សន្តិសុខសង្គម
ឃាត់ខ្លួនជនជាតិចិនជាង២០នាក់ ពាក់ព័ន្ធបទល្មើលជួញដូរផ្លូវភេទ
កម្លាំងសមត្ថកិច្ចកងរាជអាវុធហត្ថរាជធានីភ្នំពេញ សហការជាមួយកម្លាំងអាវុធហត្ថខណ្ឌដូនពេញ បានបើកប្រតិបត្តិការចុះបង្ក្រាបទីតាំងសណ្ឋាគារមួយកន្លែង ដែលមានស្លាកយីហោជាអក្សរចិន ដែលប្រែខ្មែរមកថា « ឈូងសមុទ្រក្រអូប » ស្ថិតតាមបណ្តោយផ្លូវលេខ១៧២ កែងនឹងផ្លូវ៥១ ( បាស្ទ័រ ) ក្នុងសង្កាត់ផ្សារថ្មី៣ ខណ្ឌដូនពេញ ពាក់ព័ន្ធនឹងការលួចបង្កប់សេវាផ្លូវភេទ និងជួញដូរផ្លូវភេទ ។
ប្រតិបត្តិការរបស់កម្លាំងកងរាជអាវុធហត្ថខាងលើនេះ បានបង្កអោយមានការភ្ញាក់ផ្អើលឡើងកាលពីវេលាម៉ោង២១ និង០០នាទីយប់ថ្ងៃទី០៦ ខែមិនា ឆ្នាំ២០២១ ធ្វើឡើងដោយមានការចង្អុលបង្ហាញដោយផ្ទាល់ពីសំណាក់លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ និងមានការដឹកនាំកម្លាំងចុះផ្ទាល់ ពីលោកឧត្តសេនីយ៍ មេបញ្ជាការរង ទទួលជំនាញផងដែរ ។
តាមប្រភពពីមន្ត្រីកងរាជអាវុធហត្ថរាជធានីភ្នំពេញបានអោយដឹងថា ការចុះបង្ក្រាប គឺធ្វើឡើងដោយពាក់ព័ន្ធនឹងបទល្មើសរកស៊ីផ្លូវភេទ ហើយនៅពេលដែលកម្លាំងសមត្ថកិច្ចចុះដល់ទីតាំងខាងលើឃើញថា ពិតជាមានប្រាកដមែន បន្ទាប់ពីសមត្ថកិច្ច បានបើកការស្រាវជ្រាវកន្លងមក ។ ប្រភពដដែលបន្តថា ក្នុងនោះដែរកម្លាំងជំនាញ ក៏បានរកឃើញមានថ្នាំញៀន និងឧបករណ៍ប្រើប្រាស់មួយចំនួន ដែលក្រុមជនសង្ស័យ បានធ្វើសកម្មភាពប្រើប្រាស់ ។
រង្វង់ប្រតិបត្តិការជាង៣ម៉ោង កម្លាំងសមត្ថកិច្ច បានធ្វើការឃាត់មនុស្សប្រុសស្រីជាជនជាតិចិន សរុបជាង២០នាក់ នឹង បានដកហូតបានវត្ថុតាងមួយចំនួនធំផងដែរ ពាក់ព័ន្ធនឹងបទល្មើសរកស៊ី និងជួញដូរផ្លូវភេទ ក៏ដូចជាគ្រឿងញៀនផងដែរ ។ យ៉ាងណាមិញ ក្រោយការឃាត់ខ្លួន ជនសង្ស័យជាង២០នាក់ ត្រូវបានបញ្ចូនឡើងរថយន្ត ដឹកយកទៅកាន់ ទីបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីសាកសួរនាំ នឹងចាត់ការទៅតាមនីតិវិធីច្បាប់ នៅពេលក្រោយផងដែរ ៕
អត្ថបទ៖ លីហេង
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល