ព័ត៌មានជាតិ
កម្ពុជា មានរោងចក្រសហគ្រាសជាង ៤ ពាន់កន្លែង មានរោង ឬ បន្ទប់ សម្រាប់កម្មករទទួលទានអាហារ
គិតត្រឹមឆ្នាំ ២០២៣ កម្ពុជា មានរោងចក្រសហគ្រាសប្រមាណជាង ៤០០០ កន្លែង មានរោង ឬ បន្ទប់ ឬ កុងទីន សម្រាប់កម្មករ-និយោជិត ទទួលទានអាហារ ក្នុងចំណោមរោងចក្រសហគ្រាសប្រមាណជាង ៥០០០ កន្លែង។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅព្រឹកថ្ងៃទី ១២ មករា នេះថា គិតត្រឹម ៣១ ខែធ្នូ ២០២៣ ចំណោមរោងចក្រក្នុងវិស័យកាត់ដេរសរុបចំនួន ៩៤៦ រោងចក្រ ក្នុងនោះមានរោងចក្រចំនួន ៨៦៥ រោងចក្រ មានរោង ឬ បន្ទប់សម្រាប់ទទួលទានអាហារ (កុងទីន) និងរោងចក្រសហគ្រាសក្រៅវិស័យកាត់ដេរចំនួន ៣៤០២ រោងចក្រ មានរោង ឬ បន្ទប់សម្រាប់ទទួលទានអាហារ (កុងទីន) ក្នុងចំណោមរោងចក្រសរុប ៤១៧៨ រោងចក្រ។
លោក កត្តា អ៊ន បានបន្តទៀតថា «ការដែលយើងមានបន្ទប់ រោង ឬ កុងទីន នៅតាមរោងចក្រសហគ្រាស ពិតជាផ្តល់ប្រយោជន៍ច្រើនណាស់សម្រាប់កម្មករ-និយោជិត ក្នុងការទទួលបានកន្លែងបរិភោគអាហារត្រឹមត្រូវ មានអនាម័យ និងផាសុកភាពដែលជួយទ្រទ្រង់ដល់សុខភាពកម្មករ-និយោជិតយើងបានល្អប្រសើរ មានកម្លាំងមាំមួន ចូលរួមចំណែកយ៉ាងសំខាន់ក្នុងការបំពេញការងារបានល្អ ធ្វើឱ្យផលិតភាពក្នុងរោងចក្រកាន់តែរីកចម្រើនបន្ថែមទៀត»។
គួរបញ្ជាក់ថា បច្ចុប្បន្ននេះ ក្រសួងការងារ និងបណ្ដុះបណ្ដាលវិជ្ជាជីវៈ បាននិងកំពុងអនុវត្តការងារអាទិភាពទាំង ៤ ដែលដាក់ចេញដោយ សម្តេចធិបតីនាយករដ្ឋមន្ត្រី ហើយត្រូវអនុវត្តឱ្យបានមុនដំណាច់ឆ្នាំ ២០២៥ មានដូចជា ទី១.ការបង្កើតទារកដ្ឋាន និងមតេ្តយ្យសហគមន៍ នៅតាមតំបន់ដែលមានរោងចក្រ, ទី២.ការជំរុញការកែលម្អកន្លែងហូបបាយ ឬ អាហារដ្ឋាន នៅតាមរោងចក្រ ,ទី៣.លើកទឹកចិត្តឱ្យមានការផ្លាស់ប្ដូរជាបណ្តើរៗ នូវមធ្យោបាយដឹកជញ្ជូនកម្មករ-និយោជិត ដែលស្របតាមបទដ្ឋានបច្ចេកទេស និងផាសុកភាពជាងមុន ត្រឹមឆ្នាំ ២០២៧ និង ទី៤.ជំរុញកម្មវិធីធ្វើតេស្តទទួលស្គាល់ជំនាញ ដែលជាឱកាសសម្រាប់កម្មករ-និយោជិត និងពលករធ្វើការក្រៅប្រទេស អាចចុះឈ្មោះធ្វើតេស្ត និងទទួលបានវិញ្ញាបនបត្រទទួលស្គាល់ជំនាញមួយ ដើម្បីបង្ហាញពីសមត្ថភាព និងកម្រិតជំនាញរបស់ខ្លួន៕
អត្ថបទ ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង