ព័ត៌មានជាតិ

បង្ក្រាបករណីជួញដូរកញ្ឆាក្រៀមទម្ងន់ជាង២គីឡូក្រាមនៅខេត្តតាកែវ

បានផុស

៥ years មុន

នៅ

ថ្ងៃព្រហស្បតិ៍ ១ មេសា ២០២១

ដោយ

កញ្ឆាក្រៀមដែលបម្រុងយកទៅលក់ឲ្យក្រុមម៉ូយ ត្រូវបានប៉ូលីសស្រុកគីរីវង់បង្ក្រាបបានទាន់ពេលវេលា ថែមទាំងឃាត់ខ្លួនបានជនសង្ស័យម្នាក់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមានការចង្អុលបង្ហាញពីសំណាក់លោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ និងមានការសម្របសម្រួលពីព្រះរាជអាជ្ញាអមសាលាដំបូងខេត្តតាកែវ នៅថ្ងៃទី៣១ ខែមីនា ឆ្នាំ២០២១ វេលាម៉ោង២០និង៥៣នាទីយប់ លោកវរសេនីយ៍ឯក យុគ សារ៉ាត់ អធិការនគរបាលស្រុក បានដឹកនាំកម្លាំងជំនាញចុះល្បាតនិងត្រួតពិនិត្យតាមភូមិសាស្ត្រសំខាន់ៗ លុះមកដល់ចំណុចរោងចិញ្ចឹមមាន់ ក្នុងចម្ការស្វាយ ស្ថិតក្នុងភូមិជ្រោយ ឃុំព្រះបាទជាន់ជុំ ស្រុកគីរីវង់ ខេត្តតាកែវ បានប្រទះឃើញជនសង្ស័យម្នាក់ កំពុងរៀបចំកញ្ឆាក្រៀមក្នុងរោង បម្រុងយកចេញ ពេលនោះសមត្ថកិច្ចបានឃាត់ខ្លួនជនសង្ស័យឈ្មោះ សំ ស៊ីណាយ (ហៅហ៊ាង) ភេទប្រុស អាយុ២៨ឆ្នាំ មានទីលំនៅភូមិជ្រោយ ឃុំព្រះបាទជាន់ជុំ ស្រុកគិរីវង់ ខេត្តតាកែវ ។ចំណែកវត្ថុតាងដកហូតបានមន ៖ កញ្ឆាក្រៀមទម្ងន់២,៥០kgនិង ម៉ូតូ០២គ្រឿងផងដែរ។