនិត្យ និងអនុម័ត ផែនការគម្រោងចំណូល និងចំណាយ ឆ្នាំ២០២៤ របស់មន្ទីរសុខាភិបាល នៃរដ្ឋបាលខេត្តស្វាយរៀង។ ៥. ស្តាប់របាយការណ៍ប្រចាំខែសីហា និងទិសដៅការងារបន្តខែកញ្ញា ឆ្នាំ២០២៣ របស់គណៈកម្មាធិការពិគ្រោះ យោបល់កិច្ចការស្រ្តី និងកុមារខេត្ត។ ៦. ស្តាប់របាយការណ៍ប្រចាំខែសីហា និងទិសដៅការងារបន្តខែកញ្ញា ឆ្នាំ២០២៣ របស់គណៈកម្មាធិការលទ្ធកម្មខេត្ត។

៧. ពិនិត្យ និងអនុម័តលើការប្រគល់ភារកិច្ចជូនមន្រ្តីរាជការសាលាខេត្ត ចំនួន០១រូប។ ៨.សេចក្តីផ្សេងៗ (កិច្ចប្រជុំសាមញ្ញលើកទី៥២ នឹងប្រព្រឹត្តទៅនៅថ្ងៃទី២៦ ខែកញ្ញា ឆ្នាំ២០២៣)៕

ដោយ៖ ភក្ដី