ព័ត៌មានជាតិ
កូនឈើចម្រុះជាង ២ ម៉ឺនដើម ត្រៀមដាំតាមដងផ្លូវក្នុងក្រុងបាត់ដំបង ទាក់ទាញភ្ញៀវទេសចរ
បើតាមលោក សុខ លូ អភិបាល នៃគណៈអភិបាលខេត្តបាត់ដំបងបានឱ្យដឹងថា កូនឈើចម្រុះជាង ២ ម៉ឺនដើម ត្រៀមដាំនៅតាមដងផ្លូវសំខាន់ៗក្នុងក្រុងបាត់ដំបង ដើម្បីឱ្យក្លាយជាជម្រកបៃតងទាក់ទាញភ្ញៀវទេសចរ។ ការឱ្យដឹងបែបនេះ នៅក្នុងកិច្ចប្រជុំមួយ ដើម្បីត្រួតពិនិត្យការដាំកូនឈើនៅតាមដងផ្លូវសំខាន់ៗក្នុងក្រុងបាត់ដំបង ជាមួយយុទ្ធនាការ (ផ្ទះមួយខ្នងដើមឈើមួយដើម) កាលពីថ្ងៃទី៧ ខែឧសភា ឆ្នាំ២០២៤។
ក្នុងឱកាសនោះ លោក សុខ លូ បានមានប្រសាសន៍ថា យុទ្ធនាការនេះគឺជាការចូលរួមចំណែកលើកកម្ពស់សម្រស់ទីក្រុងបាត់ដំបង ឲ្យមានភាពបៃតងទាក់ទាញភ្ញៀវទេសចរ ពិសេសបានកាត់បន្ថយកម្ដៅ និងខ្យល់មួយកម្រិតនៅពេលដែលកូនឈើទាំងនោះលូតលាស់ឡើង ធ្វើឱ្យទីក្រុងបាត់ដំបងមិនត្រឹមតែមានសម្រស់ស្រស់បំព្រងទេថែមទាំងធ្វើឱ្យទីក្រុងត្រជាក់ផងដែរ។
លោកបន្តថា រដ្ឋបាលខេត្តសហការជាមួយរដ្ឋបាលក្រុងបាត់ដំបង និងខណ្ឌរដ្ឋបាលព្រៃឈើ ក្នុងការរៀបចំទីតាំងឲ្យច្បាស់លាស់ថា ទីតាំងកន្លែងណាត្រូវដាំដើមឈើប្រភេទអ្វីដើម្បីកំណត់គោលដៅភ្ញៀវទេសចរដែលមកលេងកម្សាន្តចង់ទៅលេងតំបន់ណាមានដើមឈើប្រភេទអ្វី មានផ្កាអ្វីជាដើម។
លោក ហម អរុណ អនុប្រធានមន្ទីរទេសចរណ៍ខេត្តបានឲ្យដឹងដែរថា ដើម្បីចូលរួមលើកកម្ពស់សោភណ្ឌភាពក្រុងបាត់ដំបងឱ្យកាន់តែមានភាពស្រស់ស្អាតប្រកបដោយទេសភាពបៃតង រដ្ឋបាលខេត្តបាត់ដំបងបានត្រៀមកូនឈើចំនួន ២៤,១០៨ ដើម ក្នុងនោះមានកូនឈើដូចជា គគីរ ឈើទាល ត្របែកព្រៃ ធ្នង់ គីនីន រំដួល សាគូរ៉ា ក្ងោក ប្រាំតម្លឹង និងកូនឈើក្រញូង ដើម្បីដាំពង្រាយតាមគោលដៅសំខាន់ៗក្នុងក្រុងបាត់ដំបង និងតាមដងផ្លូវសាធារណៈនានាក្នុងក្រុងបាត់ដំបង ដែលចាត់ទុកជាមេដែកមួយបន្ថែមទៀតសម្រាប់ឆក់ទាញកំណើនភ្ញៀវទេសចរ។
លោករំពឹងទុកថា ភ្ញៀវទេសចរជាតិ និងអន្តរជាតិ នឹងមានចំណាប់អារម្មណ៍ មកលេងកម្សាន្តកាន់តែមានកំណើនសម្រាប់ខេត្តបាត់ដំបង ក្រោយពីកូនឈើទាំងអស់នេះបានដុះលូតលាស់បានល្អនាពេលខាងមុខ។
ជាមួយគ្នានេះដែរ លោក ហម អរុណ បានសំណូមពរដល់ប្រជាពលរដ្ឋគ្រប់រូបដែលជាម្ចាស់ផ្ទះ និងមានដើមឈើនៅមុខផ្ទះស្រាប់នាពេលបច្ចុប្បន្ន ត្រូវរួមគ្នាថែរក្សាឲ្យបានល្អប្រសើបន្ថែមទៀត នៅក្នុងស្ថានភាពអាកាសធាតុក្តៅ ត្រូវស្រោចទឹក ដាក់ជីតាមលទ្ធភាពដែលអាចធ្វើទៅបាន ដើម្បីជាប្រយោជន៍ក្នុងការលើកកម្ពស់សោភ័ណ្ឌភាព និងបរិយាកាសល្អ ផ្តល់នូវសេចក្តីស្រស់ស្រាយ និងមានសុខភាពល្អសម្រាប់យើងទាំងអស់គ្នា៕
អត្ថបទ៖ សៅ សារិទ្ធ
រានហាល ប្រាសាទបន្ទាយសំរ៉ែ ចាំបាច់ត្រូវពង្រឹងគ្រឹះ និងរចនាស័ម្ពន្ធឱ្យរឹងមាំឡើងវិញ
នាំគ្នាទៅព្រោះស្រូវពេលមេឃភ្លៀង រន្ទះបាញ់ស្លាប់មនុស្ស ២ នាក់
ឧទ្ធម្ភាគចក្រដឹកប្រធានាធិបតីអ៊ីរ៉ង់ គឺផលិតដោយអាមេរិក មួយគ្រឿងតម្លៃ ១លាន ៨សែនដុល្លារ
រងការរិះគន់សាច់ដូចគីង្គក់ ម្ចាស់មកុដ Miss Grand 2023 ភឹម ស្រីនោ ផ្ទុះប្រតិកម្មឆ្លើយតបភ្លាមៗ
ពលរដ្ឋស្រុកសន្ទុកប្រារព្វពិធីបង្សុកូល រាប់បាត្រឧទ្ទិសកុសលជូនជនរួមជាតិបាត់បង់ជីវិតដោយអំពើប្រល័យពូជសាសន៍
សម្ដេចតេជោ បញ្ជាឱ្យសមត្ថកិច្ចកម្ពុជា ចាប់ដៃវៀតណាមវែកមុខអ្នកចូលជេរសម្ដេច ព្រោះរឿងព្រែកជីកហ្វូណន
ប្រធានាធិបតីអ៊ីរ៉ង់និងរដ្ឋមន្ត្រីការបរទេស ធ្លាក់ឧទ្ធម្ភាគចក្រជាមួយគ្នា មិនទាន់ដឹងជោគវាសនាបែបណា
Breaking News! ប្រធានាធិបតី អ៊ីរ៉ង់ ស្លាប់បាត់បង់ជីវិតក្នុងហេតុការណ៍ធ្លាក់ឧទ្ធម្ភាគចក្រ
ទូតវៀតណាម ចាត់ទុកការជេរប្រមាថសម្ដេចតេជោ ជារឿងត្រូវតែស្រាវជ្រាវចាត់វិធានការ
លម្អិតហេតុការណ៍ធ្លាក់ឧទ្ធម្ភាគចក្រ ឆក់យកជីវិត ប្រធានាធិបតីអ៊ីរ៉ង់
-
ព័ត៌មានជាតិ៤ ថ្ងៃ agoក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានជាតិ១ សប្តាហ៍ agoការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ព័ត៌មានជាតិ៤ ថ្ងៃ agoកម្ពុជាប្តេជ្ញារក្សាគម្របព្រៃឈើឲ្យបាន ៦០% នៅត្រឹមឆ្នាំ ២០៥០
-
ព័ត៌មានអន្ដរជាតិ៤ ថ្ងៃ agoនាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
ព័ត៌មានអន្ដរជាតិ៥ ថ្ងៃ agoស្លាប់២ របួស៣ ក្នុងករណីប្លន់រំដោះស្ដេចគ្រឿងញៀននៅបារាំង
-
ព័ត៌មានអន្ដរជាតិ១ សប្តាហ៍ agoហេតុផលនៅពីក្រោយ រុស្ស៊ី បញ្ចប់តំណែងរដ្ឋមន្ត្រីការពារជាតិ
-
ព័ត៌មានជាតិ១ សប្តាហ៍ agoមន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក
-
ព័ត៌មានអន្ដរជាតិ៥ ថ្ងៃ agoផុតពីព្យុះព្រះអាទិត្យ ភពផែនដី អាចត្រូវវាយប្រហារដោយព្យុះវិទ្យុសកម្មមួយទៀត ក្នុងសប្តាហ៍នេះ