ព័ត៌មានជាតិ
មេបញ្ជាការអាវុធហត្ថខេត្តកោះកុង ស្នើ នាយទាហាន រក្សាអ្នកចាស់ បណ្ដុះអ្នកថ្មី ក្នុងជួរទ័ព
លោកមេបញ្ជាការកងអាវុធហត្ថខេត្តកោះកុង ស្នើដល់នាយទាហាន ពលទាហាន ក្រោមឱវាទ ត្រូវរក្សាការពារអ្នកចាស់ បណ្ដុះបណ្ដាលអ្នកថ្មី ក្នុងជួរកងទ័ព ដើម្បីបំពេញការងារតួនាទីភារកិច្ចប្រកបដោយប្រសិទ្ធភាពខ្ពស់។
ក្នុងពិធីប្រកាសតែងតាំងផ្លាស់មុខតំណែង ផ្ទេរភារកិច្ច និងបំពាក់ឋានន្តរសក្ដិជូនយោធិនចំនួន ២៥ នាក់ លោកឧត្ដមសេនីយ៍ត្រី តាំង ឈុនស្រេង មេបញ្ជាការកងអាវុធហត្ថខេត្តកោះកុង បានដាស់តឿនដល់នាយទាហាន និងពលទាហាន ក្នុងអង្គភាពរួមគ្នា ត្រូវចេះសាមគ្គីភាពផ្ទៃក្នុង និងការពារយោធិនដែលជារៀមច្បង ក្រោមពាក្យស្លោក«រក្សាអ្នកចាស់ បណ្ដុះអ្នកថ្មី» ជាអ្នកបន្តវេន ក្នុងការតបស្នងដល់ថ្នាក់ដឹកនាំដែលលើកទឹកចិត្តជាបន្តកន្លងមក។
លោកមេបញ្ជាការកងអាវុធហត្ថខេត្តកោះកុង គូសបញ្ជាក់នៅព្រឹកថ្ងៃទី ២៣ ខែធ្នូ ឆ្នាំ ២០២៤ ទៀតថា នាយទាហាន និងពលទាហាន មិនត្រូវខ្ជិលច្រអូសនោះ ពោលគឺបន្តប្រឹងប្រែងរៀនសូត្របង្កើនចំណេះដឹង ប្រកាន់ខ្ជាប់ និងប្រតិបត្តិការឱ្យបានត្រឹមត្រូវសុជីវធម៌ សីលធម៌ និងគុណធម៌ ជាមនុស្សមានតម្លៃ។ ចៀសវាងមានតួនាទីអំណាចហើយទៅប្រព្រឹត្តអំពើផ្ទុយច្បាប់ហាមឃាត់។
លោក តាំង ឈុនស្រេង ក៏បានកោតសរសើរអំពីគំរូវីរភាពរបស់យោធិនម្នាក់ដែលបានអនុវត្តគោរពបទវិន័យ ពង្រឹងប្រសិទ្ធភាពការងារតាមឋានានុក្រម លះបង់ជីវិតបុព្វហេតុក្នុងការការពារសន្តិសុខ សុវត្ថិភាពរក្សាសណ្ដាប់ធ្នាប់សង្គម និងការបង្ក្រាបបទល្មើសនានា។ ទន្ទឹមនេះ លទ្ធផលដែលយោធិនមាននៅថ្ងៃនេះ សុទ្ធសឹងតែជាការប្រឹងប្រែងពុះពារពលីកម្មគ្រប់បញ្ហាជូនប្រជាពលរដ្ឋ សង្គមជាតិ និងថ្នាក់ដឹកនាំដែលបានប្រគល់ភារកិច្ចតួនាទីជូន។
ដោយឡែក លោកអនុសេនីយ៍ឯក ហេង ស្រស់ នាយការិយាល័យសណ្ដាប់ធ្នាប់អន្តរាគមន៍ តំណាងយោធិនទាំង ២៥ រូប ដែលទើបទទួលបានតួនាទីមុខតំណែងថ្មី បានប្ដេជ្ញាចិត្តថា ស្មោះត្រង់ចំពោះជាតិ សាសនា ព្រះមហាក្សត្រ ហ៊ានធ្វើពលីកម្មគ្រប់បែបយ៉ាង ដើម្បីការពាររដ្ឋធម្មនុញ្ញការពារបូរណភាពទឹកដី ការពាររាជរដ្ឋាភិបាលស្របច្បាប់ ការពារ និងបម្រើប្រជាពលរដ្ឋដោយភាពស្មោះត្រង់។
លោក ហេង ស្រស់ អះអាងដែរថា រូបលោក និងតំណាងយោធិនផ្សងៗ ទៀត នឹងប្រឆាំងដាច់ខាតការបង្កអសន្តិសុខ និងការធ្វើបដិវត្តន៍ពណ៌គ្រប់រូបភាព ដើម្បីការពារផលប្រយោជន៍សង្គមជាតិ សន្តិសុខ រក្សាសណ្ដាប់ធ្នាប់របៀបរៀបរយក្នុងសង្គម និងកិច្ចអភិវឌ្ឍន៍ប្រទេសតាមបែបប្រជាធិបតេយ្យ។ ក្នុងនាមជាយោធិនខិតខំបំពេញតួនាទីភារកិច្ចរបស់ខ្លួនដោយគោរពច្បាប់ បទបញ្ជា គោរពព្រឹទ្ធាចារ្យ គោរពវិន័យសីលធម៌វិជ្ជាជីវៈកងរាជអាវុធហត្ថ និងអនុវត្តការងារតាមឋានានុក្រម ដោយពុំយកឋានៈតួនាទីទៅប្រព្រឹត្តបទល្មើសផ្សេងៗ ជាដាច់ខាត។
តំណាងយោធិន លើកឡើងដែរថា ពួកគាត់ នឹងប្រឹងប្រែង បង្កើនសមត្ថភាព ចំណេះដឹង ឱ្យស្របទៅតាមសម័យឌីជីថល និងសិក្សាបន្ថែមអំពីច្បាប់ លក្ខន្តិកៈ បទវិន័យទូទៅ របស់កងយោធពលខេមរភូមិន្ទ ដើម្បីតម្រង់ទិសក្នុងកិច្ចប្រតិបត្តិការអនុវត្តច្បាប់ប្រកបដោយគុណភាពប្រសិទ្ធភាព៕
អត្ថបទ ៖ សិរីវឌ្ឍនៈ
អ្នកនាំពាក្យអំពាវនាវពលរដ្ឋបរិភោគទឹកឲ្យបានច្រើន និងចំណីអាហារមានអនាម័យពេលអាកាសធាតុក្តៅខ្លាំងចៀសវាងកើតជំងឺផ្សេងៗ
ត្រាំ ព្រមាននិងផ្តាំផ្ញើពាក្យប៉ុន្មានម៉ាត់ទៅ ពូទីន ដែលនៅតែគឃ្លើនវាយប្រហារទីក្រុង កៀវ
បង្រ្កាបទីតាំងហាងយីហោ ត្នោត ផ្អែម ឃាត់ខ្លួនមនុស្សប្រុសស្រីច្រើននាក់ពាក់ព័ន្ធការបង្កប់សេវាកម្មផ្លូវភេទ
អភិបាលខេត្តកំពតលើកឡើងថា គោលនយោបាយលើវិស័យដីធ្លី គឺជាគោលនយោបាយចម្បងក្នុងអាណត្តិទី៧
លោកជំទាវទុយ សិរីរតនៈ នេត្រភក្រ្តា យកអំណោយអង្ករវីតាមីន៣០០កេស ស្មើប្រមាណជិត ៤ តោន ផ្តល់ជូនមន្ទីរពេទ្យតេជោសន្តិភាព
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
នគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
ក្មេងស្រីអាយុ៤ឆ្នាំលក់ផ្កា៖ សម្ដេចតេជោ ស្នើកុំវែកញែករឿងកេងប្រវ័ញ្ចពលកម្មកុមារ មុនរឿងក្រពះ និងបញ្ហាគ្រួសារ
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
ប៉ូឡូញ ចល័តយន្តហោះចម្បាំងយ៉ាងបន្ទាន់បំផុត ក្រោយរុស្ស៊ី វាយអ៊ុយក្រែន កៀកព្រំដែនខ្លួន
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ១៨ ម៉ោង agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ១ សប្តាហ៍ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម២៤ ម៉ោង agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម