ព័ត៌មានជាតិ
នាយករដ្ឋមន្ត្រី៖ ម្ដាយឳពុកខ្លះកាន់ជើងកូនពេក ប្រើហ្វេសប៊ុកជះកំហឹង ដាក់គ្រូបង្រៀនព្រោះប្រដៅកូនខ្លួន
សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងថា នាពេលបច្ចុប្បន្នមានឳពុកម្ដាយមួយចំនួនហាក់ស្រឡាញ់កូនពេកបែជាប្រើប្រាស់បណ្ដាញសង្គមស្ដីបន្ទោសគ្រូបង្រៀន ក្រោយគ្រូបង្រៀនដាក់វិន័យកូនសិស្សដែលប្រព្រឹត្តខុសវិន័យ។ សម្ដេច ថ្លែងបែបនេះ ក្នុងឱកាសបិទសន្និបាតក្រសួងអប់រំ យុវជន និងកីឡា នារសៀលថ្ងៃអង្គារ នេះ។
សម្ដេចធិបតី យល់ឃើញថា បញ្ហាម្ដាយឳពុកស្រឡាញ់កូនជ្រុលហួស កាន់ជើងកូននេះ កើតឡើងបានដោយសារតែអាណាព្យាបាលដាច់ទំនាក់ទំនងជាមួយគ្រូបង្រៀន។ ដើម្បីដោះស្រាយបញ្ហានេះ សម្ដេចធិបតី បានគូសបញ្ជាក់ថា ទាល់តែតួអង្គគ្រូបង្រៀន អាណាព្យាបាលសិស្ស និងសិស្សានុសិស្ស មានទំនាក់ទំនងល្អជាមួយគ្នា និងយល់ពីគ្នាទៅវិញទៅមក។
សម្ដេចបានបន្ថែមថា រវាងអាណាព្យាបាលសិស្ស និងសិស្ស គឺជាតួអង្គក្នុងការអប់រំ រាប់ទាំងការអប់រំក្នុងសាលា និងអប់រំនៅផ្ទះដោយផ្ទាល់បន្ថែម។ សម្ដេចបានសង្កត់ធ្ងន់ថា ការអប់រំនៅតាមសាលា និងអប់រំផ្ទះ គឺមានឥទ្ធិពលខ្លាំងណាស់ ដើម្បីបញ្ចៀស និងលុបបំបាត់ទម្លាប់អាក្រក់ដែលកើតមានក្នុងសង្គមខាងក្រៅ។
សម្ដេចបានពន្យល់ថា ការអប់រំ មាននៅតាមទីតាំងសំខាន់ចំនួនបី គឺនៅផ្ទះ នៅតាមសាលារៀន និងនៅក្នុងសង្គម។ បើអាណាព្យាបាលបានបង្រៀនកូនតាមផ្ទះបន្ថែមពីលើ ការបង្រៀនរបស់គ្រូនៅតាមសាលាបន្ថែមទៀត ទោះឥទ្ធិពលសង្គមអាក្រក់យ៉ាងណាក៏មិនអាចនាំឱ្យសិស្សានុសិស្សខូចអនាគតឡើយ។
នាយករដ្ឋមន្ត្រី បានអះអាងថា ការអប់រំរបស់ម្ដាយឳពុក និងគ្រូបង្រៀន គឺជាកត្តាកំណត់តម្លៃក្នុងខ្លួនរបស់មនុស្ស។ សម្ដេចបានពន្យល់ថា បើមនុស្សម្នាក់មានតម្លៃមួយច្បាស់លាស់ពេលប្រើប្រាស់ហ្វេសប៊ុក ឃើញការបង្ហោះអ្វីមួយ នឹងចេះបែងចែកអាក្រក់ល្អ ហើយចេះយកធ្វើជាគម្រូសម្រាប់អ្វីដែលល្អ ប៉ុន្តែបើមនុស្សគ្មានតម្លៃច្បាស់លាស់ មនុស្សនឹងកាន់តែយ៉ាប់យ៉ឺន៕
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ២ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៧ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៧ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង១ សប្តាហ៍ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ