នយោបាយ

លោកស្រី មូរ សុខហួរ ប្រកាសលើកពេលមកកាន់កម្ពុជា ខណៈថ្ងៃកំណត់ជិតចូលមកដល់

បានផុស

៥ years មុន

នៅ

ថ្ងៃសៅរ៍ ២ មករា ២០២១

ដោយ

តាមគម្រោង ដែលបានគ្រោងទុកលោកស្រី មូរ សុខហួរ និងក្រុមអ្នកហែរហម ដែលជាអតីតមេដឹក នាំអតីតគណបក្សសង្គ្រោះជាតិ នឹងចេញដំណើរមកកាន់កម្ពុជានៅថ្ងៃទី០៤ ខែមករា ឆ្នាំ ២០២១ខាងមុខ ប៉ុន្តែគម្រោងនេះបានផ្អាកទៅវិញ ដោយសំអាងថា ក្រុមហ៊ុនអាកាសចរណ៍បានផ្អាកដំណើរ ការ នេះបើយោងតាមសេចក្តីប្រកាសព័ត៌មាន ដែលទទួលបាននៅព្រឹកថ្ងៃទី០២ ខែមករា មុននេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសេចក្តីជូនព័ត៌មាននោះបញ្ជាក់ថា ក្នុងករណីយន្តហោះនៃក្រុមហ៊ុនអាកាសចរណ៍ Singapore Airlines ដែលត្រូវចេញដំណើរពីសហរដ្ឋអាមេរិកនៅថ្ងៃទី១៥ ខែមករា ឆ្នាំ២០២១ខាងមុខមិនមានការប្រែប្រួលនោះ លោកស្រី មូរ សុខហួរ និងប្រតិភូអមដំណើរ នឹងមកដល់ព្រលានយន្តហោះអន្តរ ជាតិភ្នំពេញនៅថ្ងៃទី១៧ ខែមករា ឆ្នាំ២០២១ វេលាម៉ោង០៥ និង៣៥ នាទីល្ងាច តាមជើងហោះហើរលេខSQ500B ប៉ុន្តែការប្រកាសផ្អាកត្រឡប់មកកម្ពុជានេះ ត្រូវបានអ្នកនាំពាក្យអះអាងថា គម្រោងរបស់លោកស្រី មូរ សុខហួរ មិនខុសពីគម្រោងរបស់ប្រធានរបស់គាត់ លោក សម រង្ស៊ី នោះទេ។

លោក សុខ ឥសាន អ្នកនាំពាក្យគណបក្សប្រជាជនកម្ពុជា បញ្ជាក់យ៉ាងដូច្នេះថា “យាយហួរចូលមក ក្នុងស្រុកខ្មែរ នៅក្នុងអារម្មណ៍ដូចលោកប្រធានរបស់គាត់ នេះគឺជាវប្បធម៌ក្លាហានរបស់ក្រុមឧទ្ទាមក្រៅច្បាប់ ? “។ បើតាមលោក សុខ ឥសាន នៅពេលនេះសមត្ថកិច្ចកម្ពុជាបង្កើនវិធានការណ៍ច្បាប់ចំពោះបញ្ហាជំងឺកូវីដ១៩ផង និងក្រុមជនល្មើសច្បាប់ផង ដើម្បីធានាការពារសន្តិភាព សន្តិសុខសង្គម និងសុខភាពប្រជាជនកម្ពុជា។

លោក សុខ ឥសាន ថា នៅពេលនេះជាពេលរីករាលដាលនៃជំងឺកូវីដ-១៩ អ្នកណាក៏ដោយឲ្យតែមកដល់ព្រំដែន នឹងត្រូវចាប់ទុកធ្វើចត្តាឡីស័កទាំងអស់ ដោយមិនលើកលែង មានរឿងអីផ្សេងទៀតសឹមគិតក្រោយ៕

អត្ថបទ ៖ កោះកែវ

Related Topics:នយោបាយ