រដ្ឋមន្រ្តីក្រសួងកសិកម្ម ចុះពិនិត្យស្ថានភាពការដាំដំណាំរបស់កសិករនៅក្នុងខេត្តចំនួន ៥

រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ លោក ឌិត ទីណា នៅថ្ងៃទី ៧ ខែឧសភានេះ បានដឹកនាំមន្រ្តីជំនាញបច្ចេកទេស ចុះបេសកកម្មពិនិត្យមើលស្ថានភាពការដាំដុះ ការកែច្នៃស្វាយចន្ទី និងការប្រមូលផលបន្លែរបស់ប្រជាកសិករនៅក្នុងខេត្តចំនួន ៥ រួមមានខេត្តបាត់ដំបង បន្ទាយមានជ័យ សៀមរាប កំពង់ធំ​ និងខេត្តកំពង់ចាម។

ដំណើរទស្សនកិច្ច នឹងត្រូវធ្វើឡើងចាប់ពីថ្ងៃទី ៧-១០ ខែធ្នូ ឆ្នាំ ២០២៤ អមដំណើរដោយមន្រ្តីជំនាញ ព្រមទាំងអ្នកសារព័ត៌មានក្នុងស្រុកផងដែរ ដើម្បីពិនិត្យមើលថាតើការដាំដុះរបស់ប្រជាកសិករមានស្ថានភាពបែបណា ថាតើគាត់កំពុងជាប់ប្រទះបញ្ហាអ្វីខ្លះ ដើម្បីអនុញ្ញាតឱ្យមន្រ្តីជំនាញបច្ចេកទេសរបស់ក្រសួងកសិកម្ម អាចអន្តរាគមន៍ទាន់ពេលវេលា។

តាមគម្រោង ក្នុងដំណើរទស្សនកិច្ចនេះ នឹងចុះជួប សហគមន៍កសិកម្មពន្លឺថ្មីពេជ្រចិន្តា នៅខេត្តបាត់ដំបង ដែលជាសហគមន៍ ដាំបន្លែធម្មជាតិក្នុងផ្ទះសំណាញ់ ដែលកំពុងទទួលបានទិន្នផលខ្ពស់សម្រាប់ផ្គត់ផ្គង់នៅក្នុងខេត្ត។ សហគមន៍កសិកម្មបន្លែ និង សហគមន៍កសិកម្មទំនើបស្រូវនាងអំ នៅខេត្តសៀមរាប សហគមន៍កសិកម្មសាលាវិស័យ (ស្វាយចន្ទី) ខេត្តកំពង់ធំ  និងសហគមន៍កសិកម្មសំបូរមានជ័យ ខេត្តកំពង់ចាម៕