ព័ត៌មានជាតិ

អភិបាលខេត្តកំពង់ចាម ដឹកនាំមន្ត្រីជំនាញចុះពិនិត្យស្ថានភាពច្រាំងទន្លេនៅឃុំពាមកោះស្នា ស្រុកស្ទឹងត្រង់

បានផុស

៨ ខែ មុន

នៅ

ថ្ងៃពុធ ៧ សីហា ២០២៤

ដោយ

កំពង់ចាម ៖ នៅរសៀល ថ្ងៃទី៧ខែសីហា ឆ្នាំ២០២៤ លោក អ៊ុន ចាន់ដា អភិបាលខេត្តកំពង់ចាម ដឹកនាំមន្ត្រីជំនាញ ចុះពិនិត្យស្ថានភាពច្រាំងទន្លេដែលប្រឈមការគំរាមកំហែងការបាក់ស្រុតច្រាំងនៅចំណុចភូមិពាមក្រៅ ឃុំពាមកោះស្នា ស្រុកស្ទឹងត្រង់ ខេត្តកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លៀតឱកាសនោះដែរ លោក អ៊ុន ចាន់ដា អភិបាលខេត្តកំពង់ចាម បានជំរុញឱ្យមន្ត្រីជំនាញ ជាពិសេសមន្ទីរធនធានទឹក និងឧតុនិយមខេត្តកំពង់ចាម ធ្វើយ៉ាងណាទប់ស្កាត់ដាក់បេខ្សាច់ ឬបោះថ្មទប់បន្ថែមទៀត ខណៈនេះគ្រោះមហន្តរាយបង្កដោយធម្មជាតិ។

កន្លងទៅមន្ត្រីជំនាញ បានធ្វើការដាក់បេខ្សាច់និងថ្មទប់តាមច្រាំងទន្លេនៅចំណុចនេះជាច្រើនមកហើយ ដោយស្ថានភាពអាកាសធាតុប្រែប្រួលផង ទន្លេបន្តហក់ឡើង ហើយកន្លែងខ្លះបន្តស្រុតបាក់ដីភូមិអ្នកស្រុកទៀត ដូច្នោះមន្ត្រីជំនាញរួមអាជ្ញាធរនឹងបន្តរកវិធានការបង្ការទប់ស្កាត់ឲ្យខានតែបាន។

លោក អ៊ុម វិបុល ប្រធានមន្ទីរធនធានទឹក និងឧតុនិយមខេត្តកំពង់ចាម បានឱ្យដឹងថា បច្ចុប្បន្នច្រាំងទន្លេមេគង្គដែលកំពុងគំរាមកំហែងដីភូមិរបស់អ្នកឃុំពាមកោះស្នា ស្រុកស្ទឹងត្រង់ ពេលនេះមានប្រវែងប្រមាណជាង៥០ម៉ែត្រហើយ ខណៈតំបន់ខ្លះអាជ្ញាធរ រួមមន្ត្រីជំនាញបានទប់ស្កាត់កុំឲ្យមានការបាក់ស្រុតតទៅទៀត៕

អត្ថបទនិងរូបភាព ៖ ឡេក ចាន់ពេជ្រ