ព័ត៌មានជាតិ
សម្តេចតេជោ អត់ឱនឱ្យលោក ជា ប៉ូច តែបន្តប្រកាន់ជំហរមិនអត់ឱនឱ្យជនក្បត់ជាតិបីជំនាន់
សម្ដេចតេជោ ហ៊ុន សែន នៅរាត្រីថ្ងៃទី២៣ ខែមេសា នេះ បានប្រកាសតាមទំព័រហ្វេសប៊ុកផ្លូវការថា សម្ដេចលើកលែងទោសចំពោះកំហុសខុសឆ្គងរបស់លោក ជា ប៉ូច អតីតតំណាងរាស្ត្រគណបក្សសង្គ្រោះជាតិ និងមន្ត្រីជាន់ខ្ពស់គណបក្សភ្លើងទៀន ដែលធ្លាប់តែប្រើប្រាស់សម្ដីលើសលស់មកលើសម្ដេចតេជោ។ ជាមួយគ្នាសម្ដេចតេជោ ក៏បានប្រកាសថា នឹងឱ្យមេធាវីដកពាក្យបណ្ដឹងដែលធ្លាប់ប្ដឹងលោក ជា ប៉ូច កាលពីខែឧសភា ឆ្នាំ២០២៣ កន្លងទៅ។
សម្ដេចតេជោ បានសម្រេចអត់ឱនចំពោះកំហុសខុសឆ្គងរបស់លោក ជា ប៉ូច បែបនេះ គឺបន្ទាប់ពីអ្នកនយោបាយប្រឆាំងរូបនេះ បានដាក់លិខិតសុំទោសមកសម្ដេច ចំពោះការប្រើពាក្យពេជន៍មិនសមគួរ ប៉ះពាល់ដល់សម្ដេចតេជោ ជាពិសេសប៉ះពាល់ដល់ដំណើរការអភិវឌ្ឍ សន្តិភាព ស្ថេរភាព និងគោលនយោបាយនានារបស់រាជរដ្ឋាភិបាលកម្ពុជា។
សម្ដេចតេជោ បានសរសេរលើទំព័រហ្វេសប៊ុកដូច្នេះថា «ខ្ញុំបានទទួលរួចហើយនូវលិខិតរបស់លោក។ក្នុងស្មារតីបង្រួបបង្រួមជាតិខ្ញុំសូមទទួលយកការសុំអភ័យទោសរបស់លោក។ ខ្ញុំនឹងឲ្យមេធាវីរបស់ខ្ញុំដកពាក្យបណ្តឹងចេញពីតុលាការដើម្បីបញ្ចប់រឿងក្តីនេះឲ្យបានឆាប់»។
ឱកាសនេះប្រកាសពីការអត់ឱនចំពោះ លោក ជា ប៉ូច សម្ដេចតេជោ ក៏បានបញ្ជាក់ថាសម្ដេចនឹងទទួលយកការសុំទោសពីមនុស្សផ្សេងទៀតដែលទទួលកំហុស និងប្រកាសផ្តាច់ខ្លួនចេញពីជនក្បត់ជាតិបីជំនាន់ នឹងលើកលែងទោសឲ្យពួកគេ តែសម្ដេចមិនអត់ឱនឲ្យជនណា ឬក្រុមណាក៏ដោយដែលបន្តដើរតាមជនក្បត់ជាតិនេះជាដាច់ខាត។
បន្ថែមពីការប្រកាសមិនអត់ឱនឱ្យជនក្បត់ជាតិបីជំនាន់ សម្ដេច ហ៊ុន សែន ក៏ប្រកាសថានឹងបន្តប្រើផ្លូវច្បាប់ដើម្បីចាត់ការលើក្រុមណាឬបុគ្គលណាដែលជេរប្រមាថមួលបង្កាច់មកលើគណបក្សឬមកលើខ្ញុំតទៅទៀតដោយគ្មានការលើកលែង។
សម្ដេចតេជោ បានបញ្ជាក់ជំហរដាច់ណាត់ថា «យើងមិនអាចអត់ឱនឲ្យបានទេចំពោះជនណាឬក្រុមណាក៏ដោយមិនថាខ្មែរឬបរទេសដែលចង់ដុតផ្ទះយើងដើម្បីចំអិនពងមាន់របស់អ្នកបានឡើយ»។
នៅក្នុងខែមេសា នេះ សម្ដេចតេជោ ហ៊ុន សែន បានទម្លាយឱ្យដឹងនូវអតីតអ្នកនយោបាយប្រឆាំងចំនួន ៣រូប គឺទី១ លោក មុំ អស្សនី ទី២ លោក គង់ សភា និងទី៣ លោក ជា ប៉ូច ដែលបានទទួលស្គាល់ចំពោះកំហុសខុសឆ្គងកាលពីអតីតកាល និងបានសុំទោសចំពោះសម្ដេច។ ជាការកត់សម្គាល់ គ្មានមួយណាដែលខុសគ្នាឡើយ ពោលគឺអ្នកទាំងបី បានសុំទោសចំពោះសម្ដេចតេជោ ដូចៗគ្នា៕
-
ចរាចរណ៍៧ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៦ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ២ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៧ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម៥ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ២៣ ម៉ោង ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
សេចក្ដីជូនដំណឹង២ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ព័ត៌មានជាតិ១ ថ្ងៃ ago
តុលាការ បញ្ជារឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ