ព័ត៌មានជាតិ

ក្រុមកីឡាការិនី ត្រៀមខ្លួនរួចរាល់ សម្រាប់ការប្រណាំងទូកងថ្នាក់រាជធានី នាថ្ងៃស្អែក

បានផុស

២ years មុន

នៅ

ថ្ងៃចន្ទ ១១ វិច្ឆិកា ២០២៤

ដោយ

ក្រុមកីឡាការិនី ត្រៀមខ្លួនរួចរាល់ ១០០ ភាគរយ សម្រាប់ការប្រណាំងទូកងថ្នាក់រាជធានី ដែលនឹងប្រព្រឹត្តិទៅនៅថ្ងៃទី ១២ ខែវិច្ឆិកា ឆ្នាំ ២០២៤ ស្អែកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទូកង«សំហេងមហាសែនតេជោ បារមីសារវ័នតេជោ» ជាទូករបស់ថ្នាក់រដ្ឋបាលខណ្ឌបឹងកេងកង ក្រោមការឧបត្ថម្ភទាំងស្រុងរបស់ លោក អ៊ិត សំហេង ប្រធានក្រុមការងារគណបក្សប្រជាជនកម្ពុជា ចុះជួយខណ្ឌបឹងកេងកង។

ក្រុមកីឡាការិនី ទូកង ខាងលើនេះ បង្ហាញក្តីរំភើបរីករាយ ក្នុងនាមជានារីភេទ ដែលបានចូលរួមក្នុងការអុំប្រណាំង ជាមួយនឹងព្រះរាជពិធីបុណ្យដ៏សំខាន់របស់ជាតិមួយនេះ។ ក្រុមកីឡាការិនី ត្រៀមខ្លួនរួចរាល់ ១០០ ភាគរយហើយ សម្រាប់ការប្រកួតយកជ័យជម្នះ ការប្រណាំងទូកថ្នាក់រាជធានី នៅថ្ងៃស្អកនេះ និងបន្តឡើងទៅប្រកួតថ្នាក់ជាតិ នាថ្ងៃទី ១៤ ខាងមុខ។

សូមបញ្ជាក់ថា នៅព្រឹកថ្ងៃទី ១១ ខែវិច្ឆិកា ឆ្នាំ ២០២៤ នេះ លោក សុខ សម្បត្តិ អភិបាលខណ្ឌបឹងកេងកង ក៏បានដឹកនាំមន្ត្រី ចុះសំណេះសំណាលជាមួយក្រុមកីឡាការិនីផងដែរ នៅវត្តសារាវ័ន ដើម្បីជាការលើកទឹកចិត្ត និងផ្ដល់កម្លាំងចិត្តដល់ពួកគាត់ ឱ្យមានភាពស្វាហាប់ យកជ័យជម្នះ នៅថ្ងៃប្រកួតទាំងថ្នាក់រាជធានី និងថ្នាក់ជាតិ។ ការសំណេះសំណាលនោះ ក៏បានឧបត្ថម្ភនូវគ្រឿងបរិភោគ , ភេសជ្ជៈ ក៏ដូចជាថវិកាមួយចំនួនផងដែរ។

នៅក្នុងខណ្ឌបឹងកេងកង គឺមានទូកងចំនួន ០២ ដែលនឹងត្រៀមចូលរួមក្នុងការប្រណាំង នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ក្នុងឆ្នាំ ២០២៤ នេះ ជាទូកង ក្រោមការផ្ដួចផ្ដើម និងឧបត្ថម្ភទាំងស្រុងរបស់ លោកបណ្ឌិត អ៊ិត សំហេង៕

អត្ថបទ ៖ សុភា

Related Topics:ខណ្ឌបឹងកេងកង ប្រណាំងទូកង

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា