ព័ត៌មានជាតិ

ខេត្តបាត់ដំបង ដណ្ដើមបានខ្សែក្រវាត់ ផលិតស្រូវច្រើនបំផុត

បានផុស

២ ខែ មុន

នៅ

ថ្ងៃសុក្រ ២៦ មករា ២០២៤

ដោយ

យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ បង្ហាញថា នៅក្នុងឆ្នាំ២០២៣ ខេត្តបាត់ដំបងឈរនៅលំដាប់លេខរៀងទី១ ដែលមានផលិតកម្មស្រូវច្រើនបំផុតក្នុងបរិមាណ ១,៦ លានតោន (១ ៦១២ ៦៤៧) ស្មើនឹង ១២,៩ ភាគរយ នៃផលិតផលស្រូវសរុប ១២,៥ លានតោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លំដាប់លេខរៀងទី២គឺខេត្តព្រៃវែង បរិមាណជិត ១,៦ លានតោន (១,៥៩៧ ១១៧) ខេត្តតាកែវបរិមាណ ១,២ លានតោន (២៣៦ ៧៥៨) ខេត្តបន្ទាយមានជ័យចំនួន ១,១ លានតោន (១ ១២៨ ៨៣០) ខេត្តកំពង់ធំជាង ៩ សែនតោន (៩២៥ ០៩៧) ខេត្តពោធិ៍សាត់ជិត ៨ សែនតោន និងខេត្តកំពង់ឆ្នាំងជាង ៧ សែនតោន។

បើតាមរបាយការណ៍របស់ក្រសួងកសិកម្មបញ្ជាក់ថា នៅក្នុងឆ្នាំ ២០២៣ កម្ពុជានាំចេញស្រូវក្នុងបរិមាណជិត ៣ លានតោន (២ ៧៣០ ៨២៥) គិតជាទឹកប្រាក់ជាង ៩ រយលានដុល្លារ (៩៣៩ ៩៦៥ ៦៨២)។

ប្រភពដដែលបង្ហាញថា នៅក្នុងឆ្នាំ ២០២៣ កម្ពុជាទទួលបានចំណូលជាង ៤ពាន់លានដុល្លារ ពីការនាំចេញកសិផលជាង ៨,៤ លានតោនទៅក្រៅប្រទេស។

កសិផលចម្បងៗដែលត្រូវបាននាំចេញរួមមានស្រូវ អង្ករ ដំឡូងមី គ្រាប់ស្វាយចន្ទី ចេកស្រស់ ស្វាយ ផ្លែមៀនស្រស់ ម្រេច និងកសិផលប្រមាណ ១០០ មុខទៀត។ ក្នុងនោះអង្ករ ៦៥៦ ៣២៣ តោន គិតជាទឹកប្រាក់ ៥៦៧ ៧១៩ ៣៩៥ ដុល្លារ និងការនាំចេញកសិផលក្រៅពីស្រូវ-អង្ករមាន ២ ៧៩៩ ១២៥ ១៩១,៥០ដុល្លារ៕