ព័ត៌មានជាតិ
ទំនប់ស្ទាក់ទឹកដូនទ្រីផ្តល់ក្តីសង្ឃឹម ជាសមិទ្ធផលប្រវត្តិសាស្ត្របម្រើដល់វិស័យកសិកម្ម
ទំនប់ស្ទាក់ទឹកដូនទ្រីគឺជាសមិទ្ធផលប្រវត្តិសាស្ត្រសម្រាប់បម្រើដល់វិស័យកសិកម្ម ខណៈទំនប់ស្ទាក់ទឹកនេះនឹងផ្តល់ប្រភពទឹកចែកចាយគ្រាប់គ្រាន់ក្រោយពីការស្ថាបនាជួសជុលរួចរាល់។
អ្នកស្រី លី សុគា ពលរដ្ឋរស់នៅក្នុងខេត្តបាត់ដំបងបានលើកឡើងថា «ទំនប់មួយនេះមើលទៅអស្ចារ្យណាស់ មានទីតាំងល្អ មានប្រភពទឹកល្អ ហើយមានទេសភាពស្អាត មិនត្រឹមជាផលប្រយោជន៍សម្រាប់បម្រើដល់កសិកម្មប៉ុណ្ណោះទេ គឺបានផ្តល់ជាកន្លែងកម្សាន្ត យ៉ាងរីករាយផងដែរ។
មន្ត្រីនៃមន្ទីរជំនាញបានឲ្យដឹងថា ការសាងសង់ទំនប់ដូនទ្រីស្ថិតក្នុងស្រុករុក្ខគិរី ខេត្តបាត់ដំបង ក្នុងគោលបំណងដើម្បីផ្គត់ផ្គង់ទឹកឱ្យបានគ្រប់គ្រាន់ដល់ប្រព័ន្ធធារាសាស្រ្ត និងជួយកាត់បន្ថយគ្រោះទឹកជំនន់បានមួយភាគនៅតំបន់ផ្នែកខាងក្រោមបឹងទន្លេសាប។
ទំនប់ដូនទ្រីជាទំនប់ដែលមានផ្ទៃរងទឹកភ្លៀងធំរហូតដល់ ៦១៣,៤ គីឡូម៉ែត្រក្រឡា មានសមត្ថភាពស្តុកទឹកបានរហូតដល់ ១៦៣,១ លានម៉ែត្រគូប និងមានសក្តានុពលស្រោចស្រពផ្ទៃដីស្រូវវស្សាចំនួន ៣៣ ០០០ ហិកតា និងស្រោចស្រពផ្ទៃដីស្រូវប្រាំង ៤ ៥០០ ហិកតា។
លោក ឡុង ផល្គុន ប្រធានមន្ទីរធនធានទឹកនិងឧត្តុនិយមខេត្តបាត់ដំបងបានឲ្យដឹងថា ទំនប់ដូនទ្រីគឺជាគម្រោងអភិវឌ្ឍន៍ប្រព័ន្ធធារាសាស្រ្ត ប្រើបច្ចេកវិទ្យាយ៉ាងទំនើប ស្ថាបនាឡើងទុកជាប្រយោជន៍សម្រាប់ជួយដល់ការអភិវឌ្ឍវិស័យកសិកម្មរបស់ប្រជាពលរដ្ឋនៅក្នុងតំបន់។
អាងស្ទាក់ទឹកដូនទ្រីទទួលបានប្រភពទឹកពីភ្នំនៅក្បែរនោះ ដែលទាញយកទឹកប្រើប្រាស់លើស្រុកចំនួន ៣ គឺ ស្រុករុក្ខគិរី, ស្រុកមោងឬស្សី និង ស្រុកគាស់ក្រឡ។
ស្របពេលការសាងសង់កំពុងត្រូវបានពន្លឿន ដើម្បីឲ្យបានរួចរាល់ក្នុងរយះពេលឆាប់ៗខាងមុខនេះ កាលពីនៅថ្ងៃទី ២៧ ខែមេសា សម្ដេចក្រឡាហោម ស ខេង ឧត្តមក្រុមប្រឹក្សាផ្ទាល់ព្រះមហាក្សត្រ និងជាអ្នកតំណាងរាស្ត្រមណ្ឌលបាត់ដំបង បានចុះពិនិត្យវឌ្ឍនភាពនៃដំណើរការសាងសង់ទំនប់ស្ទាក់ទឹកដូនទ្រី ដែលស្ថិតក្នុង ស្រុករុក្ខគិរី ខេត្តបាត់ដំបង ធ្វើយ៉ាងណាពន្លឿនក្នុងការសាងសង់ឲ្យបានរួចរាល់ក្នុងពេលឆាប់ៗខាងមុខនេះ៕
អត្ថបទ៖ សៅ សារិទ្ធ
-
សេដ្ឋកិច្ច៦ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៤ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
ជីវិតកម្សាន្ដ៥ ថ្ងៃ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
ព័ត៌មានជាតិ២ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ព័ត៌មានអន្ដរជាតិ៣ ថ្ងៃ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
នយោបាយ៥ ថ្ងៃ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
-
ព័ត៌មានអន្ដរជាតិ៦ ថ្ងៃ ago
អ៊ុយក្រែន បើកការវាយប្រហារចូលដីរុស្ស៊ី ចំទិវាជ័យជម្នះ
-
ព័ត៌មានជាតិ២ ថ្ងៃ ago
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក