Connect with us

ព័ត៌មានជាតិ

មានតម្រុយ គ្រោង​​សាងសង់​ស្ពាន​អាកាស​ភ្លោះភ្ជាប់​ផ្លូវ​ ៦០ ម៉ែត្រ ទៅ​ព្រលាន​​អន្តរជាតិតេជោ

បានផុស

នៅ

​ថ្មីៗ​នេះ​ មន្រ្តី​ជាន់ខ្ពស់​របស់​រដ្ឋាភិបាល​បាន​ដឹកនាំ​ប្រតិភូ​ចុះ​ពិនិត្យ​ទីតាំង​គម្រោង​សាងសង់​ស្ពាន​អាកាស​ភ្លោះ​នៅ​ចំណុច​ប្រសព្វ​មហាវិថី​សម្តេច​តេជោ និង​ផ្លូវជាតិ​លេខ ២ ត​ភ្ជាប់​ទៅ​ផ្លូវ​​ព្រលាន​យន្តហោះ​អន្តរជាតិតេជោ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណើរ​​ចុះ​ពិនិត្យ​នេះ​ដឹកនាំ​ដោយ​លោក យូ ស៊ុនឡុង រដ្ឋមន្ត្រី​ប្រតិភូ​អមនាយករដ្ឋមន្ត្រី និង​មានការ​ចូល​រួម​ពី​រដ្ឋបាល​ដែនដី​ រួម​ទាំង​មន្ទីរ​ពាក់ព័ន្ធ​មួយ​ចំនួន​ផងដែរ។

លោក ឌឹម បូរ៉ា មន្រ្តីអ្នកនាំពាក្យរដ្ឋបាលខេត្តកណ្តាល​បាន​ឲ្យកម្ពុជាថ្មី​ដឹង​ថា ដំណើរ​ចុះ​ពិនិត្យ​ទីតាំង​​សាងសង់​ស្ពាន​អាកាស​ភ្លោះប្រសព្វ​មហាវិថី​សម្តេច​តេជោ និង​ផ្លូវជាតិ​លេខ ២ កាលពីថ្ងៃ ៨ ខែមិថុនា មាន​តំណាង​រដ្ឋបាល​ខេត្ត​ចូលរួម​ក្នុងនាម​ជា​អាជ្ញាធរដែនដី ដែល​ជួយ​ការងារសន្តិសុខ សណ្តាប់សាធារណៈដល់កម្មវិធី។

​​លោក ឌឹម បូរ៉ា បាន​បញ្ជាក់ថា ចំពោះដំណើរការ​សាងសង់​ និង​មាន​ការសិក្សាយ៉ាងណា ខាងរដ្ឋបាល​ខេត្ត​មិនទាន់ទទួលបានព័តមានជាក់លាក់នៅឡើយទេ។

យ៉ាងណាមិញ លោក​មើលឃើញ​គម្រោង​នេះនឹង​នាំ​ប្រយោជន៍​ដល់ប្រជាពលរដ្ឋ ព្រោះ​មាន​ផ្លូវដូចជាសរសៃឈាមសេដ្ឋកិច្ច​ផង​ដែរ។

ទាក់ទង​គម្រោង​នេះ លោក ផន រឹម មន្រ្តី​អ្នក​នាំពាក្យ​ក្រសួង​សាធារណការ​និង​ដឹកជញ្ជូន​បាន​ឲ្យ​​កម្ពុជាថ្មី​ដឹង​ថា ​មិន​ស្ថិត​នៅ​ក្រោម​ការ​គ្រប់គ្រង​របស់​​​ក្រសួង ជា​គម្រោង​​របស់​រដ្ឋបាលរាជធានី​ភ្នំពេញ។

កាល​ពីសប្តាហ៍​មុន​ នៅ​​​សាលា​​រាជធានី​ភ្នំពេញ​មានរៀបចំ​​កិច្ច​ប្រជុំ​ចង្អៀត​មួយ​ពាក់ព័ន្ធ​គម្រោង​សាងសង់​ស្ពានអាកាស​ភ្លោះ​នេះ​​ ប៉ុន្តែ​​គ្មានលទ្ធផល​ត្រូវ​បានប្រកាស​ឲ្យ​អ្នក​សារព័ត៌មាន​ដឹង​នោះ​ទេ​។

កម្ពុជា​ថ្មី​បាន​ព្យាយាម​ទាក់ទង​ទៅ​មន្រ្តី​​ព្រលាន​យន្តហោះអន្តរជាតិ​​តេជោ​ តែ​មិន​ទាន់​ទទួល​បានការ​ឆ្លើយតប៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ៥ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ៦ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៩ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៩ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ១៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១២ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១៦ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ១៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានអន្ដរជាតិ១៨ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

Sokha Hotels

ព័ត៌មានពេញនិយម