ព័ត៌មានជាតិ

យុវជនកម្ពុជា បន្តដាំកូនត្នោតប្រមាណ ១ ម៉ឺនដើម នៅតាមខ្សែក្រវាត់ព្រំដែន កម្ពុជា-វៀតណាម

បានផុស

៦ ខែ មុន

នៅ

ថ្ងៃព្រហស្បតិ៍ ៨ សីហា ២០២៤

ដោយ

នៅថ្ងៃទីទី៧ ខែសីហា ឆ្នាំ២០២៤ កូនត្នោតប្រមាណ ១ម៉ឺនដើម ត្រូវបានយុវជនកម្ពុជាយកទៅដាំជាបន្តបន្ទាប់ នៅតាមខ្សែក្រវាត់ព្រំដែន កម្ពុជា-វៀតណាម ដែលស្ថិតក្នុងភូមិសាស្រ្តស្រុកពញាក្រែក ខេត្តត្បូងឃ្មុំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយទទួលបានកូនត្នោតប្រមាណ ១ ម៉ឺនដើម ពីរដ្ឋមន្ត្រីក្រសួងបរិស្ថាន អាជ្ញាធរខេត្តត្បូងឃ្មុំ ជាពិសេសយុវជននៃសហភាពសហព័ន្ធយុវជនកម្ពុជា រួមជាមួយប្រជាពលរដ្ឋ បាននាំយកកូនត្នោតទាំងអស់នោះ ទៅដាំនៅតាមខ្សែក្រវាត់ព្រំដែន កម្ពុជា-វៀតណាម ជាបន្តបន្ទាប់។

លោក អ៊ាង សុផល្លែត រដ្ឋមន្រ្តីក្រសួងបរិស្ថាន បានបើកយុទ្ធនាការដាំកូនត្នោតចំនួន ១ ម៉ឺនដើម នៅឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ កាលពីថ្ងៃទី ២១ ខែកក្កដា កន្លងទៅ។ នាឱកាសនោះ លោករដ្ឋមន្ត្រីបានលើកឡើងថា ការដាំកូនត្នោតចំនួន ១ ម៉ឺនដើម ជាព្រឹត្តិការណ៍ប្រវត្តិសាស្រ្ត ដើម្បីបណ្ដុះផ្នត់គំនិត «ពន្លកបៃតង» ដែលចូលរួមចំណែកក្នុងយុទ្ធសាស្រ្តចក្រាវិស័យបរិស្ថាន ដើម្បីផ្តល់ជាប្រយោជន៍ដល់ប្រជាពលរដ្ឋកម្ពុជាគ្រប់រូប និងបរិស្ថាន។

ត្នោត គឺជាដើមរុក្ខាជាតិរបស់ប្រទេសកម្ពុជា ហើយព្រឹត្តិការណ៍ដាំកូនត្នោតមានសារៈសំខាន់ ក្នុងការបំផុសស្មារតី របស់ពលរដ្ឋឱ្យស្រឡាញ់ធនធានធម្មជាតិ ស្រឡាញ់ទឹកដី ការពារនិងអភិរក្សាធនធានធម្មជាតិ ការថែរក្សាអត្តសញ្ញាណ និងវប្បធម៌ជាតិរបស់ប្រទេសកម្ពុជា៕