បញ្ជូនក្មេងទំនើងរហស័សនាម «ជួបកាប់» ទៅតុលាការ​

ក្មេងមានរហ័យនាម «ជួបកាប់» នៅស្រុកព្រះនេត្រព្រះ ៣ នាក់ ត្រូវបាននគរបាលស្រុកព្រះនេតព្រះឃាត់ខ្លួនបញ្ជូនទៅ​តុលាការ​ ចំណែកបក្សពូក ២ នាក់ទៀត បាន​រត់​គេចខ្លួនពាក់ព័ន្ធកាប់ក្មេង ២ នាក់ឲ្យរបួសធ្ងន់ស្រាលកាលពីយប់រំលងអាធ្រាត្យ​ ចូលថ្ងៃទី១០ ខែមិថុនា ឆ្នាំ២០២៤ នៅចំណុចភូមិប៉ោយសំរោង ឃុំប៉ោយសំរោង ស្រុកព្រះនេត្រព្រះ ខេត្តបន្ទាយមានជ័យ។

លោកវរៈសេនីយ៍ឯក ទេព រដ្ឋា អធិការនគរបាលស្រុកព្រៈនេតក្រព្រៈ បានប្រាប់អ្នកយកព័ត៍មានថា នៅថ្ងៃកើតហេតុមានជនសង្ស័យ ៥ នាក់ប្រដាប់ទៅដោយកាំបិតខ្វាវ បានចេញធ្វើសកម្មភាព​ស្វែងរកជនណាដែលជិៈមូតូម៉ាកណិច ដែលជាគូសត្រូវធ្លាប់មានជម្លោះកន្លងមក លុះជិៈមក​ដល់​ចំណុចកើតហេតុ ស្រាប់តែឃើញមានក្មេង ២ នាក់ជិះម៉ូតូម៉ាកណិច ដែល​ក្រុមជនល្មើស​ស្វែងរក ក៏ចុះពីម៉ូតូដើរទៅកាប់ជនរងគ្រោះដោយពុំដឹងរឿង បណ្តាលឲ្យរបួសធ្ងន់ស្រាល​ដឹកទៅសង្គ្រោះនៅមន្ទីពេទ្យ​មិត្តភាពកម្ពុជា.ជប៉ុន។

លោកវរៈសេនីយ៍ឯក ទេព រដ្ឋា បានបញ្ជាក់ឲ្យដឹង​បន្តទៀតថា ក្រោយ​ពេលទទួលបានពាក្យបណ្តឹង​ពីជនរងគ្រោះ លោកបានដឹកនាំកំលាំងនគរបាល​មួយ​ក្រុម សហការជាមួយកម្លាំងនគរបាលការិយាល័យព្រហ្មទ័ណ្ឌកម្រិតស្រាល ខេត្តបន្ទាយមានជ័យ ចុះធ្វើការស្រាវជ្រាវឈានដល់ឃាត់ខ្លួនក្មេងទំនើងបាន ៣ នាក់ និងកាំបិតខ្វែវរឺផ្គាក់ចំនួន ២ ដើម យកមកអធិការស្រុកព្រះនេត្រព្រះ ដើម្បីធ្វើការសាកសួរហើយកសាងសំណុំរឿងបញ្ចូនមកស្នងការដ្ឋាននគរបាលខេត្តបន្ទាយមានជ័យដើម្បីចាត់ការនិតិវិធីបន្ត។

ជនសង្ស័យ ៣ ​នាក់ដែលឃាត់ខ្លួន​មាន ១.ឈ្មោះ ប្រិម ប៊ុនអេក ហៅ​អេក ភេទប្រុសអាយុ ១៦ ឆ្នាំ ២.ឈ្មោះ ឡាម ណាក់រុង ភេទប្រុសអាយុ ១៥ ឆ្នាំ ៣.ឈ្មោះ ខៀន សីហា ហៅសី ភេទប្រុស អាយុ ១៦ ឆ្នាំ។ ទាំង ៣ នាក់ រស់នៅភូមិសំរោង ឃុំ សំរោង ស្រុកព្រៈនេត្រព្រៈ។

ជនសង្ស័យ​ត្រូវ​បាន​កម្លាំងនគរបាលការិយាល័យព្រហ្មទ័ណ្ឌកម្រិតស្រាលខេត្តបន្ទាយមានជ័យទៅសាលាដំបូងខេត្តដើម្បីដាក់ទោសទៅតាមច្បាប់៕

អត្ថបទ៖ វ៉ាន់ ណាង