Connect with us

សន្តិសុខសង្គម

បាញ់សម្លាប់បុរសជនជាតិចិនម្នាក់ទាំងយប់ នៅសង្កាត់កាកាប ២ សង្ស័យករណីគំនុំ

បានផុស

នៅ

បុរសជនជាតិចិនម្នាក់ ត្រូវខ្មាន់កាំភ្លើងមិនស្គាល់អត្តសញ្ញាណ បាញ់ប្រហារជាច្រើនគ្រាប់បណ្តាលឱ្យស្លាប់ក្នុងរថយន្តយ៉ាង​អាណោចអាធ័ម បង្ក​ការ​ភ្ញាក់​ផ្អើល​កាលពី​វេលា​ម៉ោង​ ២៣ និង​ ៣០​ នាទី​យប់ កាលពីថ្ងៃទី​ ៩ ខែមករា ឆ្នាំ​ ២០២២ ស្ថិតនៅ​ចំណុច សណ្ឋាគារ ស៊ី​ធី​ខម​ហ្វ​ត ភូមិ​ចំការ​ឱ​ឡឹ​ក ​២ សង្កាត់​កា​កាប​ ២ ខណ្ឌ​ពោធិ៍​សែន​ជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ជនរងគ្រោះ​ឈ្មោះ zhao song ភេទ​ប្រុស អាយុ​ ៤២ ឆ្នាំ ជា​ជន​ជាតិចិន ។ ជនរងគ្រោះ​បើករថយន្ដ​ម៉ាក Rangrover ពណ៌​ខ្មៅ ពាក់​ស្លាក​លេខ ភ្នំពេញ 2W-8261 ។

​យោងតាម​ប្រភពព័ត៌មាន​បានឱ្យដឹងថា នៅ​មុនពេល​កើតហេតុ ជនរងគ្រោះ​បាន​បើករថយន្ត​មកពី​ហូបបាយ​នៅ​ខាងក្រៅ ខ​ណៈ​ហូប​រួច ក៏​ត្រឡប់​ទៅកាន់​សណ្ឋាគារ​វិញ ( ចំណុចកើតហេតុ​) ។ លុះ​ពេលមកដល់​កន្លែងកើតហេតុ សន្តិសុខ​បាន​បើកទ្វារ​ឲ្យ​រថយន្ត​ជនរងគ្រោះ​ចូល​កន្លែង​ចត ប៉ុន្តែ​ទ្វារ​គាំង​មិនអាច​បើកបាន ក៏​ឈប់​រថយន្ត​ចាំ​នៅ​ខាងក្រៅ​មួយសន្ទុះ ភ្លាមនោះ ក៏​លិចមុខ​ជ​នស​ង្យ័​យ​មិន​ស្គាល់​អត្តសញ្ញាណ បាន​ដើរទៅ​ជិត​រថយន្ត​ជនរងគ្រោះ ហើយ​បាន​ដក​កាំភ្លើងខ្លី​មិន​ស្គាល់​ម៉ាក ធ្វើ​សកម្មភាព បាញ់ប្រហារ​ទៅលើ​ជនរងគ្រោះ​ជិត​ ១០ ​គ្រាប់ បណ្ដា​យ​ឱ្យ​ជនរងគ្រោះ​ស្លាប់​ក្នុង​ថ្លុកឈាម​ក្នុង​រថយន្ត ដោយ​ក្នុងនោះដែរ ជនរងគ្រោះ​ត្រូវ​ផ្នែក​ពោះ​ចំនួន​ ៥ ​គ្រាប់ និង​ចំ​ដៃ​ខាងឆ្វេង​ចំនួន ​៣ ​គ្រាប់។​ ក្រោយ​ការធ្វើសកម្មភាព​បាញ់ប្រហា​រហើយ​នោះ ជនសង្ស័យ​បាន​ជិះ​ម៉ូតូ​ចាក​ចេញពី​កន្លែងកើតហេតុ បាត់ស្រមោល​សូន្យ​តែម្តង ។

​ភ្លាមៗបន្ទាប់ពី​កើតហេតុ កម្លាំង​សមត្ថកិច្ច​ចម្រុះ មាន​កម្លាំង​នគរបាល និង​កម្លាំង​កងរាជអាវុធហត្ថ បាន​ចុះ​អន្តរាគមន៍​ដល់ទី​តាំង​ខាងលើ ដើម្បី​ចុះ​ធ្វើការ​ពិនិត្យ​វិច័យ​លើ​សាកសព នឹង​សាក​សួរនាំ​ព័ត៌មាន​បន្ថែម ក៏ដូចជា​ពិនិត្យ​លើ​កាមេរ៉ា​សុវត្ថិភាព​ជុំវិញ​កន្លែងកើតហេតុ ក្នុងការ​ស្រាវជ្រាវ តាម​ចាប់ខ្លួន​ជនល្មើស​យកទៅ​ផ្តន្ទាទោស​ទោ​តាមផ្លូវ​ច្បាប់។ ដោយឡែក​សាកសព ត្រូវ​ដឹកយក​ទៅ​តម្កល់​នៅ​វត្ត​ស្ទឹងមានជ័យ រង់ចាំ​ធ្វើ​កោសល្យវិច័យ​ពិនិត្យ​បន្ត។

​យ៉ាងណាមិញ ជុំវិញ​អំពើ​បាញ់ប្រហារ​នេះ គេ​នៅ​ពុំទាន់​ដឹងថា ផ្តើមចេញពី​មូលហេតុ​អ្វី​ឲ្យ​ពិតប្រាកដ​នោះទេ ដែល​ធ្វើឲ្យ​ខ្មាន់កាំភ្លើង​បាញ់សម្លាប់​ជនរងគ្រោះ​យ៉ាង​សាហាវ​ឃោរឃៅ​បែបនេះ គ្រាន់តែ​ជំ​ហ៊ាន​ដំបូង គេ​អាចដាក់​ការ​សន្និដ្ឋានបានថា អាចជា​ករណី​គំនុំ ៕

អត្ថបទ៖ លី​ហេង & សុខា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៣ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៣ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៤ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៤ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម