ព័ត៌មានជាតិ

ទូកងល្បីឈ្មោះចំណុះ ៧៥ នាក់មួយនៅខេត្តក្រចេះសន្យាសាងកេរ្តិ៍ឈ្មោះ យកជ័យជំនះជូនភូមិស្រុក

បានផុស

២ years មុន

នៅ

ថ្ងៃសុក្រ ៨ វិច្ឆិកា ២០២៤

ដោយ

ក្រុមកីឡាករទូកងល្បីឈ្មោះមួយក្នុងខេត្តក្រចេះ បានត្រៀមខ្លួននិងបានប្តេជ្ញាចិត្តយកជ័យជំនះឱ្យខានតែបាន ក្នុងឱកាសចូលរួមព្រះរាជពិធីបុណ្យ អុំទូក បណ្តែតប្រទីត អកអំបុក និងសំពះព្រះខែនៅរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈដែលអភិបាលខេត្តក្រចេះ លោក វ៉ា ថន បានចុះជួបសំណេះសំណាលក្រុមកីឡាករទូកខេត្តក្រចេះ ដែលត្រៀមចូលរួមព្រះរាជពិធីបុណអុំទូក អកអំបុក និងបណ្តែតប្រទីបនៅរាជធានីភ្នំពេញនៅសប្តាហ៍ក្រោយនេះ លោក ញ៉ក់ ចិន ជាគណៈកម្មការនិងជាកីឡាករចំណុះទូកង ឈ្មោះ សុវណ្ណបទុមសែនជ័យបារមីលោកតាអ៊ំ ដែលជាទូកល្បីឈ្មោះមួយស្ថិតនៅវត្តជ្រោយស្នែងក្របី ឃុំកំពង់គរ ស្រុកព្រែកប្រសព្វ បានឱ្យដឹងថា ខណៈដែលព្រះរាជពិធីបុណ្យអុំទូកកាន់តែកៀក កីឡាករចំណុះទូកទាំងអស់បានខិតខំហ្វឹកហាត់ ដោយបានប្ដេជ្ញាចិត្តនឹងប្រឹងប្រែងយកជ័យជំនជាកិត្តិយសសម្រាប់ភូមិ ស្រុកខេត្តវិញ។

លោកបន្តថា ទូកង សុវណ្ណបទុមសែនជ័យបារមីលោកតាអ៊ំ ដែលជាទូកល្បីឈ្មោះមួយស្ថិតនៅវត្តជ្រោយស្នែងក្របី ជាទូកវែងខ្នាតពិសេសដែលមានចំណុះរហូតដល់ទៅ ៧៦នាក់។

លោកថា ចាប់តាំងពីបង្កើតទូកង ឈ្មោះ សុវណ្ណបទុមសែនជ័យបារមីលោកតាអ៊ំនេះមក គឺបានចូលរួមប្រណាំងបានចំនួន ២ដង ក្នុងព្រះរាជពិធីបុណ្យ អុំទូក បណ្តែតប្រទីត អកអំបុក និងសំពះព្រះខែ នៅរាជធានីភ្នំពេញ ប៉ុន្តែក្រោយមកត្រូវបានអាកខានដោយសារជំងឺកូវិដ-១៩។

គួររំលឹកថា ទូកង ឈ្មោះ សុវណ្ណបទុមសែនជ័យបារមីលោកតាអ៊ំ គឺជាទូកង ខ្នាតពិសេសមួយ ក្នុងចំណោមទូកងខ្នាតពិសេសទាំង ៥ នៅក្នុងខេត្តក្រចេះ ដែលមាន កេរ្តិ៍ឈ្មោះបោះសម្លេង ក្នុងការប្រកួតប្រណាំង នាពេលកន្លងមក៕

ដោយ ៖ ប្រុញ វិធិន