ព័ត៌មានជាតិ

សម្ដេចតេជោនឹងថ្លែងបាឋកថាចំនួន៣ក្នុងដំណើរទស្សនកិច្ចទៅក្រៅប្រទេសនៅសប្ដាហ៍ក្រោយ

បានផុស

១ year មុន

នៅ

ថ្ងៃអាទិត្យ ៤ ឧសភា ២០២៥

ដោយ

ប្រធានព្រឹទ្ធសភាកម្ពុជា សម្ដេចតេជោ ហ៊ុន សែន នឹងឡើងថ្លែងបាថាកថាចំនួន៣ក្នុងពេលដែលសម្ដេចអញ្ជើញធ្វើដំណើរទស្សនកិច្ចនៅប្រទេសឥណ្ឌូណេស៊ី និងប្រទេសទីម័រឡេស្ដេ ចាប់ពីថ្ងៃទី៥ ដល់ថ្ងៃទី៧ ខែឧសភា ឆ្នាំ២០២៥ខាងមុខ។

សម្ដេចតេជោថ្លែងក្នុងវេទិកាចំណេះដឹងពិភពលោក នៅសាធារណរដ្ឋកូរ៉េ កាលពីខែកញ្ញា ឆ្នាំ២០២៤

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីប្រកាសព័ត៌មានចុះថ្ងៃទី៤ ខែឧសភា ឆ្នាំ២០២៥នេះ អគ្គលេខាធិការដ្ឋានព្រឹទ្ធសភាឱ្យដឹងថានៅប្រទេសឥណ្ឌូនេស៊ី សម្ដេចតេជោនឹងឡើងថ្លែងបាថកថាចំនួន២ក្នុងនោះគឺ «កម្ពុជា និងអាស៊ាន, អាស៊ាន និងពិភពលោក» ដែលជាវិភាគទានដ៏សំខាន់ក្នុងការអបអរខួប ២៦ឆ្នាំនៃការចូលជាសមាជិកអាស៊ានរបស់កម្ពុជា។ ដោយឡែកបាឋកថាមួយទៀតដែលនឹងថ្លែងនៅសាលាសិក្សាអំពីរដ្ឋាភិបាលនៃវិទ្យាស្ថានស្រាវជ្រាវសេដ្ឋកិច្ចអាស៊ាន និងអាស៊ីបូព៌ា (ERIA School of Government) ដែលសម្ដេចនឹងចែករម្លែកនូវ (ទស្សនៈ និងបទពិសោធន៍នៃកិច្ចខិតខំកសាងសន្ដិភាពនៅកម្ពុជា»។

ចំពោះដំណើរទស្សនកិច្ចនៅប្រទេសទីម័រឡេស្ដេវិញសម្ដេចនឹងផ្ដល់បាឋកថាលើប្រធានបទស្ដីពី «មេរៀនរបស់ ហ៊ុន សែន៖ ពីរបបប្រល័យពូជសាសន៍ និងភាពក្រីក្រឆ្ពោះទៅកាន់សេរីភាព និងវិបុលភាព» នៅវិមានប្រធានាធិបតីប្រទេសទីម័រផងដែរ។

ព្រឹទ្ធសភាបញ្ជាក់ថាដំណើរទស្សនកិច្ចរបស់សម្ដេចតេជោទៅកាន់ប្រទេសឥណ្ឌូណេស៊ី និងសាធារណរដ្ឋប្រជាធិបតេយ្យទីម័រឡេស្ដេនាពេលនេះឆ្លុះបញ្ចាំងពីការយកចិត្តទុកដាក់របស់កម្ពុជា ក្នងការលើកកម្ពស់ការទូតសភារបស់កម្ពុជាសំដៅដល់ការពង្រឹង និងការពង្រីកទំនាក់ទំនងកម្ពុជាទាំងក្នុងក្របខណ្ឌទ្វេភាគី និងពហុភាគីឱ្យកាន់តែរឹងមាំ និងស៊ីជម្រៅ ដែលនឹងរួមចំណែកដល់សន្ដិភាព សន្ដិសុខ ស្ថិរភាព និងវិបុលភាព ក្នុងតំបន់ និងពិភពលោក៕

អត្ថបទដោយ៖ ហ៊ុន សិរីវឌ្ឍន៍