ព័ត៌មានជាតិ

មិនដល់១សប្តាហ៍ផងម្តាយតារាស្រី២រូបស្លាប់ដោយសារកូវីដ-១៩

បានផុស

៥ years មុន

នៅ

ថ្ងៃអង្គារ ២៣ មីនា ២០២១

ដោយ

គិតមកដល់ថ្ងៃទី២៣ ខែមីនាឆ្នាំ២០២១នេះ មានករណីស្លាប់ម្តាយរបស់តារាចម្រៀងនិងតារាកំប្លែងស្រីពីររូបហើយដោយសារជំងឺកូវីដ-១៩ ខណៈដែលពួកគេទាំងពីរនាក់នេះក៏កំពុងព្យាបាលជំងឺនិងធ្វើចត្តាឡីស័កនៅមន្ទីរពេទ្យផងដែរ។

តារាស្រីពីររូបដែលកំពុងជួបទុក្ខធំក្នុងគ្រួសារព្រោះការបាត់បង់អ្នកម្តាយជាទីស្រលាញ់នោះរួមមាន,១.តារាចម្រៀងផលិតកម្មហង្សមាសកញ្ញា វី ឌីណែត។ ម្តាយរបស់កញ្ញា វី ឌីណែត គឺលោកស្រី ងឿន សុថានី ជនជាតិខ្មែរ អាយុ៦២ឆ្នាំ ដែលត្រូវជាភរិយារបស់តារាចម្រៀងជើងចាស់លោក ហួរ ឡាវី បានស្លាប់ដោយសារជំងឺកូវីដ-១៩នៅវេលាម៉ោង១១និង៤៥នាទី ថ្ងៃទី១៩ ខែមីនា ឆ្នាំ២០២១បន្ទាប់ពីចូលសម្រាកព្យាបាលបានប៉ុន្មានថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្លាប់ម្តាយតារាស្រី វីឌីណែ បានធ្វើឲ្យអ្នកសិល្បៈនិងមហាជនរន្ធត់ចិត្តខ្លាំងខណៈដែល វី ឌីណែត ក៏កំពុងសម្រាកព្យាបាលជំងឺកូវីដ-១៩ និងលោក ហួរ ឡាវី ក៏ធ្វើចត្តាឡីស័ករយៈពេល១៤ថ្ងៃនៅឯផ្ទះផងដែរ។

ទី២.តារាកំប្លែងដែលជាសមាជិកក្នុងក្រុមនាយ ក្រឹម គឺកញ្ញា ស្រី ពីន។ ម្តាយរបស់តារាស្រីវ័យក្មេងកញ្ញា ស្រីពីន អាយុ៦២ឆ្នាំបានស្លាប់នៅវេលាម៉ោង៥និង៤០នាទីព្រឹក ថ្ងៃទី២៣ ខែមីនា ឆ្នាំ២០២១នៅមន្ទីរពេទ្យរុស្ស៊ីដោយសារជំងឺកូវីដ-១៩។ ចំណែកឯតារាស្រីកញ្ញា ស្រី ពីន កំពុងធ្វើចត្តាឡីស័កនៅមន្ទីរពេទ្យផងដែរ។

ជាការកត់សម្គាល់បន្ទាប់ពីមានដំណឹងនៃការស្លាប់អ្នកម្តាយរបស់តារាស្រីទាំង២រូបខាងលើដោយសារជំងឺកូវីដ-១៩នោះ គឺមានការសម្តែងក្តីរន្ធត់ចិត្តខ្លាំងពីអ្នកគាំទ្រនិងមិត្តភ័ក្ដិរួមអាជីពសិល្បៈជាច្រើន។ សូមជម្រាបដែរថា គិតមកដល់ព្រឹកថ្ងៃទី២៣ ខែមីនា នេះគឺមានករណីអ្នកស្លាប់ដោយសារជំងឺកូវីដ-១៩ ចំនួន៥រូបហើយ នេះបើយោងតាមរបាយការណ៍របស់ក្រសួងសុខាភិបាល៕

អត្ថបទ ៖ ចាន់រ៉ា

Related Topics:

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា